ଜଗତସିଂହପୁର,୧୦/୦୭: ଜଗତସିଂହପୁର ଥାନା ଜାହାନପୁର ଗାଁରେ ଅଘଟଣ । ଦାଦାର କୋଦାଳ ଚୋଟରେ ଚାଲିଗଲା ପୁତୁରାର ଜୀବନ । ମୃତକ ହେଉଛନ୍ତି ସୁମନ ଦାସ ଏବଂ ହତ୍ୟାକାରୀ ଦାଦା ସଂଜୟ ଦାସ ବୋଲି ଜଣାପଡ଼ିଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଥିବା ବେଳେ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି ।
ସୂଚନା ମୁତାବକ, ଦାଦା ସଂଜୟ ଦାସ ଅବିବାହିତ ଥିବା ବେଳେ ସବୁବେଳେ ନିଶାସକ୍ତ ଅବସ୍ଥାରେ ରହିଥାଏ । ଗୁରୁବାର ଭୋର ସମୟରେ ସୁମନ ଦାନ୍ତ ଘଷିବାକୁ ବାହାରକୁ ଆସିଥିଲା । ଏତିକି ବେଳେ ଏକ କୋଦାଳରେ ଚୋଟ ପକାଇଥିଲା ସଞ୍ଜୟ । ଫଳରେ ତାଙ୍କର ମୃତ୍ୟୁ ହୋଇଥିଲା । ଏସମ୍ପର୍କରେ ଖବର ପାଇ ତରିକୁନ୍ଦ ଫାଣ୍ଡି ଅଧିକାରୀ ଅନିଲ ସାହୁ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ସଂଜୟକୁ କାବୁ କରିଛନ୍ତି ।
