ଭୁବନେଶ୍ଵର, ୧୧/୦୭ : ସମ୍ବିଧାନ ବଞ୍ଚାଅ ସମାବେଶରେ ରାହୁଲ ଗାନ୍ଧିଙ୍କ ଅଭିଭାଷଣକୁ ନେଇ ଟାର୍ଗେଟ୍ କଲେ ବିଜେପି ବିଧାୟକ ଜୟ ନରାୟଣ ମିଶ୍ର। ସେ କହିଛନ୍ତି, ରାହୁଲ ଗାନ୍ଧିଙ୍କ ଭାଷଣ ଅପରିପକ୍ଵତାର ପ୍ରମାଣ ଦେଉଛି। ରାହୁଲଙ୍କ ଭାଷଣରେ ତଥ୍ୟ ନାହିଁ। ଗୋଟେ ଅପରିପକ୍ୱ, ପଞ୍ଚାୟତସ୍ତରର ନେତା ଭାଷଣ ଦେଲାଭଳି ଲାଗିଲା। ଏହା ସରପଞ୍ଚ ନିର୍ବାଚନ ସଭା ଭଳି ଲାଗିଲା। ସମ୍ବିଧାନକୁ ଆମେ ବଞ୍ଚାଉଛୁ, ସେମାନେ ଦୁଷ୍କର୍ମ କରିଥିଲେ। ୩୭୦ ଧାରା ଲଗେଇ ରାଜ୍ୟ ରାଜ୍ୟ ଭିତରେ ପ୍ରାର୍ଥକ୍ୟ ଆଣିଥିଲେ। ଆମେ ସମାନତା ଆଣିଛୁ।
ଜୟ ନାରାୟଣ କହିଛନ୍ତି, ସ୍ୱଧିନତା ପରେ କଂଗ୍ରେସ ସରକାର ସମୟରେ କେତେ ଶିଳ୍ପପତି ସୃଷ୍ଟି ହୋଇଥିଲେ ? ଶିଳ୍ପପତି ସୃଷ୍ଟି ହେବା ଆବଶ୍ୟକ, କେବଳ ସରକାର କାମ କରିବେ ନାହିଁ ବେସରକାରୀ କମ୍ପାନୀ କାମ କରିବା ଦରକାର। ଖାଲି ଅଦାନି ଅମ୍ବାନୀ କହିଦେଲେ ହେବ ନାହିଁ, ରାଜସ୍ଥାନ ଓ ଛତିଶଗଡ଼ରେ କଂଗ୍ରେସ ସରକାର ଅଦାନିକୁ କେତେ କାମ ଦେଇଛନ୍ତି, ସେକଥା କୁହନ୍ତୁ। ସମ୍ବିଧାନ ବ୍ୟବସ୍ଥାରେ ଟେଣ୍ଡରରେ ଯିଏ ଯାହା ପାଇଲା ତାକୁ କେହି ମନା କରିପାରିବେ ନାହିଁ। ଶିଳ୍ପ ଅଭିବୃଦ୍ଧି ନଘଟିଲେ ଗୋଟେ ଦେଶର ଅଭିବୃଦ୍ଧି ହେବ କେମିତି? ରାହୁଲ ଟିକେ ଟିକେ ଭାଷଣ କହି ଶିଖିବାରୁ ତାଙ୍କୁ ଧନ୍ୟବାଦ।
କଂଗ୍ରେସ ଶାସିତ ରାଜ୍ୟରେ ଚାଷୀଙ୍କୁ କେଉଁଠି ଧାନ ବିକିବା ବାବଦରେ ଟଙ୍କା ଦେଇଛନ୍ତି। ଆମ ସରକାର ଇନପୁଟ ସବସିଡି ବାବଦରେ ୮୦୦ ଟଙ୍କା ଦେଉଛନ୍ତି। କଂଗ୍ରେସ ଶାସିତ ରାଜ୍ୟରେ ମହିଳାଙ୍କୁ କେଉଁଠି ସଶକ୍ତିକରଣ କରାଯାଇଛି। ସୁଭଦ୍ରା ଯୋଜନାରେ ୧୦ ହଜାର ଦେଲୁଣି ଆହୁରି ୪୦ ହଜାର ଦେବୁ। ବର୍ତ୍ତମାନ ରାସ୍ତା ୟୁରୋପିଆନ ଦେଶ ଭଳି ହୋଇଛି। କଂଗ୍ରେସ ସମୟରେ କାହିଁ ଏମିତି ରାସ୍ତା ନଥିଲା। ମହିଳା ନିଖୋଜ ସବୁଠୁ ଚିନ୍ତାଜନକ, ଅଧିକ ଥିଲେ ବିଜେଡ଼ି ସରକାରରେ। ରାହୁଲ ଗାନ୍ଧି ତଥ୍ୟ ଦିଅନ୍ତୁ, ଗୋଟେ ବର୍ଷରେ ୪୦ ହଜାର ନା ୪୦୦ । ସେ ଯଦି ତଥ୍ୟ ଦେବେ ଓଡ଼ିଶା ପୁଲିସ ଖୋଜି ବାହାର କରିବେ।
