ଫିରିଙ୍ଗିଆ,୨୩।୫ : କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା କଷିନୀପଦର ପଂଚାୟତ ଅଧୀନରେ ଥିବା ଶାସିପଦର ଗାଁ ର ଜଣେ ମହିଳାଙ୍କୁ ଦୁର୍ବୁତ୍ତ ଫିଲ୍ମ ଷ୍ଟାଇଲରେ ଅପହରଣ କରିନେଇଥିବା ଫିରିଙ୍ଗିଆ ଥାନାରେ ଅଭି ଯୋଗ ହୋଇଛି I 

 ଥାନାରେ ମହିଳାଙ୍କ ବାପାଙ୍କ ଅଭିଯୋଗ ଅନୁଯାୟୀ ତାଙ୍କର ଝିଅ ଫିରିଙ୍ଗିଆ ବ୍ଲକ ସାଡୀଙ୍ଗିଆ ପଞ୍ଚାୟତ ସାଡୀଙ୍ଗିଆ ପଂଚାୟତ ଅଧୀନରେ ଥିବା କଟାପାଙ୍ଗା ଗାଁରେ ଜଣକୁ ବିବାହ କରିଥିଲେ । ବର୍ତ୍ତମାନ ତାଙ୍କର ତିନିବର୍ଷର ଶିଶୁପୁତ୍ର ଟିଏ ମଧ୍ୟ୍ୟ ରହିଛି I ଗତ କିଛିଦିନ ତଳେ ସ୍ୱାମୀ ସ୍ତ୍ରୀ ଙ୍କ ମଧ୍ୟରେ କୌଣସି କଥାକୁ ନେଇ ଝଗଡା ହେବାରୁ ତାଙ୍କ ଝିଅ ଶାସିପଦର ଠାରେ ତାଙ୍କ ବାପା ଘରେ ରହି ଆସୁଥିଲେ I ତେବେ ବୁଧବାର ବିଳମ୍ବିତ ରାତିରେ ଝିଅ ପାଖରେ ଶୋଇଥିବା  ତାଙ୍କ ତିନି ବର୍ଷର ଶିଶୁ ପୁତ୍ର କାନ୍ଦିବା ଶୁଣି ପରିବାର ଲୋକେ ପହଞ୍ଚିଥିଲେ। ଝିଅ ନ ଥିବାରୁ  ଖୋଜାଖୋଜି କରିଥିଲେ। ଝିଅକୁ କେହି ଅପହରଣ କରିନେଇଥିବା ଜାଣିବାକୁ ପାଇଥିଲେ I ପରେ ପରିବାର ଲୋକଙ୍କ ସହ ଗ୍ରାମବାସୀ ବହୁ ଖୋଜାଖୋଜି କଲାପରେ ମଧ୍ୟ୍ୟ ଝିଅର କୌଣସି ପତ୍ତା ପାଇନଥିଲେ I ଘର ପଛପଟେ ଝିଅ ର ପାଉଜି ଓ କିଛି ଭଙ୍ଗା ଚୁଡି ପଡିରହିଥିବା ବେଳେ ଭୁଇଁରେ ଘୋଷଡା ଯାଇଥିବା ଦାଗ ରହିଥିବାରୁ ଝିଅକୁ ଅପହରଣ କରିନେଇଥିବା ପାରିପାର୍ଶ୍ଵିକ ପରିସ୍ଥିତିରୁ ଜଣାପଡିଛି I ସେପଟେ ଘଟଣାର ଖବର ପାଇ ଫିରିଙ୍ଗିଆ ଥାନାରେ ଭାରପ୍ରାପ୍ତ ଥାନା ଅଧିକାରୀ ଅଜୟ କୁମାର ସାହୁ ଘଟଣା ସ୍ଥଳରେ ପହଞ୍ଚି ତଦନ୍ତ କରିଛନ୍ତି।  ଏହି ଘଟଣାକୁ ନେଇ ଝିଅର ପିତା ତାଙ୍କ ଝିଅକୁ ଅପହରଣ କରାଯାଇଥିବା ନେଇ ଥାନାରେ ଅଭି ଯୋଗ କରିଛନ୍ତି I