ସାଲେପୁର, ୧୭।୭: ସାଲେପୁର ବ୍ଲକ ଅନ୍ତର୍ଗତ କୁସମ୍ବି ଗ୍ରାମର ଜଣେ ବ୍ୟକ୍ତିଙ୍କ ଘର ମାଟିତଳୁ ୬ ଗୋଟି ବିରଳ ମୂର୍ତ୍ତି ଉଦ୍ଧାର ହୋଇଛି । ମୂର୍ତ୍ତିଙ୍କୁ ଦେଖିବାକୁ ଲୋକଙ୍କ ପ୍ରବଳ ଭିଡ଼ ଜମିଛି । ହରିବୋଲ ହୁଳୁହୁଳିରେ ପ୍ରକମ୍ପିତ ସମଗ୍ର ଅଞ୍ଚଳ । ପଣ୍ଡିତଙ୍କ ଉପଦେଶ କ୍ରମେ ଯଥାବିଧି ପୂଜାର୍ଚ୍ଚନା କରାଯାଇ ଘର ଭିତରେ ମୂର୍ତ୍ତିଗୁଡ଼ିକୁ ସ୍ଥାପନ କରାଯାଇଛି ।
ସୂଚନା ଅନୁସାରେ, ସାଲେପୁର ବ୍ଲକ ଅନ୍ତର୍ଗତ ରାଇସୁଙ୍ଗୁଡ଼ା ନିକଟସ୍ଥ କୁସମ୍ବୀ ଗ୍ରାମରେ ଏହି ୬ ଗୋଟି ବିରଳ ମୂର୍ତ୍ତି ଉଦ୍ଧାର କରାଯାଇଛି । ଏହି ମୂର୍ତ୍ତିମାନଙ୍କ ମଧ୍ୟରେ ହନୁମାନ, କାଳୀ, ଦୁର୍ଗା ରାଧାକୃଷ୍ଟ ଓ ଲକ୍ଷ୍ମୀ ନାରାୟଣଙ୍କ ମୂର୍ତ୍ତି ରହିଛନ୍ତି ।
