ନୂଆଦିଲ୍ଲୀ: ଭିନେଶ ଫୋଗାଟ ଏବଂ ପୁରା ଦେଶ ପାଇଁ ଖରାପ ଖବର ଆସିଛି । ଅଲିମ୍ପିକରେ ଅଯୋଗ୍ୟ ଘୋଷଣା ବିରୋଧରେ ଫୋଗାଟଙ୍କ ଆବେଦନକୁ ଖାରଜ କରିଦିଆଯାଇଛି । ଅର୍ଥାତ ଭାରତକୁ ସିଲଭର ମେଡାଲ ମିଳିବାର ଶେଷ ଆଶା ଧୂଳିସାତ ହୋଇଛି । ସିଏଏସ୍‌ର ରାୟ ଅଗଷ୍ଟ ୧୬ରେ ଆସିବାର ଥିଲା । କିନ୍ତୁ ତାପୂର୍ବରୁ ଆଜି (ବୁଧବାର) ଭିନେଶ ଫୋଗାଟଙ୍କ ଆବେଦନକୁ ହିଁ ସିଏଏସ୍‌ ଖାରଜ କରିଦେଇଛି ।

ଫୋଗାଟଙ୍କ ଆବେଦନ ଖାରଜ ହେବାକୁ ନେଇ ଅସନ୍ତୋଷ ଜାହିର କରିଛନ୍ତି ଭାରତୀୟ ଅଲିମ୍ପିକ୍‌ ସଂଘରର ଅଧ୍ୟକ୍ଷ ପିଟି ଓଷା । ଅଗଷ୍ଟ ୭ରେ ଫୋଗାଟ ସିଲଭର ମେଡାଲ ଦିଆଯିବାକୁ ନେଇ ଅପିଲ କରିଥିଲେ । ସିଏଏସ୍‌ ତାଙ୍କର ଏହି ଆବେଦନ ଗ୍ରହଣ କରିଥିଲା । ଆବେଦନର ଶୁଣାଣି ଅଗଷ୍ଟ ୯ରେ ହୋଇଥିଲା । ଶୁଣାଣିରେ ଭିନେଶଙ୍କ ପକ୍ଷରୁ ୪ ଜଣ ବରିଷ୍ଠ ଓକିଲ ସାମିଲ‌ ହୋଇଥିଲେ । 

ଏହା ପୂର୍ବରୁ ୟୁନାଇଟେଡ୍‌ ଓ୍ବାର୍ଲଡ ରେସଲିଂ ସ୍ପଷ୍ଟ କରିଥିଲା ଯେ, ଭିନେଶ ଫୋଗାଟ କିମ୍ବା ଅନ୍ୟ ଆଥଲେଟ୍‌ଙ୍କ ଲାଗି ନିୟମକୁ ଅଣଦେଖା କରାଯାଇ ପାରିବ ନାହିଁ ।  ସେହିଭଳି ଅନ୍ତର୍ଜାତୀୟ ଅଲିମ୍ପିକ ସମିତିର ଅଧ୍ୟକ୍ଷ ଥୋମାସ୍‌ ବାକ୍‌ ମଧ୍ୟ ସମାନ କଥା ଦୋହରାଇଥିଲେ ।