ଭୁବନେଶ୍ୱର,୦୫/୦୯: ପ୍ରମୁଖ ଅଟୋମୋବାଇଲ କମ୍ପାନି ଟାଟା ମୋଟର୍ସ ପକ୍ଷରୁ ଏହାର ମିଡ୍‌ ଏସ୍‌ୟୁଭି ଟାଟା କର୍ଭକୁ ବଜାର ପ୍ରବେଶ କରାଯାଇଛି । ଯାନଟିର ଆରମ୍ଭ ମୂଲ୍ୟ ୯.୯ ଲକ୍ଷ ଟଙ୍କା ରହିଛି । ଏହା ଦ୍ୱାରା କମ୍ପାନି ମିଡ୍‌ ଏସ୍‌ୟୁଭି ବର୍ଗରେ ପ୍ରବେଶ କରିଛି । ଯାନଟିରେ ସ୍ୱତନ୍ତ୍ର ବଡି ଷ୍ଟାଇଲ ଏବଂ ୩ ଇଞ୍ଜିନ ବିକଳ୍ପ ମିଳିବ । 

ଅଟୋମେଟିକ ଡୁଆଲ କ୍ଲଚ ଅଟୋମେଟିକ ଟ୍ରାନ୍ସମିଶନ, ନୂଆ ହାଇପେରିସନ ଗ୍ୟାସୋଲିନ ଡାଇରେକ୍ଟ ଇଞ୍ଜେକସନ ଇଞ୍ଜିନ, ୧. ୨ ଲିଟର ରେଭୋଟ୍ରନ ପେଟ୍ରୋଲ  ଇଞ୍ଜିନ, ୧.୫ ଲିଟର କ୍ରିୟୋଜେଟ ଡିଜେଲ ଇଞ୍ଜିନ ସୁବିଧା ପାଇବେ । ଏହି ଯାନଟିରେ ସର୍ବୋତ୍ତମ ନିରାପତ୍ତା ସୁବିଧା, ସେଗମେଣ୍ଟ ଫାଷ୍ଟ  ଫିଚର, ୟୁନିକ ପାୱାରଟେରେନ ଏଥିରେ ରହିଛି । ଯାନଟି ଗୋଲ୍ଡ  ଏସେନ୍ସ, ଡେଟୋନା ଗ୍ରେ, ପ୍ରିଷ୍ଟାଇନ ହ୍ୱାଇଟ,ଫ୍ଲେମରେଡ, ପ୍ୟୁରଗ୍ରେ  ଏବଂ ଅପେରା ବ୍ଲୁ ରଙ୍ଗରେ ଉପଲବ୍ଧ ହେବ । ଟାଟା ମୋଟର୍ସ ପାସେଞ୍ଜର  ଯାନ ୟୁନିଟର ଏମ୍‌ ଡି ଶୈଳେଶ ଚନ୍ଦ୍ର କହିଛନ୍ତି, ଅଟୋମୋଟିଭ ଉତ୍କର୍ଷ  କ୍ଷେତ୍ରରେ ନୂଆ କର୍ଭ ଏକ ମାଇଲ ଖୁଣ୍ଟ ।