ଭୁବନେଶ୍ଵର, ୧୯/୦୬ : ମଙ୍ଗଳବାର ସାଇକେଲରେ ବିଧାନସଭାରେ ଆସି ପହଞ୍ଚିଥିଲେ ଦିଗପହଣ୍ଡି ବିଧାୟକ ସିଦ୍ଧାନ୍ତ ମହାପାତ୍ର। ମୁଣ୍ଡରେ ହେଲମେଟ୍ ଓ ସାଇକେଲ ଧରି ସେ ଶପଥ ନେବାକୁ ପହଞ୍ଚିଥିଲେ। ତାଙ୍କର ଏଭଳି ରୂପ ଦେଖି ଅନେକ ଚକିତ ହୋଇଯାଇଥିଲେ । ସାଇକେଲ୍ରେ ବିଧାନସଭା ଆସିଥିବା ନେଇ ପ୍ରଶ୍ନ କରିବାରୁ ସେ କହିଛନ୍ତି ଯେ, ମୋ ଘର ବିଧାନସଭାଠାରୁ ମାତ୍ର ଦେଢ଼ କିଲୋମିଟର ଭିତରେ ଆସୁଛି । ଏଥିପାଇଁ ପ୍ରତିଦିନ ମୁଁ ସାଇକେଲରେ ଆସିବାକୁ ଚେଷ୍ଟା କରିବି।
ତେବେ ପରିବେଶ ସୁରକ୍ଷା ସହିତ ଶରୀରକୁ ସୁସ୍ଥ ରଖିବାକୁ ସମସ୍ତେ ସାଇକେଲ ଚଲାନ୍ତୁ ବୋଲି ସିଦ୍ଧାନ୍ତ ସମସ୍ତଙ୍କୁ ନିବେଦନ କରିଛନ୍ତି । ରାଜନୀତି ପ୍ରସଙ୍ଗରେ ସିଦ୍ଧାନ୍ତ କହିଥିଲେ ଯେ, ମୁଁ ସାଂସଦ ହୋଇସାରିଛି । ବିଧାୟକ ହୋଇଛି। ଏବେ ସରପଞ୍ଚ ହେବାକୁ ଇଚ୍ଛା ହେଉଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସରପଞ୍ଚରୁ ସିଏମ୍ ହୋଇଛନ୍ତି । ତେଣୁ ଲୋକଙ୍କ ପାଖରେ ପହଞ୍ଚିବାକୁ ସରପଞ୍ଚ ହେବାକୁ ଚାହୁଁଛି । ପ୍ରକାଶଯୋଗ୍ୟଯେ, ଅଭିନେତାରୁ ନେତା ପାଲଟିଥିବା ସିଦ୍ଧାନ୍ତ "ସରପଞ୍ଚ ବାବୁ' ନାଁରେ ଏକ ହିଟ୍ ଫିଲ୍ମ କରିଛନ୍ତି।