ନୂଆଦିଲ୍ଲୀ : ବାଂଲାଦେଶର ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବା ପରେ ଢାକାରୁ ଆସି, ଦିଲ୍ଲୀରେ ପହଞ୍ଚି ଥିଲେ ଶେଖ୍‌ ହସିନା। ଏବେ ସେ ଭାରତ ଛାଡ଼ିବାକୁ ନିଷ୍ପତ୍ତି ନେଇଛନ୍ତି। ସରକାରଙ୍କ ଉଚ୍ଚ ସ୍ତରୀୟ ସୂତ୍ରାରୁ, ଇଣ୍ଡିଆ ଟୁଡେର ରିପୋର୍ଟରେ କୁହାଯାଇଛି କି, ଅୱାମୀ ଲିଗ୍‌ ସରକାର ବିରୋଧରେ ହିଂସାତ୍ମକ ବିଦ୍ରୋହ ପରେ , ଦେଶ ଛାଡ଼ି ସୋମବାର ଭାରତରେ ପହଞ୍ଚି ଥିଲେ ବାଂଲାଦେଶର ପୂର୍ବତନ ପ୍ରଧାନ ମନ୍ତ୍ରୀ ଶେଖ୍‌ ହସିନା ଓ ତାଙ୍କ ଟିମ୍‌ ସଦସ୍ୟ । ଏବେ ଏମାନେ ନୂଆ ଗନ୍ତବ୍ୟ ପାଇଁ ପ୍ରସ୍ଥାନ କରିବାର ପ୍ରକ୍ରିୟା ଆରମ୍ଭ କରି ଦେଇଛନ୍ତି। ଶେଖ୍‌ ହସିନାଙ୍କ ସହ ତାଙ୍କର ସାନ ଭଉଣୀ ଶେଖ୍‌ ରେହାନା ଓ କିଛି ନିକଟତମ ସହଯୋଗୀ ଅଛନ୍ତି, ଯେଉଁମାନେ ସୋମବାର ସେନାର ହେଲିକପ୍ଟରରେ ପଳାୟନ କରି ଦିଲ୍ଲୀ ନିକଟସ୍ଥ ହିଣ୍ଡନ ଏୟାରବେସରେ ଓହ୍ଲାଇ ଥିଲେ ଏବଂ ସେବେଠାରୁ ସମସ୍ତେ ଗୋପନୀୟ ସ୍ଥାନରେ ଶରଣ ନେଇଥିଲେ। 

ସୂତ୍ରାନୁସାରେ , ହସିନା କୌଣସି ନୂଆ ସ୍ଥାନ ଅଭିମୂଖେ ବାହାରିଛନ୍ତି , କିନ୍ତୁ ତାଙ୍କର ଅଲଗା ରହଣୀ ସ୍ଥାନ କେଉଁଠି ହେବ, ଏହି ବିଷୟରେ କୌଣସି ସୂଚନା ଦିଆ ଯାଇ ନାହିଁ। ଶେଖ୍ ହସିନା ସଂଯୁକ୍ତ ଆରବ ଏମିରଟ୍‌, ସାଉଦୀ ଆରବ ବା କାତାରକୁ ନିଜର ଆଗାମୀ ସ୍ଥାନ ଭାବେ ଭାବିଛନ୍ତି ଏବଂ ସେଠାରେ ସେ ଶରଣ ନେବାର ଚର୍ଚ୍ଚା ଚାଲୁଛି। କିନ୍ତୁ ଏପର୍ଯ୍ୟନ୍ତ ଏହା ସ୍ପଷ୍ଟ ହୋଇ ପାରି ନାହିଁ କି, ସେ ଏହି ମଧ୍ୟରୁ କେଉଁ ମୁସଲିମ୍‌ ଦେଶରେ ଶରଣ ନେବାକୁ ଯାଉଛନ୍ତି। ଆମେରିକା ଓ ବ୍ରିଟେନ୍‌ ପୂର୍ବରୁ ହିଁ ହସିନାକୁ ଶରଣ ଦେବାକୁ ଟେକ୍ନିକାଲି ସ୍ତରରେ ମନା କରି ସାରିଛନ୍ତି। 

ଏହି ସମୟରେ , ଶେଖ୍‌ ହସିନାଙ୍କ ପୁଅ ସଜିବ ୱାଜେଦ ଜୟ ଗୁରୁବାର ଦିନ କହିଛନ୍ତି , ବାଂଲାଦେଶରେ ପରିବେଶ ଶାନ୍ତି ପଡ଼ିବା ପରେ ତାଙ୍କ ମାଆ ନିଜ ଦେଶକୁ ଫେରି ଯିବେ। ସେ କହିଛନ୍ତି , ତାଙ୍କ ଦେଶରେ ଅଶାନ୍ତି ପ୍ରସାର କରିବାରେ ପାକିସ୍ତାନର ଗୁଇନ୍ଦା ଏଜେନ୍ସି ଆଇଏସଆଇର ହାତ ରହିଛି। ପିଟିଆଇ ସହ ଏକ ସ୍ୱତନ୍ତ୍ର ସାକ୍ଷାତ୍କାରରେ ଜୟ କହିଛନ୍ତି ଯେ, ୭୬ ବର୍ଷିୟ ହସିନା ନିଶ୍ଚିତ ରୂପେ ବାଂଲାଦେଶ ଫେରିବେ , କିନ୍ତୁ ଏବେ ଏହା ସ୍ପଷ୍ଟ ହୋଇ ନାହିଁ , ସେ ସେବା ନିବୃତ୍ତ ନେତା ଭାବେ ଫେରିବେ ନା ସକ୍ରିୟ ନେତା ଭାବେ। ଜୟ ନିଜ ମାଆଙ୍କର ସୁରକ୍ଷା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ତାଙ୍କ ସରକାର ପ୍ରତି କୃତଜ୍ଞତା ଜଣାଇଛନ୍ତି। ଭାରତକୁ ଅନ୍ତରାଷ୍ଟ୍ରୀୟ ରାୟ ଗଠନରେ ସାହାଯ୍ୟ କରିବା ଏବଂ ବାଂଲାଦେଶରେ ଗଣତନ୍ତ୍ରର ସୁରକ୍ଷା କରିବାରେ ଚାପ ପକାଇବାକୁ ଅପିଲ କରିଛନ୍ତି।