ନୋଏଡା – ତିଜର ଉତ୍ସବ ଓ ନାଗ ପଞ୍ଚମୀ ପାଳିବା ପରେ ଏବେ ପାକିସ୍ତାନର ସୀମା ହାଇଦର ରାକ୍ଷୀ ଉତ୍ସବ ପାଳିବାକୁ ପ୍ରସ୍ତୁତିରେ ଲାଗି ପଡ଼ିଛନ୍ତି। ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ,ଗୃହମନ୍ତ୍ରୀ ଅମିତ ଶାହ ଓ ୟୁପିର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସମେତ ଭାରତର ଅନେକ ବଡ଼ ବଡ଼ ନେତାଙ୍କୁ ରାକ୍ଷୀ ପଠାଇ ଦେଇଛନ୍ତି। ସୀମା ଭିଡିଓ ଜାରି କରି ନିଜେ ଏହି କଥାର ସୂଚନା ଦେଇଛନ୍ତି।

ଏହାସହ ମଧ୍ୟ ପଢ଼ନ୍ତୁ - ଏହା ମୋର ବ୍ୟକ୍ତିଗତ ମାମଲା , ଏହାର ଆଲୋଚନା କରନାହିଁ…

ଭିଡ଼ିଓରେ ସୀମା ପୋଷ୍ଟାଲରର କାର୍ଡ ଦେଖାଇ କହିଛନ୍ତି କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି , ଗୃହମନ୍ତ୍ରୀ ଅମିତ ଶାହ , ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ୟୁପିର ମୁଖ୍ୟମନ୍ତ୍ରୀ  ଯୋଗୀ ଆଦିତ୍ୟନାଥ ଓ ଆରଏସଏସ ପ୍ରମୁଖ ମୋହନ ଭାଗୱତ ମୋର ଭାଇ । ମୁଁ ତାଙ୍କୁ ରାକ୍ଷୀ ପଠାଇଛି । ମୁଁ ଚାହୁଁଛି କି ସେ ମୋତେ ନିଜର ସାନ ଭଉଣୀ ଭାବି ମୋର ରାକ୍ଷୀ ସ୍ୱୀକାର କରନ୍ତୁ ଏବଂ ରକ୍ଷା ବନ୍ଧନର ପର୍ବ ଅବସରରେ ଏହାକୁ ନିଜର ହାତରେ ବାନ୍ଧନ୍ତୁ।

ଏହାସହ ମଧ୍ୟ ପଢ଼ନ୍ତୁ - ‘ ମୁଁ ଆଇଏସଆଇର ଏଜେଣ୍ଟ ନୁହେଁ …’ , ସୀମା ହାଇଦର ଏହି ସବୁ ପ୍ରଶ୍ନରେ ଦେଲେ ଆଶ୍ଚର୍ଯ୍ୟକର ଜବାବ

ଏହାସହ ସୀମା ହାଇଦର କହିଛନ୍ତି କି ମୁଁ ଓକିଲ ଏପି ସିଂହଙ୍କୁ ମଧ୍ୟ ରାକ୍ଷୀ ବାନ୍ଧିବି । ସେ ମୋର ବଡ଼ ଭଇ ପରି । ମୁଁ ତାଙ୍କୁ ହୃଦୟତାର ସହ ସମ୍ମାନ କରୁଛି। ଭିଡ଼ିଓରେ ସୀମା ହାଇଦର ଜୟ ଶ୍ରୀରାମ ଓ ହିନ୍ଦୁସ୍ତାନର ନାରା ବି ଦେଇଛନ୍ତି। କହି ରଖୁଛୁ କି , ଏହା ପୂର୍ବରୁ ସୀମା ହାଇଦର ତିଜ୍ ଉତ୍ସବ ଓ ନାଗ ପଞ୍ଚମୀ ମଧ୍ୟ ପାଳନ କରିଥିଲେ। ପାକିସ୍ତାନୀ ସୀମା ହାଇଦର ରବୁପୁରା ସ୍ଥିତ ଘରେ ପୂରା ବିଧି ବିଧାନ ସହ ପୂଜା ପାଠ କରି ନାଗପଞ୍ଚମୀ ପାଳନ କରିଛନ୍ତି। ସୀମା ହାଇଦର ଓ ସଚିନ ୪ ଜଣ ପିଲାଙ୍କ ସହ ଭଗବାନ ଭୋଳେନାଥଙ୍କ ପୂଜା କରିଛନ୍ତି। ଏହାପରେ କାନ୍ଥରେ ନାଗ ଚିତ୍ର କରିଛନ୍ତି । ସୀମା ହାଇଦର ପୂଜା କରିବାର ଏକ ଭିଡ଼ିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେଉଛି।

ଏହାସହ ମଧ୍ୟ ପଢ଼ନ୍ତୁ - ମୋ ଝିଅ ହୋଇଥିଲେ ତାର ବେକ କାଟି ଦେଇଥା’ନ୍ତି , ସୀମା ହାଇଦରଙ୍କୁ ତାଚ୍ଛଲ୍ୟ କରି କହିଲେ ଏହି ମହିଳା

ସୀମା ହାଇଦର ଏହି ସମୟରେ ଭଗବାନ ଭୋଳେନାଥଙ୍କ ବ୍ୟତୀତ ଗଣେଶ ଓ ଅନ୍ୟ ଦେବାଦେବୀଙ୍କ ଆରତୀ କରିଛନ୍ତି। ତାହା ୧୫ ଅଗଷ୍ଟ ହେଉ ବା ତିଜର ଉତ୍ସବ , ସବୁ ବିଶେଷ କାର୍ଯ୍ୟରେ ସୀମା ହାଇଦର ହିନ୍ଦୁସ୍ତାନୀ ରଙ୍ଗରେ ନଜର ଆସିଛନ୍ତି ।