ପ୍ରମୂଖ ଖବର
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

‘ଜୟ ସିୟାରାମ’ କହି ବ୍ରିଟିଶ ପିଏମଙ୍କୁ କରାଗଲା ସ୍ୱାଗତ , ଚର୍ଚ୍ଚାରେ ରିଷି ସୁନକଙ୍କ ପତ୍ନୀ ଅକ୍ଷତାଙ୍କ ସ୍ୱତନ୍ତ୍ର ଅନ୍ଦାଜ

ନୂଆଦିଲ୍ଲୀ – ବ୍ରିଟେନର ପ୍ରଧାନମନ୍ତ୍ରୀ ରିଷି ସୁନକ ଜି-୨୦ ସମ୍ମିଳନୀରେ ସାମିଲ ହେବା ପାଇଁ ଦିଲ୍ଲୀରେ ପହଞ୍ଚିଛନ୍ତି। ସେ ଶୁକ୍ରବାର ଦ୍ୱିପ୍ରହରରେ ଇନ୍ଦିରା ଗାନ୍ଧି ଇଣ୍ଟରନ୍ୟାସନାଲ ଏୟାରପୋର୍ଟରେ ପହଞ୍ଚି ଥିଲେ। ତାଙ୍କର ସ୍ୱାଗତ କେନ୍ଦ୍ର ମନ୍ତ୍ରୀ ଅଶ୍ୱିନୀ ଚୌବେ କରିଥିଲେ। ଖାଲି ଏତିକି ନୁହେଁ ଭାରତୀୟ ବଂଶୋଦ୍ଭବ ରିଷି ସୁନକଙ୍କ ଅଭିବାଦନ ମଧ୍ୟ ସେ ଜୟ ସିୟାରାମ କହି କରିଥିଲେ। ଏହାର ଜବାବରେ ରିଷି ସୁନକ ମଧ୍ୟ ଜୟ ସିୟାରାମ ଦୋହରାଇ ଥିଲେ। 

କହି ରଖୁଛୁ କି, ଜୟ ସିୟାରାମ ଭାରତରେ ସ୍ୱାଗତ ସମ୍ୱର୍ଦ୍ଧନା ବେଳେ କୁହାଯାଏ। ରିଷି ସୁନକଙ୍କ ସ୍ୱାଗତରେ ଏୟାରପୋର୍ଟରେ ହିଁ ପାରମ୍ପରିକ ନୃତ୍ୟ ମଧ୍ୟ ପ୍ରଦର୍ଶନ କରାଯାଇ ଥିଲା। 

ରିଷି ସୁନକଙ୍କ ସହ ତାଙ୍କର ପତ୍ନୀ ଅକ୍ଷତା ମୂର୍ତ୍ତି ମଧ୍ୟ ସାଥିରେ ଆସିଛନ୍ତି। ସେ ମଧ୍ୟ ଏହି ସମୟରେ ସ୍ୱତନ୍ତ୍ର ପୋଷାକ ଓ ଭାରତୀୟ ଠାଣିରେ ନଜର ଆସିଛନ୍ତି। ସେ ଆକର୍ଷଣୀୟ ଲମ୍ୱା ସ୍କର୍ଟ ଓ ହ୍ୱାଇଟ୍‌ କଲରର ସାର୍ଟ ପିନ୍ଧିଛନ୍ତି। ରିଷି ସୁନକ ଓ ତାଙ୍କର ପରିବାରର ଭାରତ ସହ ଗଭୀର ସଂପର୍କ ରହିଛି। ରିଷି ସୁନକ ଦ୍ୱିତୀୟ ପିଢିର ଭାରତୀୟ ବଂଶୋଦ୍ଭବ ବ୍ରିଟିଶ ନାଗରିକ। ତାଙ୍କର ପତ୍ନୀ ଅକ୍ଷତା ମୂର୍ତ୍ତି ମଧ୍ୟ ଭାରତୀୟ ବଂଶୋଦ୍ଭବ। ତାଙ୍କର ବାପା ଭାରତର ପ୍ରସିଦ୍ଧ ବ୍ୟବସାୟୀ ତଥା ଆଇଟି କମ୍ପାନୀ ଇନଫୋସିସ୍‌ର ମାଲିକ ନାରାୟଣ ମୂର୍ତ୍ତି। 

ବ୍ରିଟିଶ ପିଏମ୍‌ଙ୍କ ଅଭିବାଦନରେ ଜୟ ସିୟା ରାମ କହିବା ଏଥିପାଇଁ ମଧ୍ୟ ସ୍ୱତନ୍ତ୍ର , କାରଣ ଗତ ଦିନରେ ତାଙ୍କର ଏକ ଭିଡ଼ିଓ ଭାଇରାଲ ହେଉଥିଲା। ଏଥିରେ ସେ ମୁରାରୀ ବାପୁଙ୍କ କଥାରେ ଜୟ ସିୟାରାମର ଉଚ୍ଚାରଣ କରିବା ଦେଖିବାକୁ ମିଳିଥିଲା।  

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.