ପ୍ରମୁଖ ଖବର
  • ପୁରୀ ଚନ୍ଦନପୁରରେ ସିମେଣ୍ଟ ଗୋଦାମ ଉପରକୁ ବୋମାମାଡ, ଦୁର୍ବୃତ୍ତଙ୍କୁ କାବୁ କଲେ ଲୋକେ
  • ||
  • ଆସିଲା ବିଜେଡିର ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା, ରଘୁନାଥ ପାଲିରୁ ଅର୍ଚ୍ଚନା ରେଖା ବେହେରା, କାକଟପୁର ତୁଷାରକାନ୍ତି ବେହେରା
  • ||
  • ରାୟାଗଡ଼ା ଆସିବେ କଂଗ୍ରେସ ବରିଷ୍ଠ ନେତା ରାହୁଲ ଗାନ୍ଧୀ ଓ ତେଲେଙ୍ଗାନା ମୁଖୃମନ୍ତ୍ରୀ ରେବନ୍ତ ରେଡ୍ଡି
  • ||
  • ଅଗ୍ନିରୂପା ମା' ହିଙ୍ଗୁଳାଙ୍କ ପ୍ରସିଦ୍ଧ ଯାତ୍ରା ଆରମ୍ଭ, ମା'ଙ୍କ ଉଭାସ୍ଥଳୀ ନିକଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
  • ||
  • ୨୪ ମହାସଂଗ୍ରାମ ପାଇଁ ଏପ୍ରିଲ ୨୪ରୁ ପ୍ରଚାରକୁ ଓହ୍ଲାଇବେ ନବୀନ,ହିଞ୍ଜିଳିରୁ ଆରମ୍ଭ ହେବ ଭୋଟଭିକ୍ଷା
  • ||
  • ସୋମବାରଠୁ ତିନି ଦିନ ଯାଏ ସକାଳୁଆ ସ୍କୁଲ, ୨୫ରୁ ଖରା ଛୁଟି ଘୋଷଣା କଲେ ରାଜ୍ୟ ସରକାର
  • ||
  • ଆଜି ପୃଥିବୀ ଦିବସ, ଏ ବର୍ଷର ଥିମ୍ ‘ଗ୍ରହ ବନାମ ପ୍ଲାଷ୍ଟିକ୍’, ପ୍ଲାଷ୍ଟିକ୍ ବ୍ୟବହାର କମାଇବାକୁ ଆହ୍ବାନ
  • ||
  • IPL 2024: ଆଜି ରାଜସ୍ଥାନ ରୟାଲ୍ସକୁ ଭେଟିବ ମୁମ୍ବାଇ ଇଣ୍ଡିଆନ୍ସ, ପ୍ରତିଶୋଧ ଲକ୍ଷ୍ୟରେ ପାଣ୍ଡ୍ୟା ବାହିନୀ
  • ||
  • ସୋମବାରଠୁ ରାଜ୍ୟରେ ସାମାନ୍ୟ କମିପାରେ ତାତି, ୨୫ରୁ ପୁଣି ଅଗ୍ନି ବର୍ଷା: କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ||

ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର

ଭୁବନେଶ୍ୱର,୦୪/୦୩:  ସର୍ବସାଧାରଣରେ ମଦ୍ୟପାନକୁ ବାରଣ କରିବାରୁ ପୁଲିସଙ୍କୁ ଢେଲାମାରି ହତ୍ୟା ଉଦ୍ୟମ କରିବା ଅଭିଯୋଗରେ ଏୟାରଫିଲ୍ଡ ଥାନା ପୁଲିସ ଦୁର୍ଦ୍ଦାନ୍ତ ପାକାକୁ ଗିରଫ କରିଛି । ପାକା ଓରଫ  ପ୍ରକାଶ ବେହେରା (୩୮) ର ଘର ଏହି ଥାନା ଅନ୍ତର୍ଗତ ବୋତଣ୍ଡା। 

ପୁଲିସ ସୂଚନା  ଅନୁଯାୟୀ, ଗତ ଜାନୁଆରୀ ୧୭ରେ ପାକା  ଓ ତା’ ଭାଇ ପ୍ରେଷ୍ଟିଜ ଆପାର୍ଟମେଣ୍ଟ୍‌  ସମ୍ମୁଖରେ ସର୍ବସାଧାରଣ ସ୍ଥାନରେ ମଦ୍ୟପାନ କରୁଥିଲେ । ଖବରପାଇ  ଏୟାରଫିଲ୍ଡ ଥାନା ପୁଲିସ ସେଠାରେ ପହଞ୍ଚି ଦୁଇଭାଇଙ୍କୁ ସର୍ବସାଧାରଣରେ  ମଦ୍ୟପାନ କରିବାକୁ ବାରଣ କରିଥିଲେ ।  ଏଥିରେ ଉତ୍‌କ୍ଷିପ୍ତ ହୋଇ ପାକା ଓ ତା’ ଭାଇ ପୁଲିସଙ୍କୁ ଅଶ୍ରାବ୍ୟ ଭାଷାରେ ଗାଳି  କରିବା ସହ ଢେଲାମାରି ହତ୍ୟା ଉଦ୍ୟମ  କରିଥିଲେ । ୨ ପୁଲିସ କର୍ମଚାରୀ ଆହତ  ହୋଇଥିଲେ । ପୁଲିସ ଟିମ୍‌ ଦୁଇଭାଇଙ୍କୁ  ଧରିବାକୁ ଗୋଡ଼ାଇବା ବେଳେ  ସେମାନେ ଅନ୍ଧାରର ସୁଯୋଗ ନେଇ ଖସି ପଳାଇଥିଲେ । ପୁଲିସ  ଏକ ମାମଲା ରୁଜୁକରି ତଦନ୍ତ  ଚଳାଇଥିଲା । ଫେରାର୍‌ ଥିବା  ପାକାକୁ ରବିବାର ପୁଲିସ ଗିରଫ କରିବାରେ ସଫଳ ହୋଇଥିଲା । ଅପରାହ୍ଣରେ  ତାକୁ କୋର୍ଟ ଚାଲାଣ କରାଯାଇଥିଲା ।  ଜାମିନ ନାମଞ୍ଜୁର ହେବାରୁ ତାକୁ ଜେଲ୍‌  ହାଜତକୁ ପଠାଇ ଦିଆଯାଇଛି । ପାକାର ଭାଇ ଏବେ ଫେରାର୍‌ ଅଛି । ତାକୁ ଗିରଫ କରିବା ପାଇଁ ପୁଲିସ ବିଭିନ୍ନ  ସ୍ଥାନରେ ଚଢ଼ଉ ଜାରି ରଖିଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.