ନୂଆଦିଲ୍ଲୀ,୧୫/୦୬: ରାଷ୍ଟ୍ରାୟତ୍ତ ଏବଂ ସୂଚୀଭୁକ୍ତ କମ୍ପାନିଗୁଡିକର କର୍ମଚାରୀଙ୍କୁ କର୍ମଚାରୀ ଭବିଷ୍ୟନିଧି ଖାତାରେ ମିଳୁଥିବା କୋଭିଡ ଆଡଭାନ୍ସ ସୁବିଧା ଆଉ ମିଳିବନି । ଏହି ସୁବିଧାକୁ ବନ୍ଦ କରି ଦେଇଛି ଇପିଏଫ୍ଓ ।
କରୋନା ମହାମାରୀ ସମୟରେ ଲୋକଙ୍କୁ ଆଶ୍ୱସ୍ତି ଦେବା ଲାଗି ପିଏଫ୍ ଖାତାରେ ଅଗ୍ରୀମ ଉଠାଣ ବ୍ୟବସ୍ଥା କରାଯାଇଥିଲା । ଏକ ବିଜ୍ଞପ୍ତି ଜାରି କରି ଇପିଏଫ୍ଓ କହିଛି, ଏବେ ମହାମାରୀ ଆଉ ନାହିଁ । ଫଳରେ ଅଗ୍ରୀମ ଉଠାଣ ସୁବିଧାକୁ ତ୍ୱରୀତ ଭିତ୍ତିରେ ବନ୍ଦ କରାଯାଇଛି ।
ମାର୍ଚ୍ଚ ୨୦୨୦ରେ ଏହି ସୁବିଧା ଆଣିଥିଲେ ସରକାର । ପିଏମ୍ ଗରିବ କଲ୍ୟାଣ ଯୋଜନାରେ ଏହାର ଶୁଭାରମ୍ଭ କରାଯାଇଥିଲା । ଏହା ଦ୍ୱାରା କର୍ମଚାରୀମାନେ ନିଜ ପିଏଫ୍ ଆକାଉଣ୍ଟ ଜମାର ବେସିକ ବେତନ ବା ମହଙ୍ଗା ଭତ୍ତା ସହ ସମାନ କିମ୍ବା ପିଏଫ୍ ଆକାଉଣ୍ଟ ଶେଷ ରାଶିର ୭୫% ଉଠାଣ ସୁବିଧା ରହିଥିଲା