ପ୍ରମୁଖ ଖବର
  • ପୁରୀ ଚନ୍ଦନପୁରରେ ସିମେଣ୍ଟ ଗୋଦାମ ଉପରକୁ ବୋମାମାଡ, ଦୁର୍ବୃତ୍ତଙ୍କୁ କାବୁ କଲେ ଲୋକେ
  • ||
  • ଆସିଲା ବିଜେଡିର ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା, ରଘୁନାଥ ପାଲିରୁ ଅର୍ଚ୍ଚନା ରେଖା ବେହେରା, କାକଟପୁର ତୁଷାରକାନ୍ତି ବେହେରା
  • ||
  • ରାୟାଗଡ଼ା ଆସିବେ କଂଗ୍ରେସ ବରିଷ୍ଠ ନେତା ରାହୁଲ ଗାନ୍ଧୀ ଓ ତେଲେଙ୍ଗାନା ମୁଖୃମନ୍ତ୍ରୀ ରେବନ୍ତ ରେଡ୍ଡି
  • ||
  • ଅଗ୍ନିରୂପା ମା' ହିଙ୍ଗୁଳାଙ୍କ ପ୍ରସିଦ୍ଧ ଯାତ୍ରା ଆରମ୍ଭ, ମା'ଙ୍କ ଉଭାସ୍ଥଳୀ ନିକଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
  • ||
  • ୨୪ ମହାସଂଗ୍ରାମ ପାଇଁ ଏପ୍ରିଲ ୨୪ରୁ ପ୍ରଚାରକୁ ଓହ୍ଲାଇବେ ନବୀନ,ହିଞ୍ଜିଳିରୁ ଆରମ୍ଭ ହେବ ଭୋଟଭିକ୍ଷା
  • ||
  • ସୋମବାରଠୁ ତିନି ଦିନ ଯାଏ ସକାଳୁଆ ସ୍କୁଲ, ୨୫ରୁ ଖରା ଛୁଟି ଘୋଷଣା କଲେ ରାଜ୍ୟ ସରକାର
  • ||
  • ଆଜି ପୃଥିବୀ ଦିବସ, ଏ ବର୍ଷର ଥିମ୍ ‘ଗ୍ରହ ବନାମ ପ୍ଲାଷ୍ଟିକ୍’, ପ୍ଲାଷ୍ଟିକ୍ ବ୍ୟବହାର କମାଇବାକୁ ଆହ୍ବାନ
  • ||
  • IPL 2024: ଆଜି ରାଜସ୍ଥାନ ରୟାଲ୍ସକୁ ଭେଟିବ ମୁମ୍ବାଇ ଇଣ୍ଡିଆନ୍ସ, ପ୍ରତିଶୋଧ ଲକ୍ଷ୍ୟରେ ପାଣ୍ଡ୍ୟା ବାହିନୀ
  • ||
  • ସୋମବାରଠୁ ରାଜ୍ୟରେ ସାମାନ୍ୟ କମିପାରେ ତାତି, ୨୫ରୁ ପୁଣି ଅଗ୍ନି ବର୍ଷା: କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ||

ନାବାଳିକା କଲେଜ ଛାତ୍ରୀଙ୍କୁ ବୀଭତ୍ସ ହତ୍ୟା ଘଟଣା: ସିସିଟିଭି ଫୁଟେଜ୍‌ରୁ ମିଳିଲା ସୁରାକ, ସମ୍ପର୍କୀୟ ଭାଇ ସହଯୋଗୀକୁ ଉଠାଇନେଲା ପୁଲିସ

ଢେଙ୍କାନାଳ,୦୩/୦୩: ସଦର ଥାନା ଅଞ୍ଚଳର ନାବାଳିକା କଲେଜ ଛାତ୍ରୀ ମାମଲାରେ ପୁଲିସ ଛାନ୍‌ଭିନ୍‌ ଚଳାଇଛି । ଶନିବାର ସନ୍ଧ୍ୟାରେ ଛାତ୍ରୀଙ୍କ ବଡ଼ବାପା ପୁଅ ଭାଇ ଓ ତାର ଜଣେ ସହଯୋଗୀକୁ ପୁଲିସ ଉଠାଇ ନେଇଛି । ସାଦା ପୋଷାକଧାରୀ ପୁଲିସ ଟିମ୍‌ ମଜୁରୀ ଗାଁ ଛକରୁ ପ୍ରଥମେ ସହଯୋଗୀକୁ କାବୁ କରିଥିବା ବେଳେ ପରେ ମୃତ ଛାତ୍ରୀଙ୍କ ଘରେ ତିକ୍ତାନ୍ନ ଖାଉଥିବା ବଡ଼ବାପା ପୁଅ ଭାଇକୁ ଉଠାଇ ଆଣିଛି । ଜମିଜମା ବିବାଦକୁ ନେଇ ଅଭିଯୁକ୍ତମାନେ ପ୍ରତିଶୋଧ ପରାୟଣ ହୋଇ ଏଭଳି ନାରକୀୟ ହତ୍ୟାକାଣ୍ଡ ଘଟାଇଥିବା  ପୁଲିସ ସନ୍ଦେହ କରିଛି । ଗତ ଗୁରୁବାର ସନ୍ଧ୍ୟାରୁ ଛାତ୍ରୀ ନିଖୋଜ ହୋଇ ଯାଇଥିବାବେଳେ  ଶୁକ୍ରବାର ଅପରାହ୍ନରେ ଜଙ୍ଗଲରୁ ମୃତଦେହ  ଠାବ ହୋଇଥିଲା । 

ସୂଚନା ପାଇ ବରିଷ୍ଠ  ପୁଲିସ ଅଧିକାରୀ ସଦଳବଳ ହତ୍ୟାକାଣ୍ଡ  ସ୍ଥଳରେ ପହଞ୍ଚି ଛାନଭିନ୍‌ କରିଥିଲେ । ଘଟଣା  ସ୍ଥଳରେ ସାଇଣ୍ଟିଫିକ୍‌ ଟିମ୍‌ ଓ ସନ୍ଧାନୀ କୁକୁର  ସହ ତଦନ୍ତ କରିବା ପରେ ଶବ ବ୍ୟବଚ୍ଛେଦ  ପାଇଁ ପଠା ଯାଇଥିଲା । ଏହାପରେ ଏସ୍‌ଡିପିଓ  ବିଭୁତି ମହାପାତ୍ରଙ୍କ ନେତୃତ୍ୱରେ ପୁଲିସ ଟିମ୍‌  ସହରର ବିଭିନ୍ନ ସ୍ଥାନରେ ରହିଥିବା ସିସିଟିଭି  ଯାଞ୍ଚ କରିଥିଲା । ଏକାଧିକ ସିସିଟିଭି ଯାଞ୍ଚ  ପରେ ମହାବୀର ଛକ ନିକଟ ଏକ ଦୋକାନରୁ  ପୁଲିସ କିଛି ସୁରାକ୍‌ ପାଇଥିଲା । ଜଣେ ଯୁବକ  ଛାତ୍ରୀଙ୍କୁ କଳା ରଙ୍ଗର ବାଇକ୍‌ରେ ବସାଇ ସନ୍ଧ୍ୟା  ସମୟରେ ନେଉଥିବା ଦେଖାଯାଇଥିଲା । ଯୁବକ  ଜଣକ କଳା ରଙ୍ଗର ସାର୍ଟ ଓ ନାଲି ହେଲ୍‌ମେଟ୍‌  ପିନ୍ଧିଥିଲେ । ସବୁଠାରୁ ବଡ଼ କଥା ହେଲା ଛାତ୍ରୀଙ୍କ  ଘର ମଙ୍ଗଳପୁର ଅଞ୍ଚଳରେ ହୋଇଥିବାରୁ ପରିବା  ମାର୍କେଟ୍‌ରୁ କଣ୍ଟାନାଳୀ ବାଇପାସ୍‌ ଛକ ହୋଇ  ଯିବା କଥା । ମାତ୍ର ଯୁବକ ଜଣକ ଛାତ୍ରୀଙ୍କୁ ପରିବା  ମାର୍କେଟ୍‌ରୁ ଗଣେଶ ବଜାର, ମହାବୀର ବଜାର  ଛକ ଓ ଦକ୍ଷିଣକାଳୀ ରାସ୍ତାରେ ନେଇ ଯାଉଥିବା  ସିସିଟିଭିରେ ଦେଖାଯାଇଛି ।

ହତ୍ୟାକାଣ୍ଡ ପରେ  ସୁରାକ୍‌ ଯୋଗାଡ଼ କରିବାକୁ ଆଖପାଖ ଅଞ୍ଚଳରେ  ସାଦା ପୋଷାକଧାରୀ ପୁଲିସ ନିୟୋଜିତ ଥିଲେ । ସିସିଟିଭି ଫୁଟେଜ୍‌ ଆଧାରରେ ସନ୍ଧ୍ୟା ପ୍ରାୟ  ୭ଟାରେ ମଜୁରୀ ଛକଠାରେ ସାଦା ବେଶରେ  ପୁଲିସ ପ୍ରଥମେ ସନ୍ଦେହରେ ଜଣେ ଯୁବକକୁ କାବୁ କରିଥିଲା । ଯିଏକି ଜଣେ ରାଜମିସ୍ତ୍ରୀ । ତାଠାରୁ ସୂଚନା ପାଇ ପୁଲିସ ସିଧା ମୃତଛାତ୍ରୀଙ୍କ  ଘରେ ପହଞ୍ଚିଥିଲା । ସେଠାରେ ତିକ୍ତାନ୍ନ ଖାଉଥିବା  ଛାତ୍ରୀଙ୍କ ବଡ଼ବାପାଙ୍କ ପୁଅକୁ କାବୁ କରିଥିଲେ । ଜଙ୍ଗଲରେ ମୃତଦେହ ପଡ଼ିଥିବା ସମ୍ପର୍କରେ ସେ  ହିଁ ପ୍ରଥମେ ସୂଚନା ଦେଇଥିଲା। ଏହାପରଠାରୁ  ସେ ପୁଲିସର ସନ୍ଦେହ ବଳୟକୁ ଆସିଥିଲା ।  ଢେଙ୍କାନାଳ ସହରରୁ ପୁଲିସ ପାଇଥିବା ସିସିଟିଭି  ଫୁଟେଜ୍‌ ଆଧାରରେ ରାଜମିସ୍ତ୍ରୀ ପାଖରେ  ପହଞ୍ଚିବା ପରେ ବଡ଼ବାପା ପୁଅ ଭାଇର ସମ୍ପୃକ୍ତି  ଥିବା ଜାଣିବାକୁ ପାଇଛି । 

ସୂଚନାଯୋଗ୍ୟ, ସଦର  ଥାନା ମଙ୍ଗଳପୁର ଗାଁ ନିକଟ କଇଁଆଗଡ଼ାଣି  ଜଙ୍ଗଲରେ ନାବାଳିକା କଲେଜ ଛାତ୍ରୀଙ୍କ  ମୃତଦେହ ଉଦ୍ଧାର କରାଯାଇଥିଲା । ସେ ଗୁରୁବାର  ଢେଙ୍କାନାଳ ସହରକୁ କୋଚିଂ ନେବାକୁ ଆସି ସନ୍ଧ୍ୟାରୁ ନିଖୋଜ ହୋଇ ଯାଇଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.