ଭୁବନେଶ୍ଵର, ୧୨/୦୭ : ଭୁବନେଶ୍ଵର ସ୍ଥିତ ସପ୍ତମ ବାଟାଲିୟନରୁ ସିପାହୀଙ୍କ ଝୁଲନ୍ତା ମୃତଦେହ ଉଦ୍ଧାର। ଏକ ଗଛରୁ ସିପାହୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ସିପାହୀ ଜଣଙ୍କ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି।
ସୂଚନାନୁଯାୟୀ, ସପ୍ତମ ବାଟାଲିୟନର ସିପାହୀ ଦୁର୍ଯୋଧନ ମହାନ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ସେ ୨୦୦୨ ବ୍ୟାଚ୍ର ସିପାହୀ ଥିଲେ। ଗଛରେ ଦଉଡି ଲଗାଇ ଆତ୍ମହତ୍ୟା କରିଥିବା ସୂଚନା ମିଳିଛି। ଘଟଣାକୁ ନେଇ ମୈତ୍ରୀ ବିହାର ଥାନା ପୋଲିସ ଛାନଭିନ୍ ଚଳାଇଛି। ଏକ ଅପମୃତ୍ୟୁ ମାମଲା ରୁଜୁ କରାଯାଇଛି। ପୋଷ୍ଟମର୍ଟମ ପରେ ସବିଶେଷ ତଥ୍ୟ ମିଳିପାରିବ ବୋଲି ପୋଲିସ କହିଛି। ସେପଟେ ପାରିବାରିକ କନ୍ଦଳ ଓ କିଛି ବକେୟା ଟଙ୍କା ପାଇଁ ଦୁର୍ଯୋଧନ ଏଭଳି ଚରମ ନିଷ୍ପତ୍ତି ନେବା କଥା ଜଣାପଡିଛି।
