ଯାଜପୁର, ୧୭/୦୬ : ଯାଜପୁର ଟାଉନ ଥାନା ଅନ୍ତର୍ଗତ ବାମଦେବପୁର ଠାରେ ଗୋ ମାଂସ କାଟୁଥିବା ବେଳେ ଧରିଲେ ବିଶ୍ଵହିନ୍ଦୁ ପରିଷଦର କର୍ମକର୍ତ୍ତା। ଘଟଣା ସ୍ଥଳରୁ ଦୁଇଟି ମୃତ ଗୋରୁ ଜବତ ହୋଇଛି। ଏହା ସହ ୩ ଜଣ ଅଟକ ଅଛନ୍ତି।
ସୂଚନାନୁଯାୟୀ, ସୋମବାର ବାମଦେବପୁର ଠାରେ ଗୋ ମାଂସ କଟା ଯାଉଥିଲା। କୌଣସି ପ୍ରକାର ଖବର ପାଇ ବିଶ୍ୱ ହିନ୍ଦୁ ପରିଷଦ ସଦସ୍ୟ ଘଟଣାସ୍ଥଳରେ ପହଞ୍ଚି ଏହାକୁ ବିରୋଧ କରିଥିଲେ। ଫଳରେ ଅଭିଯୁକ୍ତ ପରିବାର ପକ୍ଷରୁ ଖଣ୍ଡା ଦେଖାଇ ସେମାନଙ୍କୁ ଭୟଭୀତ କରିଥିଲେ। ଏହାକୁ ନେଇ ଉତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା। ଖବର ପାଇ ଟାଉନ ପୁଲିସ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ। ସାଇଣ୍ଟିଫିକ୍ ଟିମ୍ ଏହାର ତଦନ୍ତ କରିବାକୁ ଥିବା ବେଳେ ପୁଲିସ ୩ ଜଣକୁ ଅଟକ ରଖିବା ସହ ଗୋ ମାଂସ ଜବତ କରିଛି।