ପୁରୀ,୦୫/୦୮: ପୂର୍ବରୁ ଥିଲା ବିବାଦ ।  ମାଡ଼ ମାରି ଗିରଫ ହୋଇଥିଲା । ଜାମିନ୍‌ ପାଇ  ଘରକୁ ଫେରିଥିଲା । କିନ୍ତୁ ବିବାଦ ଥମି ନଥିଲା ।  ଆକ୍ରମଣର ଶିକାର ଯୁବକମାନେ ପ୍ରତିଶୋଧ  ପାଇଁ ବାଟ ଖୋଜୁଥିଲେ । ଶେଷରେ ଡାକିନେଇ  ଚିକେନ୍‌ ଖୁଆଇଲେ । ମଦ ପିଆଇ ପିଟିଲେ ।  ଯୁବକ ଜଣକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି  ହୋଇଛି । ସେ ହେଲା ସଦର ଥାନା ଅଧୀନ  କପିଳେଶ୍ୱରପୁରର ନବକିଶୋର ପ୍ରଧାନ(୨୫)  । 

ଆହତଙ୍କ ସମ୍ପର୍କୀୟମାନେ କହିଛନ୍ତି ଯେ,  ପୂର୍ବରୁ ବିବାଦ ଥିଲା । ରବି, ଗୋଲା, ସନ୍ତୁ ଓ ଅଭି  ନାମକ ଯୁବକଙ୍କ ସହ ବିବାଦ ଯୋଗୁଁ ମାମଲାରେ  ଛନ୍ଦି ହୋଇଥିଲା ନବକିଶୋର । ରବିବାର ତାକୁ  ଘରୁ ଡାକି ନେଇ ରବି ଘରେ ସେମାନେ ଚିକେନ୍‌  ରୋଷେଇ କରିଥିଲେ । ଚିକେନ୍‌ ଖାଇବା ସହ  ମଦ୍ୟପାନ କରିଥିଲେ । ଏହାପରେ ମିଳିମିଶି  ନବକିଶୋରକୁ ପିଟିଥିଲେ । ରକ୍ତାକ୍ତ ଅବସ୍ଥାରେ  ପୁଲିସ ତାକୁ ଡକ୍ତରଖାନାରେ ଭର୍ତ୍ତି କରିଛି ।  ଡାକ୍ତରଖାନାରେ ଆହତ ନବକିଶୋର ନିଶାସକ୍ତ  ଅବସ୍ଥାରେ ଉତ୍ପାତ୍ତ ହୋଇଥିବାବେଳେ ମେଡିକାଲ୍‌ କର୍ମଚାରୀମାନେ ସେଥିନେଇ ନାକେଦମ୍‌  ହୋଇଥିବା ସୂଚନା ମିଳିଛି ।