ପ୍ରମୂଖ ଖବର
  • ନକଲି ଗୁଟଖା ଫ୍ୟାକ୍ଟ୍ରିରେ ଦିଲ୍ଲୀ, ଆନ୍ଧ୍ର ଜିଏସ୍‌ଟି ଟିମ୍‌ର ଚଢ଼ାଉ, ବିଭିନ୍ନ ସାମଗ୍ରୀ ଜବତ
  • ||
  • ଜଗତସିଂହପୁର ପିଏନ୍‌ବି ବ୍ୟାଙ୍କରେ ଅଗ୍ନିକାଣ୍ଡ, ନିଆଁ ଆୟତ୍ତ କରିବାକୁ ଉଦ୍ୟମ ଜାରି
  • ||
  • ହେଲିକପ୍ଟର ଯୋଗେ କଟକ ଯିବେ ମୁଖ୍ୟମନ୍ତ୍ରୀ, ବାରବାଟୀରେ ଭାରତ- ଇଂଲଣ୍ଡ ଲଢ଼େଇ ଦେଖିବେ
  • ||
  • ବାରବାଟୀ ଲଢ଼େଇ: ସୁପର ସନ୍‌ଡେ'ରେ ଭାରତ-ଇଂଲଣ୍ଡ ଦ୍ୱିତୀୟ ଦିନିକିଆ, ଟିମ୍‌କୁ ଫେରିବେ କୋହଲି, ରିଷଭ
  • ||
  • ରବିବାରଠୁ ଉପରମୁହାଁ ହେବ ପାରଦ,୨ରୁ ୪ ଡିଗ୍ରୀ ବଢ଼ିବ ରାତି ତାପମାତ୍ରା
  • ||

ଟାଇମ୍ସନାଓ-ମେଟ୍ରିଜ୍‌ ସର୍ଭେ: ବିହାରରେ ୩୫ ଆସନ ଜିତିବ ଏନ୍‌ଡିଏ, ଓଡ଼ିଶାରୁ ୧୧ଟି ସିଟ୍ ଜିତିବ ବିଜେପି

Published By : Prameya | February 8, 2024 10:10 AM

ନୂଆଦିଲ୍ଲୀ,୦୮/୦୨: ଏଥର ଲୋକସଭା ନିର୍ବାଚନରେ ବିଜେପି ଅଧିକାଂଶ ରାଜ୍ୟରେ ଭଲ ପ୍ରଦର୍ଶନ କରିବ । ଗୁଜରାଟରେ ଦଳ ସମସ୍ତ ୨୬ ଆସନରେ ବିଜୟ ଲାଭ କରିବ । ବିହାରରେ ବିଜେପି ନେତୃତ୍ୱାଧୀନ ଏନ୍‌ଡିଏ ମୋଟ ୪୦ ଲୋକସଭା ଆସନରୁ ୩୫ଟି ହାତେଇନେବ । ଅନ୍ୟପକ୍ଷରେ ବିହାରରେ ଇଣ୍ଡିଆ ମେଣ୍ଟ ଭାଗରେ ମାତ୍ର ୫ଟି ଆସନ ପଡ଼ିବ । ଟାଇମ୍ସନାଓ-ମେଟ୍ରିଜ୍‌ ଏନ୍‌ସି ସର୍ଭେ ରିପୋର୍ଟରୁ ଏହା ଜଣାପଡ଼ିଛି । 

ସର୍ଭେ ରିପୋର୍ଟ ମୁତାବକ ପଶ୍ଚିମବଙ୍ଗରେ ଶାସକ ଦଳ ଟିଏମ୍‌ସି  (ତୃଣମୂଳ କଂଗ୍ରେସ) ସର୍ବାଧିକ ୨୬ ଆସନ ପାଇବାକୁ ଥିବା ବେଳେ ବିଜେପି ୧୫ ପାଇବ । କଂଗ୍ରେସ ଓ ବାମ ମେଣ୍ଟ ଭାଗରେ ମାତ୍ର ଗୋଟିଏ  ଆସନ ପଡ଼ିବ । ଓଡ଼ିଶାରେ ବି ବିଜେପିର ପ୍ରଦର୍ଶନ ଉତ୍ତମ ରହିବ । ଦଳ ଏଠାରେ ମୋଟ ୨୧ ଆସନ ମଧ୍ୟରୁ ୧୧ଟି ଜିତିବ । ଶାସକ ଦଳ ବିଜେଡି ୯ଟି ପାଇବାକୁ ଥିବା ବେଳେ ଗତ ଥର ଭଳି କଂଗ୍ରେସ ସେଇ ଗୋଟିଏ  ଆସନରେ ସୀମିତ ରହିଯିବ । ୨୦୧୯ ଲୋକସଭା ନିର୍ବାଚନରେ ଓଡ଼ିଶାରେ  ବିଜେଡି ୧୨ ଆସନରେ ଜିତିଥିଲା ବେଳେ ବିଜେପି ୮ ଏବଂ କଂଗ୍ରେସ  ଗୋଟିଏ ଆସନରେ ବିଜୟୀ ହୋଇଥିଲା । 

ମହାରାଷ୍ଟ୍ରର ୪୮ ଲୋକସଭା ଆସନରୁ ଏନ୍‌ଡିଏ ୩୯ ପାଇବାକୁ  ଥିବା ବେଳେ ‘ଇଣ୍ଡିଆ’ ମେଣ୍ଟ ୯ଟି ଆସନ ପାଇବ । ଆନ୍ଧ୍ର ପ୍ରଦେଶଷରେ କିନ୍ତୁ ବିଜେପି ହାତ ପୁଣି ଖାଲି ରହିବ । ରାଜ୍ୟର ମୋଟ ୨୫ ଲୋକସଭା  ଆସନରୁ ଶାସକ ଦଳ ୱାଇଏସ୍‌ଆର୍‌ସିପି ୧୯ଟିରେ ଜିତିବାକୁ ଥିବା  ବେଳେ ଟିଡିପି-ଜନସେନା ମେଣ୍ଟ ୬ଟି ଆସନ ହାତେଇ ପାରନ୍ତି । ୨୦୧୯  ନିର୍ବାଚନରେ ୱାଇଏସ୍‌ଆର୍‌ସିପି ୨୨ଟି ଆସନ ଜିତିଥିଲା ବେଳେ ଟିଡିପି  ମାତ୍ର ୩ଟି ପାଇଥିଲା । ବିଜେପି କିଛି ପାଇ ନ ଥିଲା ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.