ବାରଣାସୀ, ୧୬/୦୯: ଯେଉଁମାନେ ସନାତନ ଧର୍ମକୁ ଗାଳି କରୁଛନ୍ତି, ସେମାନେ ୨୦୨୪ରେ ମୋକ୍ଷ ପାଇବେ । ବାରଣାସୀରେ ଯୋଗ ଗୁରୁ ବାବା ରାମଦେବ ସନାତନ ଧର୍ମକୁ ନେଇ ବିବାଦୀୟ ବୟାନ ଉପରେ ଏଭଳି ପ୍ରତିକ୍ରିୟା ଦେଇଛନ୍ତି । କହିଛନ୍ତି, ସନାତନ ଧର୍ମର ମୂଳ ହେଉଛି କାଶୀ । ଏଠାରେ ଦିବ୍ୟତା ଯୁଗ ଯୁଗରୁ ରହିଛି, ପିଏମ୍ ମୋଦୀ ଏଥିରେ ଭବ୍ୟତା ଦେଇଛନ୍ତି । ବାବା ରାମଦେବ କହିଛନ୍ତି, କାଶୀ ଏକ ପବିତ୍ର ନଗରୀ । ଏହା ଉପାସନାର ମହାତୀର୍ଥ । ବିଦ୍ୟା ଓ ମୋକ୍ଷର ନଗରୀ । ପୂରା ବିଶ୍ୱକୁ ଆକର୍ଷଣ କରୁଛି କାଶୀ ।
ଅତ୍ୟନ୍ତ ଗରିବୀ ସହ ଯୁଝୁଛନ୍ତି ଭାରତର ୫ କୋଟି ଛୁଆ: ୟୁନିସେଫ୍
ଧର୍ମକୁ ନେଇ ନେତାଙ୍କ ବିବାଦୀୟ ବୟାନ
ଶୁକ୍ରବାର ବିହାରର ମନ୍ତ୍ରୀ ଚନ୍ଦ୍ରଶେଖର ଯାଦବ ଏକ ବିବାଦୀୟ ବୟାନରେ ରାମଚରିତମାନସର ତୁଳନା ଜୀବନନାଷକ ପୋଟାସିୟମ୍ ସାଇନାଇଡ୍ ସହ କରିଥିଲେ । କହିଥିଲେ, ୫୫ ପ୍ରକାରର ବ୍ୟଞ୍ଜନ ପରଷିବା ବେଳେ ସେଥିରେ ପୋଟାସିୟମ୍ ସାଇନାଇଡ୍ ମିଶାଇଲେ କଣ ହେବ । ଏବେ ହିନ୍ଦୁ ଧର୍ମ ଗନ୍ଥର ଅବସ୍ଥା ସେହିଭଳି । ରାମଚରିତମାନସକୁ ନେଇ ମୋର ଆପତ୍ତି ଅଛି ଓ ସାରା ଜୀବନ ରହିବ । ଏହା ପୂର୍ବରୁ ଚନ୍ଦ୍ରଶେଖର ହିନ୍ଦୁ ଧର୍ମ ଗନ୍ଥ ସମାଜକୁ ବିଭାଜିତ କରୁଥିବା କହିଥିଲେ ।
ଏହା ପୂର୍ବରୁ ତାମିଲନାଡ଼ୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନଙ୍କ ପୁଅ ତଥା ମନ୍ତ୍ରୀ ଉଦୟନିଧି ମଧ୍ୟ ସନାତନ ଧର୍ମକୁ ନେଇ ଦେଇଥିଲେ ବିବାଦୀୟ ବୟାନ । ସନାତନ ଧର୍ମକୁ ଉଦୟନିଧିକ କରୋନା, ଡେଙ୍ଗୁ ଓ ମାଲେରିଆ ସହ ତୁଳନା କରିଥିଲେ । କହିଥିଲେ, ସନାତନ ଧର୍ମକୁ କେବଳ ବିରୋଧ ନୁହେଁ ବରଂ ଶେଷ କରି ଦିଆଯିବ ଉଚିତ୍ । ଆମେ ଡେଙ୍ଗୁ, କରୋନାକୁ ବିରୋଧ କରିବା କଥା ନୁହେଁ ମାରିଦେବା ଉଚିତ୍ । ସେହିଭଳି ସନାତନ ଧର୍ମକୁ ସମାପ୍ତ କରିଦେବା ଦରକାର ।
