ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଚଳଚ୍ଚିତ୍ରର ମଇଦାନରୁ ଏବେ ରାଜନୈତିକ ମଇଦାନ୍‌ରେ କସରତ, ଲୋକସଭା ଟିକେଟ୍ ଉପରେ ମନୋଜଙ୍କ ନଜର !

ସମ୍ବଲପୁର,୧୩/୦୨: ମାଇଣ୍ଡଗେମ୍‌ରୁ ପଲିଟିକାଲ୍‌ ଗେମ୍‌ । ବିଶିଷ୍ଟ ସିନେ ଅଭିନେତା ମନୋଜ ମିଶ୍ର କଂଗ୍ରେସର ହାତ ଧରିବା ପରେ ଚଳଚ୍ଚିତ୍ରର ମଇଦାନରୁ ବର୍ତ୍ତମାନ ରାଜନୈତିକ ମଇଦାନକୁ ଓହ୍ଲାଇଛନ୍ତି । ଗତ ପ୍ରାୟ ୬ ମାସ ହେଲା ଚଳଚ୍ଚିତ୍ର ବିବାଦକୁ କେନ୍ଦ୍ର କରି ଚର୍ଚ୍ଚାରେ ରହି ଆସିଥିବା ମନୋଜ ସାରା ଓଡିଶାରେ ଏକ ପରିଚିତ ନାଁ ହୋଇ ସାରିଛନ୍ତି । ଏହି ପରିପ୍ରେକ୍ଷୀରେ ବର୍ତ୍ତମାନ ସେ କଂଗ୍ରେସରେ ଯୋଗ ଦେବା ପରେ ଆଗାମୀ ସାଧାରଣ ନିର୍ବାଚନରେ ତାଙ୍କର ସମ୍ଭାବ୍ୟ ଭୂମିକାକୁ ନେଇ ଆଲୋଚନା ସରଗରମ ହେଲାଣି । ଏଭଳି ସ୍ଥିତିରେ ପଶ୍ଚିମ ଓଡିଶାର କୌଣସି ଲୋକସଭା ଆସନରୁ ଦଳ ଟିକଟ ଦେଲେ ସେ ଛିଡା  ହେବା ପାଇଁ ପରୋକ୍ଷରେ ଇସାରା ଦେଇ ସାରିଛନ୍ତି ।

ସମ୍ବଲପୁର ମାଟିର ପୁଅ ମନୋଜ ଜାତୀୟ ଫିଲ୍ମ ଜଗତରେ ବେଶ୍‌ ସୁନାମ କରି ସାରିଛନ୍ତି । ସମ୍ବଲପୁରର ପ୍ରଥମ ଏନ୍‌ଏସ୍‌ଡି ଏବଂ ଏଫ୍‌ଟିଆଇ ଛାତ୍ର ଭାବେ ସେ ଫିଲ୍ମ ଜଗତରେ ଏଣ୍ଟ୍ରି କରି ବଲିଉଡରେ ବି ପ୍ରସିଦ୍ଧି ସାଉଁଟି ସାରିଛନ୍ତି । ହିନ୍ଦୀରୁ ଆରମ୍ଭ କରି ଓଡିଆ ଏବଂ ତାମିଲ ଚଳଚ୍ଚିତ୍ରରେ ବି ତାଙ୍କର ଛାପ ଛାଡିଛନ୍ତି । ତାହା ବଲିଉଡ ଫିଲ୍ମ ‘ମିଶନ କାଶ୍ମୀର’ ହେଉ ଅବା ଓଡିଆ ଫିଲ୍ମ ‘ତୁମକୁ ପାରୁନି ତ ଭୁଲି’ ହେଉ ଅବା ଷ୍ଟାର୍‌ ପ୍ଲସ୍‌ର ଚର୍ଚ୍ଚିତ ସିରିଏଲ୍‌ ‘ବେହେନେଇ’ ହେଉ ସବୁଥିରେ ସେ ତାଙ୍କ ଦକ୍ଷତା ପ୍ରତିପାଦିତ କରି ସାରିଛନ୍ତି । ଆଉ ଗତବର୍ଷ ରିଲିଜ୍‌ ହୋଇଥିବା ‘ମାଇଣ୍ଡଗେମ୍‌’ ତାଙ୍କ କ୍ୟାରିଅର୍‌ର ଅନ୍ୟତମ ମାଇଲଖୁଣ୍ଟ କୁହାଯାଉଛି ।  ତେବେ, ଏହି ମାଇଣ୍ଡଗେମ୍‌ ଫିଲ୍ମକୁ ନେଇ ସାରା ଓଡିଶାର ଫିଲ୍ମ ଜଗତରେ ସୃଷ୍ଟି ହୋଇଥିବା ବିବାଦ ପରେ ସେ ସମ୍ବଲପୁରକୁ ସବୁଦିନ ପାଇଁ ଫେରି ଆସିଥିବା ଘୋଷଣା କରିଥିଲେ । ଏହି ପରିପ୍ରେକ୍ଷୀରେ ସେ କିଛି ମାସ ତଳେ ପଶ୍ଚିମ ଓଡିଶାରେ ଭାଷା ସଂସ୍କୃତି ଯାତ୍ରା କରି ତାଙ୍କର ରାଜନୈତିକ ପଦାର୍ପଣର ଆଭାସ ଦେଇଥିବା ଚର୍ଚ୍ଚା ହୋଇଥିଲା । ଆଉ ସବୁ କଳ୍ପନାଜଳ୍ପନାକୁ ଦୂର କରି ସେ ଦୁଇଦିନ ତଳେ ରାଜ୍ୟ କଂଗ୍ରେସ କାର୍ଯ୍ୟାଳୟରେ ହାତ ଧରିଛନ୍ତି । ଏହି ପରିପ୍ରେକ୍ଷୀରେ ବର୍ତ୍ତମାନ ସୁଦ୍ଧା ଦଳ ତାଙ୍କୁ କେଉଁ ଦାୟିତ୍ୱ ଦେବ ତାହା ସ୍ପଷ୍ଟ ହୋଇନଥିବା ବେଳେ ଲୋକସଭା ଆସନ ପାଇଁ ସେ ଆଶାୟୀ ଥିବା ପରୋକ୍ଷ ଇସାରା ଦେଇଛନ୍ତି । ପ୍ରମେୟକୁ ପ୍ରତିକ୍ରିୟା ଦେଇ ସେ କହିଛନ୍ତି ଯେ ଦଳ ଯେଉଁ ଦାୟିତ୍ୱ ଦେବ ତାହାକୁ ସେ ଗ୍ରହଣ କରିବେ । ହେଲେ ବିଧାନସଭା କି ଲୋକସଭା ପାଇଁ ଇଚ୍ଛା ଅଛି ବୋଲି ପଚାରିବାରୁ ସେ ଲୋକସଭା ଆସନରେ ଲଢିବାକୁ ପସନ୍ଦ କରିବି କହିଛନ୍ତି । ସେ କହିଛନ୍ତି ଯେ, ଓଡିଶା ଅପେକ୍ଷା ଜାତୀୟସ୍ତରରେ ତାଙ୍କୁ ଅଧିକ ଲୋକ ଜାଣିଛନ୍ତି । ଲୋକସଭା ଗଲେ ସେ ରାଜ୍ୟ ପାଇଁ ବିଶେଷ କରି ପଶ୍ଚିମ ଓଡିଶାର ହକ୍‌ ପାଇଁ ଲଢେଇ କରିବି ବୋଲି କହିଛନ୍ତି ।

ଏଭଳି ସ୍ଥିତିରେ ସେ କେଉଁ ଆସନ ପାଇଁ ଆଗ୍ରହୀ ତାହା ପ୍ରକାଶ କରିନଥିଲେ ହେଁ ବଲାଙ୍ଗୀର ଆସନରୁ ଛିଡା ହୋଇ ପାରନ୍ତି ବୋଲି ଚର୍ଚ୍ଚା ହେଉଛି । କାରଣ ବଲାଙ୍ଗୀରର ବିଧାୟକ ତଥା ବରିଷ୍ଠ ନେତା ନରସିଂହ ମିଶ୍ରଙ୍କ ସହ ତାଙ୍କର ଭଲ ସଂପର୍କ ଥିବା କଥା ସମସ୍ତଙ୍କୁ ଜଣା । ସେହିପରି ନରସିଂହ ବାବୁ ତାଙ୍କ ପୁଅକୁ ନିଜ ବିଧାନସଭା ଆସନ ଦେଇ ମନୋଜଙ୍କୁ ଲୋକସଭାରେ ଛିଡା କରାଇ ପାରନ୍ତି ବୋଲି ବି ଆଲୋଚନା ହେଉଛି । ସେମିତିବି ମାଇଣ୍ଡଗେମ୍‌ ଫିଲ୍ମ ବିବାଦ ବେଳେ ତାଙ୍କୁ ଅବିଭକ୍ତ ବଲାଙ୍ଗୀର ଏବଂ କଳାହାଣ୍ଡି ଜିଲ୍ଲାରୁ ଅକୁଣ୍ଠ ସମର୍ଥନ ବି ମିଳିଥିଲା ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.