ନୂଆଦିଲ୍ଲୀ – ଆଇସିସି ଦିନିକିଆ ବିଶ୍ୱକପ୍ ୨୦୨୩ ର ଆୟୋଜନ ୫ ଅକ୍ଟୋବରରୁ ୧୯ ନଭେମ୍ୱର ଯାଏ ଭାରତରେ ଅନୁଷ୍ଠିତ ହେବ। ଆଗାମୀ ବିଶ୍ୱକପ୍କୁ ନେଇ ଖେଳ ପ୍ରେମୀ ,ଏକ୍ସପର୍ଟ ଓ ପୂର୍ବତନ କ୍ରିକେଟରମାନେ ଲଗାତାର ନିଜ ନିଜର ମତ ଦେଉଛନ୍ତି। ଆଉ ଅନେକ ପୂର୍ବାନୁମାନ କରୁଛନ୍ତି। ଏହି କ୍ରମରେ ଏବେ ଶ୍ରୀଲଙ୍କାର ପୂର୍ବତନ ଅଧିନାୟକ ତଥା ପ୍ରସିଦ୍ଧ ୱିକେଟକିପର ବ୍ୟାଟର କୁମାର ସାଙ୍ଗାକାର ବଡ଼ ଭବିଷ୍ୟବାଣୀ କରିଛନ୍ତି। ସେ ହୋଷ୍ଟ ଭାରତ ଓ ଡିଫେଣ୍ଡିଂ ଚାମ୍ପିୟନ ଇଂଲଣ୍ଡକୁ ବିଶ୍ୱକପ୍ ଟ୍ରଫିର ଖୁବ୍ ଦାବିଦାର ଥିବା କହିଛନ୍ତି। ସାଙ୍ଗାକାରା ଏହାସହ ଆହୁରି କହିଛନ୍ତି କି, ଶ୍ରୀଲଙ୍କାକୁ ଅଣଦେଖା କରାଯାଇ ପାରିବ ନାହିଁ, କାରଣ ନିକଟରେ ଏହାର ପ୍ରଦର୍ଶନ ମଧ୍ୟ ପ୍ରଭାବଶାଳୀ ରହିଛି।
ଆଇସିସି ଦିନିକିଆ ମାନ୍ୟତା ତାଲିକା: ପାକିସ୍ତାନକୁ ହଟାଇ ଶୀର୍ଷରେ ଅଷ୍ଟ୍ରେଲିଆ, ଦ୍ୱିତୀୟକୁ ଉଠିଲା ଭାରତ
ଇଂଲଣ୍ଡ ଶୁକ୍ରବାର ନ୍ୟୁଜିଲ୍ୟାଣ୍ଡକୁ ୧୦୦ରନ୍ରେ ହରାଇବା ପରେ ୪ ମ୍ୟାଚ୍ ବିଶିଷ୍ଟ ମ୍ୟାଚ୍ର ଦିନିକିଆ ସିରିଜକୁ ୩-୧ ରେ ନିଜ ନାମରେ କରିଛି। ୪ର୍ଥ ୱାନଡେ ପରେ ପୋଷ୍ଟ-ମ୍ୟାଚ୍ ଶୋ ବେଳେ ସାଙ୍ଗାକାରା ବିଶ୍ୱକପ୍ର ଦାବିଦାରକୁ ନେଇ ନ୍ୟୁଜିଲ୍ୟାଣ୍ଡର ପୂର୍ବତନ ଦ୍ରୁତ ବୋଲର ସାଇମନ ଡୁଲ ଓ ଇଂଲଣ୍ଡର ପୂର୍ବତନ ଅଧିନାୟକ ଇୟୋନ ମୋର୍ଗନଙ୍କ ସହ ଆଲୋଚନା କରିଥିଲେ।
ସାଙ୍ଗାକାରା କହିଥିଲେ , ମୋର ଅନୁମାନ କି ଭାରତ ଓ ଇଂଲଣ୍ଡ ସବୁଠୁ ବଡ଼ ଦାବିଦାର ହେବେ। ମୁଁ ଶ୍ରୀଲଙ୍କା ଟିମ୍ର ଶେଷ ଗେମ୍ ଦେଖିଛି ଏବଂ ସେମାନେ ପୂରା ଏସିଆ କପ୍ରେ ଯେଉଁ ଭଳି ପ୍ରଦର୍ଶନ କରିଛନ୍ତି ତ ଏଥିରେ ସେ ବି ପ୍ଲେଅଫ ପାଇଁ ଚ୍ୟାଲେଞ୍ଜପୂର୍ଣ୍ଣ ହୋଇପାରେ। ପୁଣି ଥରେ ଆପଣ ପ୍ଲେଅଫ୍ରେ ପହଞ୍ଚି ଗଲେ , କେବଳ ଗୋଟିଏ ମ୍ୟାଚ ଠାରୁ ଦୂରରେ ରହିବେ। ଆପଣଙ୍କ ଦିନ ଭଲ ତ ଆପଣ ଫାଇନାଲରେ ପହଞ୍ଚି ପାରିବେ।