କଟକ,୨୧/୧୧: ଇଡି ମାମଲାରେ ଗିରଫ ଅର୍ଚ୍ଚନା ନାଗଙ୍କ ଜାମିନ୍ ମାମଲାର ଶୁଣାଣି ସୋମବାର ଶେଷ ହୋଇଛି । ବିଚାରପତି ଜଷ୍ଟିସ୍ ଗୌରୀଶଙ୍କର ଶତପଥୀ ସବୁ ପକ୍ଷଙ୍କ ଯୁକ୍ତି ଶୁଣିବା ପରେ ରାୟ ସଂରକ୍ଷିତ ରଖିଛନ୍ତି ।
ଅର୍ଚ୍ଚନା ନାଗ ତାଙ୍କୁ ବ୍ଲାକମେଲିଂ କରୁଥିବା, ଧମକ ଦେଉଥିବା ନେଇ ଚଳଚ୍ଚିତ୍ର ନିର୍ମାତା ଅକ୍ଷୟ ପରିଜା ଏକ ମାମଲା ରୁଜୁ କରିଥିଲେ । ଘଟଣାରେ ପୁଲିସ୍ ଅର୍ଚ୍ଚନା ନାଗ୍ଙ୍କୁ ୨୦୨୨ ଅକ୍ଟୋବରରେ ଗିରଫ କରିଥିଲା । ପରେ ଏହି ମାମଲା ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)କୁ ହସ୍ତାନ୍ତର କରାଯାଇଥିଲା । ପୁଲିସ୍ ପକ୍ଷରୁ ରୁଜୁ ମାମଲାରେ ଅର୍ଚ୍ଚନା ନାଗ୍ଙ୍କୁ ହାଇକୋର୍ଟରୁ ଜାମିନ୍ ମିଳିସାରିଛି । ଇଡି ପକ୍ଷରୁ ରୁଜୁ ମାମଲାରେ ଶୁଣାଣି ଚାଲିଥିଲା । ସୋମବାର ଏହି ଶୁଣାଣି ଶେଷ ହୋଇଛି ।
