ଓ୍ବାଶିଂଟନ୍, ୦୭/୦୯: ବାହାର ଗ୍ରହର ଜୀବ ବା ଏଲିଅନଙ୍କୁ ନେଇ କଳ୍ପନା ଜଳ୍ପନା ଲାଗିରହିଛି । କେତେବେଳେ ଏଲିଅନଙ୍କ ଉପସ୍ଥିତିକୁ ନେଇ ଅଜବ ଦାବି ହେଉଛି ତ ଆଉ କେତେବେଳେ ଅଜଣା ଉଡ଼ନ୍ତା ବସ୍ତୁ ବା ୟୁଏଫକୁ ନେଇ ଚର୍ଚ୍ଚା ହେଉଛି । କିନ୍ତୁ ଏଯାଏଁ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ । ପ୍ରକୃତରେ ବାହାର ଗ୍ରହରେ ଜୀବନ ଅଛି କି ନାହିଁ ସେନଇ କେହି ତଥ୍ୟ ଦେଇପାରି ନାହାନ୍ତି । ହେଲେ ଏବେ ଜଣେ ଆମେରିକୀୟ ବୈଜ୍ଞାନିକଙ୍କ ଦାବିକୁ ନେଇ ସମଗ୍ର ବିଶ୍ବରେ ଚହଳ ସୃଷ୍ଟି ହୋଇଛି ।
ଡରାଉଛି ନୂଆ ତଥ୍ୟ: ଯୁବପିଢ଼ିଙ୍କୁ ଗ୍ରାସ କରୁଛି କ୍ୟାନ୍ସର, ୩୦ ବର୍ଷରେ ୮୦ ପ୍ରତିଶତ ବୃଦ୍ଧି
ସେ ଦାବି କରିଛନ୍ତି, ଆମେରିକୀୟ ମହାକାଶ ଗବେଷଣା ସଂସ୍ଥା-ନାସା ମଙ୍ଗଳ ଗ୍ରହରେ ଏଲିଅନଙ୍କ ସନ୍ଧାନ ପାଇଥିଲା । ହେଲେ ଏନେଇ ଜାଣିନପାରି ଅଜଣାତରେ ସେମାନଙ୍କୁ ନାସା ମାରିଦେଇଛି । ଡର୍କ ଶୁଲଜ୍ ମକୁଚଙ୍କ ଏଭଳି ଦାବିକୁ ନେଇ ବୈଜ୍ଞାନିକ ଗୋଷ୍ଠୀ ଦୁଇ ଭାଗରେ ଭାଗ ହୋଇଯାଇଛନ୍ତି । କେହି କେହି ଏହି ଦାବିକୁ ଖଣ୍ଡନ କରିଛନ୍ତି । ବୈଜ୍ଞାନିକ ମକୁଚଙ୍କ ଦାବି ଅନୁସାରେ, ୧୯୭୬ରେ ମଙ୍ଗଳରେ ଲ୍ୟାଣ୍ଡ କରିବା ପରେ ନାସାର ଭାଇକିଙ୍ଗ ଲ୍ୟାଣ୍ଡର୍ସ ଲାଲଗ୍ରହରେ ଥିବା ଛୋଟ ଏବଂ ଶୁଷ୍କ ପ୍ରତିରୋଧୀ ଜୀବନର ସନ୍ଧାନ ପାଇଥାଇପାରେ । ଯଦି ଏମିତି ଜୀବନ ଥିବ ତେବେ ଲ୍ୟାଣ୍ଡର୍ସ କିଛି ବିଶ୍ଳେଷଣ କରିବା ପୂର୍ବରୁ ସେମାନଙ୍କୁ ମାରିଦେଇଥିବ ବୋଲି ସେ ଦାବି କରିଛନ୍ତି ।
ଏହା ସହ ସେ ଆହୁରି କହିଛନ୍ତି, ଏହି ତଥ୍ୟ କେତେକଙ୍କୁ ପସନ୍ଦ ଆସିନପାରେ । ହେଲେ ଏଭଳି ସୁକ୍ଷ୍ମ ଜୀବ ପୃଥିବୀପୃଷ୍ଠରେ ରହିଛନ୍ତି । ଲାଲଗ୍ରହରେ ଏଭଳି ଜୀବ ଥିବା କଥାକୁ ଅସ୍ବୀକାର କରାଯାଇନପାରେ । ନାସା ମଙ୍ଗଳରେ ଗ୍ରହରେ ଦୁଇଟି ଭାଇକିଙ୍ଗ ଲ୍ୟାଣ୍ଡର ଲ୍ୟାଣ୍ଡ କରାଇଥିଲା । ପ୍ରତି ଲ୍ୟାଣ୍ଡର ପାଖରେ ନିଜ ନିଜର ଲ୍ୟାବ୍ ଥିଲା ।
You can also read: ଭାରତରେ ‘ଜୟ ଶ୍ରୀ ରାମ’ ନାରା ଦେଉଥିବା ସୀମା ହାଇଦରଙ୍କ ମୁହଁରୁ ଜନ୍ମାଷ୍ଟମୀରେ ବାହାରିଲା ଆଲ୍ଲା , ଚମକି ପଡ଼ିଲେ ଲୋକେ
