ବଡବିଲ,୧୫।୫  : ୫୨୦ ନଂ ଜାତୀୟ ରାଜପଥ ରିମୁଳି ବାଇପାସରେ ଭୟଙ୍କର ଦୁର୍ଘଟଣା । ଦୁଇ ଟ୍ରକ୍ ମଝିରେ ଚାପି ହେବାରୁ କାରରେ ଯାଉଥିବା  ଗୋଟିଏ ପରିବାରର ୬ ଜଣଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ଦୁଇ ପୁରୁଷ,  ତିନି ମହିଳା ଏବଂ ଜଣେ ଛୋଟ ଝିଅ ଥିବା ସୂଚନା ମିଳିଛି ।  ମୃତକମାନେ  ହେଳେ ବଡ଼ବିଲ ଭଦ୍ରାସାହି ଅଞ୍ଚଳର ହୀରାଲାଲ ପଲେଇ ,ସ୍ତ୍ରୀ ପ୍ରଣତି ପଲେଇ, ପୁଅ  ସିପୁନ ପଲେଇ  ଓ ୨ ଝିଅ  ଲୁସି ପଲେଇ ଓ  ଲିସା ପଲେଇ

 ବଡ଼ବିଲ ଭଦ୍ରାସାହି ଅଞ୍ଚଳରୁ ଗୋଟିଏ ପରିବାର କାର ନଂ( ନଂ  ଓଡି୦୨ଏଓ୍ବାଇ୭୮୬୦) ଯୋଗେ  ବାଂଶପାଳ ବ୍ଲକ୍ ତରମାକାନ୍ତ କୁ ଯାଉଥିଲେ।  କାର  ଆଗରେ ଏକ ଟ୍ରକ୍ ଯାଉଥିବା ବେଳେ ପଛରୁ ଆଉ ଗୋଟିଏ ଟ୍ରକ୍ ଯାଉଥିଲା । ଆଗ ଟ୍ରକ୍ ବ୍ରେକ ମାରିବାରୁ କାରଟି ସେଥିରେ ପିଟି ହୋଇଥିଲା ଏବଂ ପଛରେ ଆସୁଥିବା ଟ୍ରକଟି କାରକୁ ଚାପି ଦେଇଥିଲା । କାର ସଂପୂର୍ଣ୍ଣ ଚୁରମାର ହୋଇଯାଇଥିବା ବେଳେ,   ସେଥିରେ ଚାପି ହୋଇ ମୃତଦେହ ଗୁଡ଼ିକ ରହିଥିଲା । ଖବର ପାଇ ଘଟଣାସ୍ଥକରେ ଚମ୍ପୁଆ ପୋଲିସ୍ ଏବଂ ଦୁଇଟି ଫାୟାର ଷ୍ଟେସନ, ବିଲେଇପଦା ଓ ଚମ୍ପୁଆର କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଏ ପର୍ଯ୍ୟନ୍ତ ୬ ଜଣଙ୍କ ମୃତଦେହ କଢ଼ା ଯାଇଛି। ସମସ୍ତ ମୃତକ ହିରାଲାଲ୍ ପଲେଇଙ୍କ ପରିବାରର ବୋଲି କୁହାଯାଉଛି । ସେପଟେ ଆଗ ଟ୍ରକଟି ଘଟଣା ସ୍ଥଳରୁ ପଳାଇ ଯାଇଥିବା ବେଳେ, ପଛ ଟ୍ରକକୁ ପୋଲିସ୍ ଜବତ୍ କରିଛି ।