କାମାକ୍ଷାନଗର,୦୩/୦୮: କାମାକ୍ଷାନଗରରେ ଗଞ୍ଜେଇ ଚୋରା ଚାଲାଣ ବେଳେ ମାଡ଼ି ବସିଲା ଅବକାରୀ ବିଭାଗ। କାର ସହ ୨୦ କେଜି ଗଞ୍ଜେଇ ଜବତ ହୋଇଛି। ଏହା ସହ କାର ଚାଳକଙ୍କୁ ଗିରଫ କରାଯାଇଛି। ଗିରଫ ବ୍ୟକ୍ତି ଜଣକ ହେଲେ ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅଞ୍ଚଳ ରତ୍ନାକର କଅଁର।

ସୂଚନା ଅନୁଯାୟୀ, ଶନିବାର ସକାଳୁ ରତ୍ନାକର ବୌଦ୍ଧ ଅଞ୍ଚଳରୁ ଏକ କାର ଯୋଗେ ୨୦ କେଜି ଗଞ୍ଜେଇ ଚୋରାରେ ବିକ୍ରି କରିବା ପାଇଁ ନେଉଥିଲା। ସେ ଏହି ଗଞ୍ଜେଇ ଭୁବନ ଅଞ୍ଚଳକୁ ନେଉଥିଲା । ଏ ବିଷୟରେ କାମାକ୍ଷାନଗର ଅବକାରୀ ବିଭାଗ ଏକ ସୁତ୍ରରୁ ଖବର ପାଇ ଛକି ରହିଥିଲା । ଚୋରା ଚାଲାଣ ବେଳେ ଅବକାରୀ ବିଭାଗ ଭୁବନ ଥାନା ବିଏଚ୍ ୫୩ ଯମୁନାକୋଟ ଛକ ନିକଟରୁ ଗାଡି ସହ ଗଞ୍ଜେଇକୁ ଜବତ କରିଥିଲା । ଜବତ ହୋଇଥିବା ଗଞ୍ଜେଇର ମୂଲ୍ୟ ୬ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ଗିରଫ ଅଭିଯୁକ୍ତକୁ ଆଜି କୋର୍ଟ ଚାଲାଣ କାରାଯିବାର ସୂଚନା ଦେଇଛନ୍ତି ଉପ ଆରକ୍ଷୀ ଅଧିକ୍ଷକ।