ନୂଆଦିଲ୍ଲୀ,୦୩/୦୯: ଅକ୍ଟୋବର ୫ ତାରିଖରୁ ଦେଶରେ ଖେଳାଯିବାକୁ ଥିବା ୨୦୨୩ ଦିନିିକିଆ ବିଶ୍ବକପ୍ ପାଇଁ ଭାରତର ୧୫ଜଣିଆ ଟିମ୍ ପ୍ରସ୍ତୁତ ହୋଇଛି। ଏସିଆ କପ୍ ପାଇଁ ଯେଉଁ ୧୮ ଜଣିଆ ଟିମ୍ ଚୟନ କରାଯାଇଛି, ଏଥିରୁ ୩ଜଣ ଖେଳାଳୀଙ୍କୁ ବାଦ୍ ଦିଆଯାଇଛି। ଏସିଆ କପ୍ ପାଇଁ ମନୋନୀତ ୧୮ ଜଣିଆ ଦଳର ତିନିଜଣ ଖେଳାଳି ବିଶ୍ୱକପ୍ ଦଳରେ ସ୍ଥାନ ପାଇ ନାହାଁନ୍ତି। ରିପୋର୍ଟ ଅନୁଯାୟୀ, ମିଡିଲ ଅର୍ଡର ବ୍ୟାଟ୍ସମ୍ୟାନ୍ ତିଲକ ବର୍ମା, ଦ୍ରୁତ ବୋଲର ପ୍ରସିଦ୍ଧ କୃଷ୍ଣା ଏବଂ ୱିକେଟ୍ କିପର ବ୍ୟାଟ୍ସମ୍ୟାନ୍ ସଞ୍ଜୁ ସାମସନ ବିଶ୍ୱକପ ପାଇଁ ମନୋନୀତ ହୋଇନାହାଁନ୍ତି।
ବିସିସିଆଇର ଡାକ୍ତରୀ ଦଳ ୱିକେଟ୍ କିପର ବ୍ୟାଟ୍ସମ୍ୟାନ୍ କେ.ଏଲ୍ ରାହୁଲଙ୍କୁ ସମ୍ପୂର୍ଣ୍ଣ ଫିଟ୍ ଘୋଷଣା କରିଛନ୍ତି। ସେ ଖୁବ୍ ଶୀଘ୍ର ଶ୍ରୀଲଙ୍କାରେ ଟିମ୍ ଇଣ୍ଡିଆରେ ଯୋଗଦେବେ। ଏଥି ସହିତ ବିଶ୍ୱକପ ଖେଳିବାର ରାସ୍ତା ମଧ୍ୟ ସଫା ହୋଇଛି। ବିଶ୍ୱକପ ପାଇଁ ୧୫ ଜଣିଆ ଦଳରେ ୭ ଜଣ ବ୍ୟାଟ୍ସମ୍ୟାନ୍ ଚୟନ କରାଯାଇଛି। ଏଥିରେ ରୋହିତ ଶର୍ମା, ଶୁଭମାନ ଗିଲ, ବିରାଟ କୋହଲି, ଶ୍ରେୟସ ଆୟର, ସୂର୍ଯ୍ୟକୁମାର ଯାଦବ, କେ.ଏଲ୍ ରାହୁଲ ଏବଂ ଇଶାନ କିଶନ ରହିଛନ୍ତି। ତିନିଜଣ ଅଲରାଉଣ୍ଡର, ଜଣେ ମୁଖ୍ୟ ସ୍ପିନର ଏବଂ ଚାରି ଦ୍ରୁତ ବୋଲର ଦଳରେ ସ୍ଥାନ ପାଇଛନ୍ତି। ଏଥିରେ ଅକ୍ଷର ପଟେଲ, କୁଲଦୀପ ଯାଦବ ଏବଂ ରବିନ୍ଦ୍ର ଜାଡେଜା ରହିଛନ୍ତି। ଦ୍ରୁତ ବୋଲରଙ୍କ ବିଷୟରେ ଯଦି କହିବା, ମହମ୍ମଦ ସିରାଜ, ଶାର୍ଦ୍ଦୁଲ ଠାକୁର, ମହମ୍ମଦ ଶାମି ଏବଂ ଜସପ୍ରୀତ ବୁମ୍ରାଙ୍କୁ ସାମିଲ କରାଯାଇଛି।
୨୦୨୩ ଦିନିକିଆ ବିଶ୍ୱକପ ପାଇଁ ଭାରତର ୧୫ ଜଣିଆ ଟିମ୍: ରୋହିତ ଶର୍ମା (ଅଧିନାୟକ), ଶୁଭମାନ ଗିଲ, ବିରାଟ କୋହଲି, ଶ୍ରେୟସ ଆୟର, ସୂର୍ଯ୍ୟକୁମାର ଯାଦବ, କେ.ଏଲ୍ ରାହୁଲ (ୱିକେଟ୍ କିପର), ଇଶାନ କିଶନ (ରିଜର୍ଭ ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା (ଉପ-ଅଧିନାୟକ) , ରବିନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ମହମ୍ମଦ ସିରାଜ, ଶାର୍ଦ୍ଦୁଲ ଠାକୁର, ମହମ୍ମଦ ଶାମି ଏବଂ ଜସପ୍ରୀତ ବୁମ୍ରା
You can also read:
ଏସିଆ କପ୍ରେ ଧୋନୀଙ୍କ ରେକର୍ଡ ଭାଙ୍ଗିଲେ ଇଶାନ କିଶନ