ପୁରୀ, ୧୫/୯ : ମହାପ୍ରଭୁଙ୍କ ନୀତି ବିଭ୍ରାଟର ହେଲା ସମାଧାନ। ମହାପ୍ରଭୁଙ୍କ ହେବ ବଡ଼ ମହାସ୍ନାନ। ସେବାୟତଙ୍କ ସହ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଆଲୋଚନା ପରେ ସମାଧାନ ହୋଇଛି। ବଡ଼ ମହାସ୍ନାନ ପରେ ଅବକାଶ ନୀତି ହେବ। ଏହାପରେ ଆଗକୁ ନୀତିକାନ୍ତି ବଢିବା ନେଇ ସୂଚନା ମିଳିଛି। 

ପ୍ରକାଶ ଥାଉକି, ଜଣେ ସେବା ନିବୃତ ସିଂହାରୀ ସେବାୟତ ଜୋର୍ ଜବରଦସ୍ତ ମହାପ୍ରଭୁଙ୍କ ସେବାରେ ସାମିଲ ହେବାକୁ ନେଇ ବିବାଦ ହୋଇଥିଲା। ଫଳରେ ମହାପ୍ରଭୁଙ୍କ ମଙ୍ଗଳ ଆଳତୀ, ଅବକାଶ ନୀତି ପରେ ନୀତି ବଢ଼ି ପାରି ନଥିଲା। ଫଳରେ ମହାପ୍ରଭୁଙ୍କ ନୀତି ବନ୍ଦ ରହିଥିଲା। ଯାହାକୁ ନେଇ ଶ୍ରୀମନ୍ଦିରରେ ଅଚଳାବସ୍ଥା ସୃଷ୍ଟି ହୋଇଥିଲା। ମହାପ୍ରଭୁଙ୍କ ନୀତିରେ ଯେଉଁ ସେବାୟତ ଜାଣିଶୁଣି ବିଭ୍ରାଟ କରିଥଲେ ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ଶ୍ରମନ୍ଦିର ମୁଖ୍ୟ ପ୍ରଶାସକ ରଞ୍ଜନ କୁମାର ଦାସ ସୁଚନା ଦେଇଛନ୍ତି।