ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

ଇନଷ୍ଟାଗ୍ରାମ୍ ‘ଭାଇମାନେ’ ମହିଳାଙ୍କ ଠାରୁ ଠକି ନେଲେ ୨ଲକ୍ଷ ଟଙ୍କା

ଲକ୍ଷ୍ନୌ : ବର୍ତ୍ତମାନ ସମୟରେ ସାଇବର ଠକମାନେ ଖୁବ୍ ଜୋରରେ ମାତିଛନ୍ତି। ସେମାନେ ବିଭିନ୍ନ ଉପାୟରେ ଲୋକଙ୍କ ଠାରୁ ଅର୍ଥ ହଡ଼ପ କରି ନେଉଛନ୍ତି। ଏବେ ଏମିତି ଏକ ଘଟଣା ଦେଖିବାକୁ ମିଳିଛି ଉତ୍ତର ପ୍ରଦେଶରେ। ଏଠାରେ ଜଣେ ମହିଳା ହୋଇଛନ୍ତି ସାଇବର ଠକଙ୍କ ଶିକାର। ଭାଇ ହେବାର ନାଟକ କରି ଲକ୍ଷ ଲକ୍ଷ ଟଙ୍କା ଠକି ନେଇଛନ୍ତି ଠକମାନେ।

ଇନ୍‌ଷ୍ଟାଗ୍ରାମ୍‌ରେ ତିନି ଜଣ ଯୁବକ ଜଣେ ମହିଳାଙ୍କ ସହ ବନ୍ଧୁତା କଲେ ଏବଂ ତାଙ୍କ ଠାରୁ ୨ ଲକ୍ଷ ଟଙ୍କା ଠକି ନେଇଛନ୍ତି। ପୁଲିସ ସୂତ୍ରରୁ ଏହି ସୂଚନା ମିଳିଛି। ଏହିପରି ପ୍ରଥମ ମାମଲାରେ , ମହିଳାଙ୍କର ଭାଇ ସାଜିଥିବା ଏହି ସାଇବର ଠକମାନେ ମହିଳାଙ୍କୁ ବିବାହର ଗିଫ୍ଟ ଦେବାକୁ କହିଲେ ଏବଂ ତାଙ୍କୁ ଷଡ଼ଯନ୍ତ୍ର କରି ଫସେଇ ଦେଲେ।

ଇନ୍ଦିରା ନଗରରେ ରହୁଥିବା ସଲମା ( ଛଦ୍ମ ନାମ) ପୁଲିସକୁ କହିଛନ୍ତି ଯେ, ୨୨ ଅପ୍ରେଲରେ ଇନଷ୍ଟାଗ୍ରାମ୍‌ରେ ତାଙ୍କର ପରିଚୟ ରବି କୁମାର, ରାଣା ପ୍ରତାପ ସିଂହ ଓ ମନୋଜ ନାମକ ତିନି ଜଣ ବ୍ୟକ୍ତିଙ୍କ ସହ ହୋଇଥିଲା। ଏହି ୩ ଜଣ ବ୍ୟକ୍ତି ମହିଳାଙ୍କ ମନରେ ବିଶ୍ୱାସ ଜନ୍ମାଇ ଥିଲେ ଏବଂ ତାଙ୍କୁ ନିଜର ଭାଇ ଭାବେ ସମ୍ୱୋଧନ କରିବାକୁ କହି ଥିଲେ।

ମହିଳା ଜଣଙ୍କ କହିଛନ୍ତି , ଅନେକ ଦିନ ଯାଏ ସଂପର୍କରେ ରହିବା ପରେ , ସେମାନଙ୍କ ମଧ୍ୟରୁ ଜଣେ ରବି କୁମାର ମୋ ପାଖକୁ ଫୋନ୍‌ କଲେ ଏବଂ କହିଲେ କି ମୋ ପାଇଁ ବିବାହର ମହଙ୍ଗା ଜିନିଷ ଗିଫ୍ଟ ଦେବେ। ଏଥିପାଇଁ ସେ ସିପିଂ ପାଇଁ ମୋର ଆଧାର କାର୍ଡ , ଫଟୋ ଓ ଅନ୍ୟ କାଗଜପତ୍ର ପାଇଁ ଅନୁରୋଧ କରି ଥିଲେ। ପରେ, ଅଭିଯୁକ୍ତଙ୍କ ମଧ୍ୟରୁ ଜଣେ ମନୋଜ ମୋତେ ଫୋନ କରି କହିଲେ କି ସିପମେଣ୍ଟକୁ ବିମାନ ବନ୍ଦରରେ ଜବତ କରି ନିଆ ଯାଇଛି। ସେ କହିଲେ ଏହି ପ୍ୟାକେଜ୍‌କୁ ଆଣିବାକୁ ହେଲେ ମୋତେ ନିର୍ଦ୍ଦିଷ୍ଟ ରାଶି ପେମେଣ୍ଟ କରିବାକୁ ହେବ। 

ଆରମ୍ଭରେ , ମୁଁ ମନା କରି ଦେଲି , କିନ୍ତୁ ସେ ମୋତେ ଏହା କହି ଧମକ ଦେଲେ କି ଯଦି ମୁଁ କଥା ନମାନେ ତ ସେ ସିବିଆଇ , ଅପରାଧ ଶାଖା ବା ଆୟକର ଅଧିକାରୀଙ୍କୁ ସାମିଲ କରି ଦେବେ ଏବଂ ମୋତେ ଗିରଫ କରାଇ ଦେବେ।

ସେ ଚିନ୍ତାରେ ପଡ଼ିଗଲେ ଏବଂ କ୍ୟୁଆର କୋଡ୍‌ ମାଧ୍ୟମରେ ୧.୯୪ ଲକ୍ଷ ଟଙ୍କା ଅନଲାଇନ୍‌ ଟ୍ରାନ୍ସଫର କରି ଦେଲେ। ନର୍ଥ ଜୋନ୍‌ର ପୁଲିସ ଅଧିକାରୀ ଅଭିଜିତ୍‌ ଶଙ୍କର କହିଛନ୍ତି କି, ପ୍ରାରମ୍ଭିକ ଯାଞ୍ଚ କରାଯାଇଛି । ଆହୁରି ଯାଞ୍ଚ ମଧ୍ୟ ଚାଲିଛି।   

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.