ମେକ୍ସିକୋ ସିଟି, ୧୩/୦୯: ବାହାର ଗ୍ରହରେ ଜୀବନ ବା ଏଲିଅନର ଉପସ୍ଥିତିକୁ ନେଇ ଆଶଙ୍କା ଲାଗିରହିଛି । ଏଲିଅନକୁ ନେଇ ବିଭିନ୍ନ ସମୟରେ ଚର୍ଚ୍ଚା ହେଉଛି । ଏଭଳି ସ୍ଥିତିରେ ମେକ୍ସିକୋ ସଂସଦରେ ଦୁଇଟି ଏଲିଅନ୍ ଶବ୍ ପ୍ରଦର୍ଶିତ କରାଯାଇଥିବା କୁହାଯାଉଛି । ଏହା ପରେ ଏଲିଅନ୍ ଏବଂ ଅଜଣା ଉଡ଼ନ୍ତା ବସ୍ତୁ ବା ୟୁଏଫକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ମେକ୍ସିକୋ କଂଗ୍ରେସରେ ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ‘ଏଲିଅନ୍ ଶବ’ ପ୍ରଦର୍ଶନ କରାଯାଇଥିଲା । ଶବର ଅନାବରଣ କରିଥିଲେ ୟୁଏଫଓ ବିଶେଷଜ୍ଞ ଜ୍ୟାମି ମୌସାନ ।
ଅଧରାତିରେ ଶୋଇଥିବା ବେଳେ ୯ ମହଲା କୋଠାରେ ଅଗ୍ନିକାଣ୍ଡ, ୫୦ ଜଣଙ୍କ ମୃତ୍ୟୁ
ଦୁଇଟି ବିଚିତ୍ର ଶବକୁ ସମସ୍ତ ସଦସ୍ୟଙ୍କ ସାମ୍ନାରେ ଅନାବରଣ କରାଯାଇଥିଲା । ଏହି ଶବ ଏକ ହଜାର ବର୍ଷ ପୂର୍ବେ ପେରୁରେ ମିଳିଥିଲା ବୋଲି ଦାବି କରିଛନ୍ତି କାର୍ଯ୍ୟକ୍ରମ ଆୟୋଜକ । ମୌସାନ ଦାବି କରିଛନ୍ତି ଯେ, ୟୁଏଫଓର ନମୂନା ମେକ୍ସିକୋର ଏକ ବିଶ୍ବବିଦ୍ୟାଳୟରେ ପରୀକ୍ଷା କରାଯାଇଥିଲା । ଏଥିରୁ ଡିଏନଏ ସାମ୍ପଲ ମିଳିଛି । ମିଳିଥିବା ନମୂନା ପୃଥିବୀପୃଷ୍ଠରେ ବିକଶିତ ହେଉଥିବା ଡିଏନଏ ଠାରୁ ଅଲଗା । ନିକଟ ଅତୀତରେ ପ୍ରଥମ ଥର ପାଇଁ ଆମେରିକା କଂଗ୍ରେସରେ ୟୁଏଫଓ ଉପରେ ଆଲୋଚନା ହୋଇଥିଲା । ଠିକ୍ ସେହିଭଳି ମେକ୍ସିକୋ କଂଗ୍ରେସରେ ୟୁଏଫଓ ସମ୍ବନ୍ଧୀୟ ବୈଠକ ଆୟୋଜିତ ହୋଇଛି ।
Scientists unveiling two alleged alien corpses took place in Mexico, which are retrieved from Cusco, Peru. pic.twitter.com/rjfz9IMf37
— Indian Tech & Infra (@IndianTechGuide) September 13, 2023
ତେବେ ମଙ୍ଗଳବାର ମେକ୍ସିକୋ ସଂସଦରେ ପ୍ରଦର୍ଶିତ ହୋଇଥିବା ତଥାକଥିତ ଏଲିଅନ ଶବକୁ ନେଇ ସମଗ୍ର ବିଶ୍ବରେ ଚର୍ଚ୍ଚା ଆରମ୍ଭ ହୋଇଯାଇଛି । ସେପଟେ ଜ୍ୟାମି ମୌସାନ ଅନ୍ୟଗ୍ରହର ଜୀବନ ସଂପର୍କରେ ଅଧ୍ୟୟନ କରୁଥିବା ବେଳେ ସେ ମଧ୍ୟ ଜଣେ ସାମ୍ବାଦିକ । ମେକ୍ସିକୋ ସଂସଦରେ ଆମେରିକୀୟ ଅଧିକାରୀ ମଧ୍ୟ ଉପସ୍ଥିତ ଥିଲେ । କାଚ ବାକ୍ସରେ ଏହି ଦୁଇ ଶବକୁ ପ୍ରଦର୍ଶିତ କରାଯାଇଥିଲା । ତେବେ ଏହି ଏଲିଅନ୍ ଶବରେ ଦେଖିବାକୁ ମିଳିଛି ଯେ, ଏଗୁଡ଼ିକ ହାତରେ ୩ଟି ଲେଖାଏଁ ଆଙ୍ଗୁଳି ରହିଛି । ଏବଂ ସେମାନଙ୍କ ମୁହଁ ମଣିଷ ପରି ଦେଖାଯାଉଛି ।
You can also read: ବୈଜ୍ଞାନିକଙ୍କ ଅଜବ ଦାବି: ମଙ୍ଗଳ ଗ୍ରହରେ ଥିଲେ ଏଲିଅନ୍, ଭୁଲରେ ମାରିଦେଇଛି ନାସା
