ନୂଆଦିଲ୍ଲୀ : ଦେଶରେ କରୋନା ଭାଇରସର ନୂଆ ଭାରିଆଣ୍ଟ ଜେଏନ-୧ର ପ୍ରକୋପ, ଲୋକଙ୍କ ଚିନ୍ତା ବଢାଇ ଦେଇଛି। ଭିନ୍ନ ଭିନ୍ନ ରାଜ୍ୟରେ ଏହାକୁ ନେଇ ସତର୍କତା ଆପଣାଇବାକୁ ନିର୍ଦ୍ଦେଶ ଜାରି କରାଯାଇଛି। କେରଳ , କର୍ଣ୍ଣାଟକ ଓ ପଞ୍ଜାବର ସରକାର ଗହଳି ସ୍ଥାନ ଗୁଡ଼ିକରେ ମାସ୍କ ପିନ୍ଧିବା ଅନିବାର୍ଯ୍ୟ କରିଛନ୍ତି ।
ସୂତ୍ରାନୁସାରେ , ଖବର ଏହା କି, ୨୪ ଡିସେମ୍ୱର ସୁଦ୍ଧା ଦେଶରେ ଜେଏନ-୧ର ମୋଟ ୬୩ କେସ୍ ମିଳିଛି। ନୂଆ ଭାରିଆଣ୍ଟର ସବୁଠୁ ଅଧିକ ମାମଲା ଗୋଆରୁ ସାମନାକୁ ଆସିଛି, ଯେଉଁଠି ଏହାର ସଂଖ୍ୟା ୩୪ ଅଛି। ଏହା ବ୍ୟତୀତ , ମହାରାଷ୍ଟ୍ରରୁ ୯ , କର୍ଣ୍ଣାଟକରୁ ୮ , କେରଳରୁ ୬, ତାମିଲନାଡୁରୁ ୪ ଓ ତେଲେଙ୍ଗାନାରୁ ୨ଟି କେସ୍ ରିପୋର୍ଟ ହୋଇଛି।
ମହାରାଷ୍ଟ୍ରରେ ରବିବାର କରୋନା ସଂକ୍ରମଣର ୫୦ଟି ନୂଆ ମାମଲା ସାମନାକୁ ଆସିଛି। ରାଜ୍ୟରେ ମହାମାରୀ ବ୍ୟାପିବା ପରେ ଏବେସୁଦ୍ଧା ସଂକ୍ରମିତ ମିଳିଥିବା ଲୋକଙ୍କ ମୋଟ ସଂଖ୍ୟା ବଢି ୮୧,୭୨,୧୩୫ ହୋଇଛି। ସ୍ୱାସ୍ଥ୍ୟ ବିଭାଗର ବୁଲେଟିନରେ କୁହାଯାଇଛି କି, ନୂଆ ମାମଲା ମଧ୍ୟରୁ ୯ଟି ଜେଏମ୍-୧ ଭାରିଆଣ୍ଟ ସହ ସଂପୃକ୍ତ। ଜେଏନ-୧ ରୋଗୀଙ୍କ ମଧ୍ୟରୁ ଠାଣେ ସହରର ୫ , ପୁଣେ ସହରର ୨ , ପୁଣେ ଜିଲ୍ଲା , ଅକୋଲା ସହର ଓ ସିନ୍ଧୁଦୁର୍ଗ ଜିଲ୍ଲାର ଗ୍ରାମୀଣ ଅଞ୍ଚଳର ଜଣେ ଜଣେ ରୋଗୀ ସାମିଲ ଅଛନ୍ତି। ପୁଣେର ଜଣେ ରୋଗୀ ଆମେରିକା ଯାତ୍ରା କରିଥିଲେ। ବୁଲେଟିନରେ କୁହାଯାଇଛି କି, ଜେଏନ-୧ର ସବୁ ରୋଗୀ ସଂକ୍ରମଣରୁ ବାହାରି ସାରିଛନ୍ତି। ଏହି ସମୟରେ କେହି ବି ଏଥିରେ ସଂକ୍ରମିତ ରୋଗୀ ହସ୍ପିଟାଲରେ ଭର୍ତ୍ତି ହୋଇ ନାହାନ୍ତି।
ଦିଲ୍ଲୀ ସରକାର ଜେଏନ୍-୧ ଉପରେ ନଜର ରଖିବା ସହ ଯାଞ୍ଚ ବୃଦ୍ଧି କରିବାର ଯୋଜନା କରିଛନ୍ତି। ଉତ୍ସବ ଋତୁ ମଧ୍ୟରେ କୋଭିଡ୍ ମାମଲା ବୃଦ୍ଧି ସହ ନୂଆ ବିପଦ ଘେରି ରହିଛି। ଏହି ସ୍ଥିତିରେ ଦିଲ୍ଲୀରେ ଡାକ୍ତରମାନେ ଲୋକଙ୍କୁ ମାସ୍କ ପିନ୍ଧିବା, ଜନ ଗହଳିରୁ ଦୂରେଇ ରହିବା ଓ ସୁସ୍ଥ ଖାଦ୍ୟ ଖାଇବାକୁ ପରାମର୍ଶ ଦେଇଛନ୍ତି।