ନୂଆଦିଲ୍ଲୀ,୧୯।୯: ବିଶିଷ୍ଟ ଫାର୍ମା କମ୍ପାନୀ ‘ସିପ୍ଲା’କୁ କିଣି ପାରେ ‘ଟରେଣ୍ଟ’ ଫାର୍ମାସ୍ୟୁଟିକାଲ୍ସ। ନ୍ୟୁଜ ଏଜେନ୍ସି ରଏଟର୍ସର ରିପୋର୍ଟ ଅନୁସାରେ, ‘ସିପ୍ଲା’ ପାଇଁ ନିଲାମୀ ଡାକୁଥିବା ଟରେଣ୍ଟ ଅପୋଲୋ ଗ୍ଲୋବାଲ ମ୍ୟାନେଜମେଣ୍ଟ ସହିତ ପ୍ରାରମ୍ଭିକ ଆଲେଚନା କରିଛି। ଏହା ଜରିଆରେ ଟରେଣ୍ଟୋ ୧ ବିଲିୟନ ଡଲାର ପର୍ଯ୍ୟନ୍ତ ଲୋନ୍ ସିକ୍ୟୁର କରିବାକୁ ଚାହେଁ।
ରଏଟର୍ସର ସୂଚନା ଅନୁସାରେ, ଟରେଣ୍ଟ ନିଜର ବଡ ପ୍ରତିଦ୍ବନ୍ଦି ‘ସିପ୍ଲା’ର ନିଲାମୀ ପାଇଁ ପ୍ରାୟ ୩ ରୁ ୪ ବିଲିୟନ ଡଲାର ଫଣ୍ଡର ଆଶା କରୁଛୁ। ବର୍ନଷ୍ଟିନ୍ ବିଶ୍ଲେଷକ ଅନୁମାନ କରିଛନ୍ତି ଯେ, ସିପ୍ଲାର ପ୍ରାୟ ୬୦% ଡିଲ୍ର ମୁଲ୍ୟ ୭ ବିଲିୟନ ଡଲାର ପର୍ଯ୍ୟନ୍ତ ହୋଇପାରେ। ସୁତ୍ରରୁ ମିଳିଥିବା ସୂଚନା ଅନୁସାରେ,ଟରେଣ୍ଟର ଆଲୋଚନା ସିବିସି କ୍ୟାପିଟାଲ ପାଟନର୍ସ ଓ ବେନ୍ କ୍ୟାପିଟାଲ ସହିତ ଚାଲିଛି। ଏହି ସବୁ କର୍ସୋଟିୟମ୍ ଇକ୍ବିଟି ପାର୍ଟନର ହୋଇପାରେ ଓ ‘ସିପ୍ଲା’ ଡିଲ୍ରେ ମିଳିତ ଭାବରେ ୧.୫ ବିଲିୟନ ଡଲାରର ଯୋଗଦାନ କରିପାରେ।
ସୁତ୍ରରୁ ମିଳିଥିବା ସୂଚନା ଅନୁସାରେ, ସିପ୍ଲାର ସଂସ୍ଥାପକ ପରିବାର ନିଜର ୩୩.୪% ଅଂଶୀଦାର ବିକ୍ରି କରିବାକୁ ଇଚ୍ଛୁକ। ଏହାର ନିଲାମୀ ଡାକିବାରେ ଭାରତୀୟ ନିୟମ ଅନୁସାରେ, ଅନ୍ୟ ୨୬% ପାଇଁ ଓପନ ଫର ସେଲ୍ ମଧ୍ୟ ଆରମ୍ଭ ହୋଇଯିବ। ବ୍ଲାକଷ୍ଟୋନ୍ ମଧ୍ୟ ସିପ୍ଲା ପାଇଁ ନିଲାମୀ ଲଗାଇବାର ରୁଚି ରଖିଛି। ଯଦି ‘ସିପ୍ଲା’ ବିକ୍ରି ହୁଏ ତେବେ ଫାର୍ମା ଇଣ୍ଡଷ୍ଟ୍ରୀର ସବୁଠାରୁ ବଡ ଡିଲ୍ ଭାବରେ ଦେଖାଯିବ। ତେବେ ଏହି ଡିଲ୍କୁ ନେଇ ଅଫିସିଆଲ ଭାବରେ କୌଣସି ସୂଚନା ଦିଆଯାଇ ନାହିଁ।
ସିପ୍ଲାର ସଂସ୍ଥାପକ ପରିବାରର ସେୟାରର ଏକ ଛୋଟ ଅଂଶ ଆପୋଲୋ ମଧ୍ୟ କିଣିବା ଉପରେ ବିଚାର କରୁଛି, କିନ୍ତୁ ଶେଷ ନିଷ୍ପତ୍ତି ଏହି କଥା ଉପରେ ନିର୍ଭର କରିବ ଯେ, ଟରେଣ୍ଟ ସହିତ ଆଲୋଚନା କିଭଳି ଆଗକୁ ବଡିବ ? ଯଦି ଟରେଣ୍ଟ ସହିତ ଆଲେଚନା ଅଟକିଯାଏ ତେବେ ଆପୋଲୋ ଦ୍ବିତୀୟ ବିକଳ୍ପ ଖୋଜିବ।
