ନୂଆଦିଲ୍ଲୀ,୧୩/୦୭: ସ୍କୁଲ,କଲେଜରେ ପଢିବା ବେଳେ ସମସ୍ତେ 'ବ୍ୟାକବେଞ୍ଚର' ଶବ୍ଦଟି ଶୁଣିଥିବେ । ଶ୍ରେଣୀ ଗୃହରେ ଶେଷ ବେଞ୍ଚରେ ବସୁଥିବା ପିଲାଙ୍କୁ 'ବ୍ୟାକବେଞ୍ଚର' ବୋଲି କୁହାଯାଏ । ଏବେ ଏହି 'ବ୍ୟାକବେଞ୍ଚର' ଶବ୍ଦ ଆଉ ରହିବନି । କାରଣ ଶ୍ରେଣୀ ଗୃହରେ ବସିବା ଶୈଳୀ ବଦଳିଛି । ଜାଣି ଆଶ୍ଚର୍ଯ୍ୟ ହେବେ ଏକ ଫିଲ୍ମ ପିଲାମାନଙ୍କ ଶିକ୍ଷା ବ୍ୟବସ୍ଥାକୁ ପରିବର୍ତ୍ତନ କରିଛି । କେରଳର କୋଲ୍ଲମ ଜିଲ୍ଲା ରାମାବିଳାସମ୍ ଭୋକେସନାଲ୍ ହାୟର ସେକେଣ୍ଡାରୀ ସ୍କୁଲରେ ପିଲାଙ୍କ ବସିବା ଶୈଳୀ ପରିବର୍ତ୍ତନ ହୋଇଛି । ଏହି ସ୍କୁଲରେ ଏବେ କୌଣସି 'ବ୍ୟାକବେଞ୍ଚର' ନାହାନ୍ତି କାରଣ ସେଠାରେ ଥିବା ପ୍ରତ୍ୟେକ ପିଲା ଏବେ ଜଣେ ଜଣେ "ଫ୍ରଣ୍ଟବେଞ୍ଚର"।
ସ୍କୁଲ ଶ୍ରେଣୀଗୃହରେ ପିଲାଙ୍କ ବସିବା ବ୍ୟବସ୍ଥାକୁ ସମ୍ପୂର୍ଣ୍ଣ ରୂପେ ବଦଳାଇ ଦେଇଛନ୍ତି । ଏବେ କ୍ଲାସରୁମ୍ରେସ୍କୁଲଟି ତାର ଶ୍ରେଣୀଗୃହ ବ୍ୟବସ୍ଥାକୁ ସମ୍ପୂର୍ଣ୍ଣ ପରିବର୍ତ୍ତନ କରିଛି। ଏବେ ଶ୍ରେଣୀଗୃହରେ ଗୋଟିଏ ଧାଡିରେ ବେଞ୍ଚ ପଡିଛି । ଯାହା ଦ୍ୱାରା ପ୍ରତ୍ୟେକ ପିଲା ସିଧାସଳଖ ଶିକ୍ଷକଙ୍କ ସାମ୍ନାରେ ବସିପାରିବେ। ଏହି ଅଭିନବ ଧାରଣା ସାମ୍ପ୍ରତିକ ମାଲାୟଲମ ଚଳଚ୍ଚିତ୍ର 'ସ୍ଥାନାର୍ଥୀ ଶ୍ରୀକୁଟ୍ଟାନ୍' ଦ୍ୱାରା ଅନୁପ୍ରାଣିତ । ଯେଉଁଥିରେ ଜଣେ ଛାତ୍ର ପଛ ସିଟରେ ବସିବା ପାଇଁ ଅପମାନର ସମ୍ମୁଖୀନ ହୋଇଥିଲେ । ଏହି ଅନନ୍ୟ ବ୍ୟବସ୍ଥା ପାଇଁ ପରାମର୍ଶ ଦେଇଥିଲେ ।
ସ୍କୁଲର ପ୍ରଧାନଶିକ୍ଷକ ସୁନୀଲ ପି ଶେଖର କହିଛନ୍ତି, ଫିଲ୍ମ ଦେଖିବା ପରେ ରାଜ୍ୟ ମନ୍ତ୍ରୀ କେ ବି ଗଣେଶ କୁମାର ଏହାକୁ କାର୍ଯ୍ୟକାରୀ କରିବାକୁ ପରାମର୍ଶ ଦେଇଥିଲେ। ପ୍ରାରମ୍ଭରେ, ଏହା କେବଳ ଗୋଟିଏ ଶ୍ରେଣୀରେ ଏକ ପରୀକ୍ଷଣ ଭାବରେ ଆରମ୍ଭ କରାଯାଇଥିଲା, କିନ୍ତୁ ଯେତେବେଳେ ଏହାର ଫଳାଫଳ ସକାରାତ୍ମକ ହୋଇଥିଲା, ଏହାକୁ ସମସ୍ତ ପ୍ରାଥମିକ ଶ୍ରେଣୀରେ କାର୍ଯ୍ୟକାରୀ କରାଯାଇଥିଲା ।
ଶିକ୍ଷକଙ୍କ ଅନୁଭବ- ଶିକ୍ଷୟିତ୍ରୀ ମୀରା ଯିଏକି ୨୯ ବର୍ଷ ଧରି ଶିକ୍ଷକତା କରୁଛନ୍ତି ସେ କୁହନ୍ତି, "ଏହି ମଡେଲ୍ ପାରମ୍ପରିକ ବ୍ୟବସ୍ଥା ଅପେକ୍ଷା ବହୁତ ପ୍ରଭାବଶାଳୀ । ମୁଁ ପ୍ରତ୍ୟେକ ପିଲା ପ୍ରତି ସମାନ ଧ୍ୟାନ ଦେଇପାରୁଛି ଏବଂ ପିଲାମାନେ ମଧ୍ୟ ଶିକ୍ଷକଙ୍କ ସହିତ ଅଧିକ ଯୋଡି ହେଉଛନ୍ତି । "
ଅନ୍ୟ ରାଜ୍ୟ ଓ ଦେଶ ବି ଆପଣେଇଛନ୍ତି- କେବଳ କେରଳ ନୁହେଁ, ପଞ୍ଜାବର ଏକ ସ୍କୁଲ ମଧ୍ୟ ଏହି ମଡେଲ୍ ଗ୍ରହଣ କରିଛି। ଫିଲ୍ମର ନିର୍ଦ୍ଦେଶକ ଭିନେଶ ବିଶ୍ୱନାଥନଙ୍କ ଅନୁସାରେ, "ଏହା ପୂର୍ବରୁ ପ୍ରଚଳିତ ଏକ ବ୍ୟବସ୍ଥା ଥିଲା ଯାହା ଏବେ ପୁଣି ଥରେ ଚର୍ଚ୍ଚାକୁ ଆସିଛି। ଏହି ମଡେଲ୍ ଫିନଲ୍ୟାଣ୍ଡ ଏବଂ ନରୱେ ଭଳି ଦେଶରେ ମଧ୍ୟ ସଫଳତାର ସହ ଗ୍ରହଣ କରାଯାଇଛି ।
ଶିଳ୍ପପତି ଆନନ୍ଦ ମହିନ୍ଦ୍ରା ମଧ୍ୟ ଏହି ମଡେଲକୁ ପ୍ରଶଂସା କରି ଟ୍ୱିଟ୍ କରି କହିଛନ୍ତି ଯେ ଏହା "ଏକ ସ୍ୱାଗତଯୋଗ୍ୟ ପଦକ୍ଷେପ, ଯଦିଓ ସେ ବ୍ୟକ୍ତିଗତ ଭାବରେ 'ବ୍ୟାକବେଞ୍ଚର' ଧାରଣାକୁ ପସନ୍ଦ କରନ୍ତି । "
Sounds like an intriguing experiment.
— anand mahindra (@anandmahindra) July 11, 2025
It could promote more equitable class participation and focus.
But I have to admit, the ‘backbench’ was my preferred space in school although I wasn’t always allocated that placement.
In college, where there was a choice of seating for… https://t.co/79CAJxunSi
