ନୂଆଦିଲ୍ଲୀ,୧୫।୯: ନୂଆଦିଲ୍ଲୀ,୧୫।୯: ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାର କୋକରନାଗର ଗଡୁଲ ଜଙ୍ଗଲରେ ଲଗାତାର ତୃତୀୟ ଦିନ ମଧ୍ୟ ଆତଙ୍କବାଦୀ ବିରୋଧି ଅଭିଯାନ ଜାରି ରହିଛି। ମଝିରେ ମଝିରେ ଗୁଳିକାଣ୍ଡ ମଧ୍ୟ ହେଉଛି। ଆତଙ୍କବାଦୀଙ୍କୁ ନିପାତ କରିବା ପାଇଁ ଗ୍ରେନେଡ ମାଡ କରାଯାଉଛି। ସୁତ୍ରରୁ ମିଳିଥିବା ସୂଚନା ଅନୁସାରେ, ଅନନ୍ତନାଗ ଏନକାଉଣ୍ଟରରେ ଆହତ ହୋଇଥିବା ଜଣେ ଯବାନ ଆଜି ଚିକିତ୍ସାଧୀନ ଅବସ୍ଥାରେ ସହିଦ ହୋଇଥିବା ଜଣାପଡିଛି। 

ଅନ୍ତନାଗରେ ଆତଙ୍କବାଦୀଙ୍କ ବିରୋଧରେ ଶୁକ୍ରବାର ଅପରେସନ୍ ଜାରି ରହିଛି। ଲସ୍କରର ଦୁଇ ଆତଙ୍କବାଦୀଙ୍କୁ ଘେରାଉ କରିଦିଆଯାଇଛି। ହେଲିକପ୍ଟର, ଡ୍ରୋନ୍‌ ଓ ଅନ୍ୟ ଅତ୍ୟାଧୁନିକ ଉପକରଣରୁ ଆତଙ୍କବାଦୀଙ୍କ ଉପରେ ନଜର ରଖାଯାଇଛି। ଅଭିଯାନରେ ପାରା କମାଣ୍ଡୋ ଦାୟିତ୍ବ ଦିଆଯାଇଛି। ଘଞ୍ଚ ଜଙ୍ଗଲ ଓ ପାହାଡ ଅଞ୍ଚଳ କାରଣରୁ ଏହି ସ୍ବତନ୍ତ୍ର ବାହିନୀଙ୍କୁ ମୁତୟନ କରାଯାଇଛି। ଏହାଛଡା ପହାଡରେ ଯେଉଁଠି ଆତଙ୍କବାଦୀଙ୍କ ଆଡ୍ଡା ରହିଥିବାର ଆଶଙ୍କା କରାଯାଉଛି ସେଠାରେ ମଧ୍ୟ ରକେଟ ମାଡ କରାଯାଇଛି। ସୁରକ୍ଷାକର୍ମୀ ଉଜୈର ଖାନ୍  ସହିତ ଲସ୍କରର ଦୁଇ ଆତଙ୍କବାଦୀଙ୍କୁ ଘେରାଉ କରିଛନ୍ତି।