ମୁମ୍ବାଇ ୦୫/୧୨: ଚଳିତ ବର୍ଷର ବହୁ ପ୍ରତୀକ୍ଷିତ ଫିଲ୍ମ ‘ସାଲାର୍’ର ଅପେକ୍ଷା ଶେଷ ହେବାକୁ ଯାଉଛି। ସାଉଥ ସୁପରଷ୍ଟାର ପ୍ରଭାସ ଷ୍ଟାରର ଏହି ଆକ୍ସନ୍ ଥ୍ରୀଲର ଫିଲ୍ମ ଡିସେମ୍ବର ୨୨ ରେ ପ୍ରେକ୍ଷାଳୟକୁ ଆସିବାକୁ ଯାଉଛି। ନିକଟରେ ଫିଲ୍ମର ଆଡଭାନ୍ସ ବୁକିଂ ଘୋଷଣା କରାଯାଇଛି।
ନିକଟରେ ଫିଲ୍ମର ଟ୍ରେଲର ରିଲିଜ ହୋଇଛି, ଯାହା ସହିତ ନିର୍ମାତା ଫିଲ୍ମର ଆଡଭାନ୍ସ ବୁକିଂ ବିଷୟରେ ମଧ୍ୟ ସୂଚନା ଦେଇଛନ୍ତି। ଏହି ସୂଚନା 'ସାଲାର'ର ଟ୍ରେଲରର ଶେଷରେ ଦିଆଯାଇଛି। ଫିଲ୍ମର ଆଡଭାନ୍ସ ବୁକିଂ ଡିସେମ୍ବର ୧୫ ରୁ ଆରମ୍ଭ ହେବ।
ପ୍ରଭାସଙ୍କ ସାଲାର ସହିତ ଶାହାରୁଖ ଖାନଙ୍କ ‘ଡଙ୍କି’ ମଧ୍ୟ ଡିସେମ୍ବର ୨୨ ରେ ବକ୍ସ ଅଫିସରେ ମୁକ୍ତିଲାଭ କରିବାକୁ ଯାଉଛି। ଏପରି ପରିସ୍ଥିତିରେ, କେଉଁ ଫିଲ୍ମ ରୋଜଗାର ଦୃଷ୍ଟିରୁ ଆଗରେ ରହିବ, ତାହା ରିଲିଜ୍ ପରେ ହିଁ ଜଣା ପଡିବ।