କୋଲକାତା,୧୩/୦୨: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ସୌରଭ ଗାଙ୍ଗୁଲିଙ୍କ (ଦାଦା) ଏକ ଦାମୀ ମୋବାଇଲ ହଜି ଯାଇଛି। ବହୁ ଖୋଜା ଖୋଜି କରିବା ପରେ ନମିଳିବାରୁ ସେ ଏ ନେଇ ଠାକୁରପୁକୁର ଥାନାରେ ଅଭିଯୋଗ କରିଛନ୍ତି । ମୋବାଇଲର ମୂଲ୍ୟ ୧ ଲକ୍ଷ ୬୦ ହଜାର ଟଙ୍କା ବୋଲି ଜଣା ପଡ଼ିଛି ।
ଗତ ମାସ ୧୯ ତାରିଖରେ ଦାଦା ନିଜ ଘରେ ପୂର୍ବାହ୍ନ ୧୧ଟା ୩୦ ମିନିଟରେ ଶେଷ ଥର ନିଜ ଫୋନ ବ୍ୟବହାର କରିଥିଲେ । କିନ୍ତୁ ତା’ ପରେ ଆଉ ମିଳିନଥିଲା । ମୋବାଇଲରେ ବ୍ୟାଙ୍କ ଖାତା ଓ ବ୍ୟକ୍ତିଗତ ତଥ୍ୟ ସାଙ୍ଗକୁ ଫୋନ ନମ୍ବର ରହିଛି । ତେଣୁ ଦାଦା ପୁଲିସକୁ ତାଙ୍କ ଫୋନ ଖୋଜି ଆଣିଦେବାକୁ ଅଭିଯୋଗରେ ଅନୁରୋଧ କରିଛନ୍ତି ।