ଜୟପୁର, ୦୫/୧୨: ଆର୍ଟିଫିସିଆଲ୍ ଇଣ୍ଟେଲିଜେନ୍ସ(AI)ର ବ୍ୟବହାର ଆମ ଜୀବନ ଯାତ୍ରାକୁ ସହଜ କରିଛି । ମଣିଷ ଘଣ୍ଟା ଘଣ୍ଟା ଧରି କରୁଥିବା କାମକୁ ଏଆଇ ମାତ୍ରେ କେଇ ସେକେଣ୍ଡରେ କରି ପାରୁଛି । ଦୁନିଆରେ ଚାଟଜିପିଟିର ଲଞ୍ଚିଂ ପରେ ଏହାକୁ ଅନେକ ସ୍ୱାଗତ କରୁଥିବା ବେଳେ ଅନେକ ବିରୋଧ ବି କରୁଛନ୍ତି ।

ତେବେ ମଣିଷ ସମାଜରେ କିଭଳି ଚଳିବ, ସେଥିପାଇଁ କଣ ରହିବ ନିୟମ କାନୁନ । ଉଲ୍ଲଂଘନ କଲେ କଣ ଜରିମାନା କରାଯିବ । ଏସବୁ ନିଷ୍ପତ୍ତି ମଧ୍ୟ ଏଆଇ ନେବା ଆରମ୍ଭ କଲାଣି । ବିଶ୍ୱର ପ୍ରଥମ ଦେଶ ଭାବେ ବ୍ରାଜିଲରେ ଏଆଇ ଲେଖିଥିବା ବିଧେୟକକୁ ପାରିତ କରାଯାଇଛି । ବ୍ରାଜିଲର ପୋର୍ଟୋ ଆଲେଗ୍ରେ ସହରରେ ଏଆଇ ଲେଖିଥିବା ବିଧେୟ ଆଇନରେ ପରିଣତ ହୋଇଛି ।

କରଣୀ ସେନା ଅଧ୍ୟକ୍ଷ ସୁଖଦେବ ସିଂହଙ୍କୁ ଘରେ ପଶି ଗୁଳି କରି ହତ୍ୟା, ‘ଜଙ୍ଗଲରାଜ ଆରମ୍ଭ’ କହି ଘେରିଲା କଂଗ୍ରେସ

ସହରର କାଉନସିଲ୍ ମେମ୍ବର ରାମିରୋ ରୋସାରିଓ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ବ୍ୟବହାରର ସମର୍ଥନ କରିଛନ୍ତି । ବ୍ରାଜିଲରେ ମାତ୍ର ୧୫ ସେକେଣ୍ଡରେ ଏଆଇ ଉପଯୋଗରେ ପାଣି ମିଟର ନେଇ ଆଇନ୍ ଲେଖା ଯାଇଛି । ଦୀର୍ଘଦିନରୁ ପଡ଼ି ରହିଥିବା ଏହି ମାମଲାରେ ବାସ୍ତବ ଓ ଉପଯୋଗୀ ପରାମର୍ଶ ଦେଇଛି ଏଆଇ । ଯାହାକୁ ନେଇ ସମସ୍ତେ ପ୍ରଭାବିତ ହେବା ସହ ଚକିତ ହୋଇ ଯାଇଛନ୍ତି ।

ଦୀର୍ଘ ଦିନରୁ ପଡ଼ି ରହିଥିବା ମାମଲାରେ ଏଆଇ ଦ୍ୱାରା ପ୍ରସ୍ତୁତ ବିଲକୁ କାଉନସିଲରେ ପାରିତ କରାଯାଇଛି । ଏଆଇ ଲେଖିଥିବା ବିଲରେ ଚୋରି ହୋଇଥିବା ସମସ୍ତ ପାଣି ମିଟରକୁ ୩୦ ଦିନ ମଧ୍ୟରେ ପୁନଃ ସ୍ଥାପିତ କରିବାକୁ ସମୟ ସୀମା ଧାର୍ଯ୍ୟ ହୋଇଛି । ଏଥିସହ ଚୋରି ହୋଇଥିବା ମିଟର ସ୍ଥାନରେ ନୂଆ ମିଟର ସ୍ଥାପନ ବେଳେ ଘର ମାଲିକଙ୍କୁ ରିହାତି ଦେବାକୁ କୁହାଯାଇଛି ।

ପୁଣି ଚର୍ଚ୍ଚାରେ ବାହାନଗା ରେଳ ଷ୍ଟେସନ : ଦୁର୍ଘଟଣାଗ୍ରସ୍ତ ଟ୍ରେନ ବଗି କାଟିବାକୁ ଆସି ଶ୍ରମିକ ନିଖୋଜ

ତେବେ ଏଆଇ ଲେଖିଥିବା ଏହି ବିଲର ଖୁଲାସା ଆଇନ୍ ପ୍ରଣୟନ ହେବା ପରେ ହୋଇଛି । ଅନେକ ଦିନରୁ ଆଇନ୍ ପ୍ରଣୟନ କ୍ଷେତ୍ରରେ ଏଆଇର ବ୍ୟବହାରକୁ ନେଇ ବିଶ୍ୱରେ ଚର୍ଚ୍ଚା ହେଉଥିବା ବେଳେ ବ୍ରାଜିଲରେ ଏହାକୁ ସ୍ୱୀକାର କରାଯାଇଛି ।