ମୁମ୍ବାଇ,୧୦/୦୯: ଦୀର୍ଘ ୧୫ ବର୍ଷ ପରେ ତାମିଲ ଅଭିନେତା ଜୟାମ ରବି  ପତ୍ନୀ ଆରତୀଙ୍କୁ ଦେଲେ ଛାଡ଼ପତ୍ର। ତେବେ ଏ ସମ୍ପର୍କରେ ନିଜେ ରବି ସୋଲିଆଲ ମିଡିଆରେ ସୂଚନା ଦେଇଛନ୍ତି। ସେ ତାମିଲ ଓ ଇଂରାଜୀରେ ବିବୃତି ଜାରି କରି ଆରତୀଙ୍କ ସହ  ବିବାହରେ ପୂର୍ଣ୍ଣଚ୍ଛେଦ  କାଇଥିବା ସେ କହିଛନ୍ତି। ସବୁ କିଛିକୁ ବୁଝି ବିଚାରି ସେ ଏପରି ନିଷ୍ପତ୍ତି ନେଇଥିବା ବିବୃତିରେ ଉଲ୍ଲେଖ କରିଛନ୍ତି। ଏପରି କଷ୍ଟକର ସମୟରେ ସେ ଗୋପନୀୟତାକୁ ସୁରକ୍ଷା ଦେବାକୁ ଅନୁରୋଧ କରିଛନ୍ତି।

ସୂଚନା ମୁତାବକ, କିଛି ମାସ ତଳୁ ରବି ଓ ଆରତୀଙ୍କ ବିବାହ ବିଚ୍ଛେଦକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା। ଏହି ଚର୍ଚ୍ଚା ଭିତରେ ଆରତୀ ନିଜ ଇନଷ୍ଟାଗ୍ରାମରୁ ରବିଙ୍କର ସମସ୍ତ ଫଟୋକୁ ଡିଲିଟ କରି ଦେଇଥିଲେ। ସେବେଠାରୁ ଲାଗି ରହିଥିବା ଚର୍ଚ୍ଚା ଏବେ ସତ ପ୍ରମାଣିତ ହୋଇଛି। ଅଲଗା ହୋଇଛନ୍ତି ରବି ଓ ଆରତୀ । ଏନେଇ ରବି ସୋସିଆଲ ମିଡିଆ ଏକ୍ସରେ ପୋଷ୍ଟ କରିଥିବା ବିବାହ ବିଚ୍ଛେଦ ସମ୍ପର୍କିତ ବିବୃତି ଶୀର୍ଷରେ ଲେଖିଛନ୍ତି ଯେ, ଆପଣମାନଙ୍କ ଭଲ ପାଇବା ଓ ବୁଝିବାର ଶକ୍ତି ପାଇଁ କୃତଜ୍ଞ।” ଆରତୀ ଓ ରବି ୧୫ ବର୍ଷ ତଳେ ବିବାହ କରିଥିଲେ। ୨୦୦୯ ରେ ଉଭୟ ପରସ୍ପରର ହାତ ଧରିଥିଲେ। ସେମାନଙ୍କର ଦୁଇଟି ପୁତ୍ର ସନ୍ତାନ ମଧ୍ୟ ରହିଛନ୍ତି । ହେଲେ ଏବେ ରବି ଓ ଆରତୀ ବ୍ୟକ୍ତିଗତ କାରଣରୁ ଅଲଗା ହୋଇଛନ୍ତି। ପ୍ରକାଶ ଥାଉକି,'ପୋନିୟିନ୍ ସେଲଭାନ୍' ତାରକା ରବି ତାମିଲ ସିନେମାର ଜଣେ ଲୋକପ୍ରିୟ ଅଭିନେତା।