ନୂଆଦିଲ୍ଲୀ,୦୩/୦୭: ଇଣ୍ଡୋନେସିଆର ବାଲି ଦ୍ୱୀପରେ ବଡ଼ ଅଘଟଣ ଘଟିଛି । ୬୫ ଜଣଙ୍କୁ ନେଇ ଯାଉଥିବା ଏକ ଡଙ୍ଗା ବୁଡ଼ି ଯାଇଛି । ଏଥିରେ ୪ ଜଣଙ୍କର ମୃତ୍ୟୁ ହୋଇଛି । ୨୩ ଜଣଙ୍କୁ ଉଦ୍ଧାର କରାଯାଇଛି । ନୌକାରେ ୧୨ କ୍ରିଉ ସଦସ୍ୟ, ୫୩ ଯାତ୍ରୀଙ୍କ ସମେତ ମୋଟ ୬୫ ଜଣ ଥିଲେ । ଡଙ୍ଗାରେ ୧୪ ଟ୍ରକକୁ ମିଶାଇ ୨୨ଟି ଗାଡ଼ିଥିଲା ।
ସମସ୍ତେ ଛୁଟି ମନାଇବାକୁ ଯାଉଥିବା ବେଳେ ଅଘଟଣ ଘଟିଛି । ଇଣ୍ଡୋନେସିଆର ରିସର୍ଟ ଦ୍ବୀପ ବାଲି ନିକଟରେ ୬୫ ଲୋକଙ୍କୁ ନେଇ ଯାଉଥିବା ଏକ ଡ଼ଙ୍ଗା ବୁଡି଼ ୪ ଜଣଙ୍କର ମୃତ୍ୟୁ ହୋଇଛି । ଏଥିରେ ୪ଜଣଙ୍କର ମୃତ୍ୟୁ ହୋଇଛି । ୨୩ ଜଣଙ୍କୁ ଉଦ୍ଧାର କରାଯାଇଛି । ଅନେକ ନିଖୋଜ ଅଛନ୍ତି । ଉଦ୍ଧାରକାର୍ଯ୍ୟ ଜାରି ରହିଛି । ମୃତସଂଖ୍ୟା ବଢିବା ଆଶଙ୍କା କରାଯାଉଛି । ବୁଧବାର ବିଳମ୍ବିତ ରାତିଯାଏ ଉଦ୍ଧାର କାର୍ଯ୍ୟ ଜାରି ରହିଥିଲା ।
୪ ମୃତ, ୨୩ ସୁରକ୍ଷିତ ଉଦ୍ଧାର- ଜାତୀୟ ସନ୍ଧାର ଏବଂ ଉଦ୍ଧାର ସଂସ୍ଥାର ଏକ ବିବୃତ୍ତିରେ କୁହାଯାଇଛି କି, ବୁଧବାର ବିଳମ୍ବିତ ରାତିରେ ପୂର୍ବ ଜାଭାର କେତାପାଙ୍ଗ ବନ୍ଦର ଛାଡିବାର ପ୍ରାୟ ଅଧ ଘଣ୍ଟା ପରେ କେଏମପି ଟୁନୁ ପ୍ରାତାମା ଜୟା ବୁଡ଼ି ଯାଇଥିଲା । ଏହା ୫୦ କିଲୋମିଟର ଦୂର ବାଲିର ଗିଲିମାନୁକ୍ ବନ୍ଦରକୁ ଯାଉଥିଲା । ଡଙ୍ଗାରେ ୧୨ କ୍ରୁ ସଦସ୍ୟଙ୍କ ସମେତ ୫୩ ଯାତ୍ରୀ ଥିଲେ । ୧୪ ଟ୍ରକ ସମେତ ୨୨ ଯାନବାହାନ ଥିଲା । ୪ ମୃତ୍ୟୁ ହୋଇଥିବା ବେଳେ ୨୩ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ୩୮ଜଣଙ୍କୁ ଉଦ୍ଧାରକାର୍ଯ୍ୟ ଜାରି ରହିଛି ।
ଲାଇଫ୍ବୋଟରେ ଜୀବନ ବଞ୍ଚାଗଲା- ଲୋକଙ୍କୁ ଉଦ୍ଧାରକରିବାକୁ ତୁରନ୍ତ ଟିମ୍ ଓ ଉଦ୍ଧାରକାରୀ ବୋଟ୍ ଘଟଣାସ୍ଥଳରେ ପହଞ୍ଚିଥିଲେ । କିଛି ଲୋକ ଲାଇଫ୍ବୋଟ ଜରିଆରେ ନିଜକୁ ରକ୍ଷା କରିଥିଲେ । ଇଣ୍ଡୋନେସିଆରେ ଡଙ୍ଗାବୁଡି ଘଟଣା ସାଧାରଣ ନୁହେଁ । ୧୭,୦୦୦ରୁ ଅଧିକ ଦ୍ବୀପ ଏକ ଦ୍ବୀପପଞ୍ଜ । ପରିବହନ ଅଧିକାଂଶ ଡଙ୍ଗା ଦ୍ବାରା ହୋଇଥାଏ । ଅନେକ ସମୟରେ ସୁରକ୍ଷା ନିୟମରେ ତ୍ରୁଟି ଦୁର୍ଘଟଣାର କାରଣ ପାଲଟିଥାଏ ।
