ବ୍ରିଜ୍‌ଟାଉନ,୩୦/୦୬: ଦକ୍ଷିଣ ଆଫ୍ରିକା ବିପକ୍ଷ ଫାଇନାଲ୍‌ ମୁକାବିଲାରେ ଟସ୍‌ ପଡ଼ିବା ସହ ଟିମ୍‌ ଇଣ୍ଡିଆ ଉପଅଧିନାୟକ ହାର୍ଦ୍ଦିକ  ପାଣ୍ଡ୍ୟାଙ୍କ ନାମରେ ଏକ ରେକର୍ଡ଼ ଯୋଡ଼ି ହୋଇଥିଲା । ସେ ବିରାଟ କୋହଲି ଓ ରୋହିତ ଶର୍ମାଙ୍କ ପରେ ତୃତୀୟ ଭାରତୀୟ ଭାବେ ୧୦୦ ଟି-ଟ୍ୱେଣ୍ଟି ମ୍ୟାଚ୍‌ ଖେଳିବାର ଗୌରବ ଲାଭ କରିଥିଲେ । ଟିମ୍‌ ଇଣ୍ଡିଆ ଅଧିନାୟକ ରୋହିତ  ସର୍ବାଧିକ ୧୫୯ଟି ମ୍ୟାଚ୍‌ ଖେଳିଥିବାବେଳେ କୋହଲି ୧୨୫ଟି ମ୍ୟାଚ୍‌ ସହ ଦ୍ୱିତୀୟରେ ରହିଛନ୍ତି । ପାଣ୍ଡ୍ୟା ୨୦୧୬  ଜାନୁଆରୀ ୨୬ ତାରିଖରେ ଘରୋଇ ଅଷ୍ଟ୍ରେଲିଆ ବିପକ୍ଷରେ  ଟି-ଟ୍ୱେଣ୍ଟି ପଦାର୍ପଣ କରିଥିଲେ । ଏହାପରଠୁ ସେ ଦଳର  ନିୟମିତ ସଦସ୍ୟ ରହିଛନ୍ତି । ଇତିମଧ୍ୟରେ ସେ ୧୦୦ଟି  ମ୍ୟାଚ୍‌ ଖେଳି ୧୪୯୨ (୪ ଅର୍ଦ୍ଧଶତକ) ରନ୍‌ ସଂଗ୍ରହ କରି  ସାରିଲେଣି । ଦ.ଆଫ୍ରିକା ବିପକ୍ଷ ଫାଇନାଲ୍‌ ମ୍ୟାଚ୍‌କୁ ଛାଡ଼ି  ସେ ୯୯ଟି ମ୍ୟାଚ୍‌ରୁ ୮୧ଟି ୱିକେଟ୍‌ ଅକ୍ତିଆର କରିଛନ୍ତି ।