ୱାଶିଂଟନ : କୋଟିପତି ବ୍ୟବସାୟୀ ତଥା ଏକ୍ସ ମାଲିକ ଏଲନ ମସ୍କ ଏବେ ପୁଣି ଚର୍ଚ୍ଚାକୁ ଆସିଛନ୍ତି। ସେ ନିଜର ସୋସିଆଲ ମିଡ଼ିଆ ପ୍ଲାଟଫର୍ମକୁ ‘ଏକ୍ସ’ ବଦଳରେ ‘ଟ୍ୱିଟର’ କହିବା ପରେ, ଖୁବ୍ ଟ୍ରୋଲିଂ ହୋଇଛନ୍ତି। କାରଣ ରିବ୍ରାଣ୍ଡିଙ୍ଗ ସତ୍ତ୍ୱେ ବ୍ୟବହାରକାରୀ ଏବଂ ଏମିତି କି ମସ୍କ ନିଜେ ମଧ୍ୟ ପୁରୁଣା ନାଁକୁ କହିବା ଜାରି ରଖିଛନ୍ତି, ଯେଉଁଥିରେ ଏହି ପଦକ୍ଷେପର ସଫଳତା ଉପରେ ଉଠିଛି ପ୍ରଶ୍ନବାଚୀ।
ଏଲନ ମସ୍କଙ୍କ ଦ୍ୱାରା କରାଯାଇ ଥିବା ଏକ୍ସ ପୋଷ୍ଟରୁ ଏମିତି ଲାଗୁଛି କି, ଏକ୍ସର ମାଲିକ ଏହା ମଧ୍ୟ ଭୁଲି ଯାଇଛନ୍ତି କି, ତାଙ୍କର ୱେବସାଇଟ୍ର ନାଁ ବଦଳି ଯାଇଛି। ଏଲନ ମସ୍କଙ୍କ ଦ୍ୱାରା ଏକ୍ସରେ କରାଯାଇ ଥିବା ପୋଷ୍ଟରେ ମସ୍କ ନିଜେ ସୋସିଆଲ ମିଡ଼ିଆ ନେଟୱର୍କକୁ ଟ୍ୱିଟର ଭାବେ କହିଛନ୍ତି।
କହି ରଖୁଛୁ କି, ଟେସଲାର ଏହି କୋଟିପତି ସିଇଓ ନିକଟରେ ବ୍ରାଜିଲ୍ରେ ଏକ୍ସ ଉପରେ ବ୍ୟାନ ଲଗା ଯିବାକୁ ଥଟ୍ଟା କରି ଏକ ପୋଷ୍ଟ କରିଥିଲେ। ଏଥିରେ ସେ ଏହାକୁ ଏକ୍ସ ବଦଳରେ ଟ୍ୱିଟର କହିଥିଲେ। ଏଥିରେ ଜଣେ ବ୍ୟକ୍ତି ପ୍ରଚୁର ନୋଟ୍ ଉପରେ ଶୋଇଛନ୍ତି। ପୋଷ୍ଟର କ୍ୟାପସନ ଅଛି – “ ପିଓଭି : ବ୍ରାଜିଲ୍ର ଟ୍ୱିଟର ଉପରେ ପ୍ରତିବନ୍ଧକ ଲଗାଇବା ପରେ ଭିପିଏନ କମ୍ପାନିମାନେ ।
“ସୋସିଆଲ ମିଡ଼ିଆ ବ୍ୟବହାରକାରୀ ମାନେ ତୁରନ୍ତ ମସ୍କଙ୍କ ଦ୍ୱାରା ଏକ୍ସର ସ୍ଥାନରେ ଟ୍ୱିଟରର ବ୍ୟବହାର କରିବାକୁ ନେଇ ଅଭିଯୋଗ କରିଛନ୍ତି। ଅନେକ ଲୋକ ଏହାକୁ ଏକ ବଡ଼ ଭୁଲ୍ ଭାବେ ଦର୍ଶାଇଛନ୍ତି। ଆଉ କିଛି ଲୋକ ତାଙ୍କର ନିଷ୍ପତ୍ତିକୁ ଦୁନିଆର ସବୁଠୁ ବଡ଼ ରିବ୍ରାଣ୍ଡିଂ ବିଫଳତା କହିଛନ୍ତି। ତାଙ୍କର ପୋଷ୍ଟକୁ ୬୨ ମିଲିୟନରୁ ଅଧିକ ଥର ଦେଖା ଯାଇଛି ଏବଂ ହଜାର ହଜାର ଲୋକ ଏଲନ୍ ମସ୍କଙ୍କ ପୋଷ୍ଟକୁ ଟ୍ରୋଲିଂ କରୁଛନ୍ତି। ଜଣେ ୟୁଜର ଲେଖିଛନ୍ତି , ରିବ୍ରାଣ୍ଡିଂ ଏତେ ଭଲ ଚାଲିଛି ଯେ, ସିଇଓ ମଧ୍ୟ ଏହାକୁ ଏବେ ବି ଟ୍ୱିଟର କହୁଛନ୍ତି।
ଉଲ୍ଲେଖନୀୟ ଯେ, କୋଟିପତି ଏଲନ ମସ୍କ ଅକ୍ଟୋବର ୨୦୨୨ରେ ୪୪ ବିଲିୟନ ଡଲାରର ଚୁକ୍ତିରେ ଟ୍ୱିଟରର ଅଧିଗ୍ରହଣ କରିଥିଲେ ଏବଂ କିଛି ହିଁ ମାସ ପରେ ଏକ ବିବାଦସ୍ପଦ ପଦକ୍ଷେପ ନେବା ସ୍ୱରୂପ ଏହାକୁ ଏକ୍ସ ନାଁ ଦେଇ ଥିଲେ। ଯାହାକୁ ସେହି ସମୟରେ ଖୁବ୍ ନାପସନ୍ଦ କରାଯାଇ ଥିବାର ଦେଖିବାକୁ ମିଳିଥିଲା। ରିପୋର୍ଟ ଅନୁସାରେ , ରିବ୍ରାଣ୍ଡିଂ ପ୍ଲାଟଫର୍ମର ବଜାର ମୂଲ୍ୟର ବିଲିୟନ ବିଲିୟନ ଡଲାର ହରାଇ ଦେଇଥିଲା।
— Elon Musk (@elonmusk) September 1, 2024
କହି ରଖୁଛୁ କି ପାଖାପାଖି ବର୍ଷେ ପରେ ମଧ୍ୟ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସକୁ ଏବେ ବି ଅଧିକାଂଶ ପୁରୁଣା ୟୁଜର ଟ୍ୱିଟର ହିଁ କହୁଛନ୍ତି। ଅଧିକାଂଶ ନ୍ୟୁଜ୍ ୱେବସାଇଟ୍ , ଯେବେ ଏକ୍ସ କୁହନ୍ତି ତ ସେ ଏକ୍ସ ସହ ‘ପ୍ରଥମେ ଟ୍ୱିଟର’ ର ମଧ୍ୟ ଦର୍ଶାଇଥାନ୍ତି। ଏଲନ ମସ୍କ ଚଳିତ ବର୍ଷ ମେ ମାସରେ ୱେବସାଇଟ୍ ୟୁଆରଏଲକୁ ଟ୍ୱିଟର ଡଟ୍ କମ୍ରୁ ଏକ୍ସ ଡଟ୍ କମ୍ରେ ସ୍ଥାନାନ୍ତରିତ କରିଛନ୍ତି।
