ଓ୍ବାଶିଂଟନ୍, ୦୬/୦୯: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସମର୍ଥକୁ ଝଟ୍କା ଲାଗିଛି । କ୍ୟାପିଟଲ୍ ହିଲ୍ ହିଂସା ମାମଲାରେ ଜଣେ ଟ୍ରମ୍ପଙ୍କ ସମର୍ଥକଙ୍କୁ ୨୨ ବର୍ଷ ଜେଲ୍ ହୋଇଛି । ଟ୍ରମ୍ପଙ୍କ ଏହି ସମର୍ଥକ ହେଉଛନ୍ତି ଏନରିକ୍ ଟୋରିଓ । ଯିଏ ଦକ୍ଷିଣପନ୍ଥୀ ସଂଗଠନ ପ୍ରାଉଡ ବୟଜର ମୁଖ୍ୟ ଥିଲେ। ୨୦୨୧ ଜାନୁଆରୀ ୬ରେ କ୍ୟାପିଟଲ ହିଲ୍ରେ ହିଂସା ଭିଆଇବା ଲାଗି ଏନରିକଙ୍କ ବିରୋଧରେ ରାଜଦ୍ରୋହ ମାମଲା ରୁଜୁ ହୋଇଥିଲା ।
କ୍ୟାପିଟଲ ହିଲ୍ ହିଂସା ମାମଲାରେ ଏହା ସର୍ବାଧିକ ଦଣ୍ଡାଦେଶ । ଏହି ମାମଲାରେ ୧୧୦୦ରୁ ଅଧିକ ଟ୍ରମ୍ପ ସମର୍ଥକ ଫସିଛନ୍ତି । ଗତ ସପ୍ତାହରେ ଏନରିକଙ୍କ ବନ୍ଧୁ ଏଥେନ ନାର୍ଡିନଙ୍କୁ ୧୮ ବର୍ଷ ଜେଲ ଦଣ୍ଡାଦେଶ ମିଳିଛି । ଓ୍ବାଶିଂଟନର ଜିଲ୍ଲା ଜଜ୍ ୩ ଘଣ୍ଟାର ଶୁଣାଣି ପରେ ଏନରିକଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ପ୍ରାଉଡ ଭଏସ୍ ସହ ଜଡ଼ିତ ୫ ଜଣଙ୍କୁ ଜେଲ ପଠାଇସାରିଛନ୍ତି କୋର୍ଟ । ଏନରିକ୍ ଏବଂ ଏଥେନଙ୍କ ବ୍ୟତୀତ ଅନ୍ୟ ୩ ଜଣଙ୍କୁ ୧୦ରୁ ୧୭ ବର୍ଷ ଜେଲ ଦଣ୍ଡାଦେଶ ହୋଇଛି ।
ସୂଚନାଯୋଗ୍ୟ, ୨୦୨୦ରେ ରାଷ୍ଟ୍ରପତି ନିର୍ବାଚନରେ ପରାଜୟବରଣ କରିଥିଲେ ଡୋନାଲ୍ଡ ଟ୍ରମ୍ପ । ଟ୍ରମ୍ପଙ୍କ ପରାଜୟକୁ ବିରୋଧ କରି ତାଙ୍କ ସମର୍ଥକମାନେ କ୍ୟାପିଟଲ ହିଲକୁ ଘରିନେଇଥିଲେ । କ୍ୟାପିଟଲ ହିଲରେ ପଶି ହିଂସାକାଣ୍ଡ ଭିଆଇଥିଲେ ଟ୍ରମ୍ପଙ୍କ ସମର୍ଥକ । କ୍ୟାପିଟଲ ହିଲ୍ ହିଂସା ମାମଲାରେ ଏଫବିଆଇ ତଦନ୍ତ କରୁଥିଲା । ପ୍ରାଉଡ୍ ବୟଜର ସଦସ୍ୟ ଏହି ହିଂସାରେ ପ୍ରମୁଖ ଭୂମିକା ଗ୍ରହଣ କରିଥିଲେ ।
You can also read: ଗଣେଶ ଚତୁର୍ଥୀ ଶୁଭ ମୁହୂର୍ତ୍ତରେ ହେବ ନୂତନ ସଂସଦ ଭବନର ଉଦଘାଟନ ଅଧିବେଶନ, ଦୁଇଟି ଗୁରୁତ୍ୱପୂର୍ଣ୍ଣ ବିଲ୍ ଆଣିପାରନ୍ତି ସରକାର...