ୱାଂଶିଟନ୍, ୧୫/୦୯: ଦୁନିଆରେ ଅନେକ ଲୋକ ଅଛନ୍ତି, ଯେଉଁ ମାନେ ଅଙ୍ଗ ଦାନର ଅପେକ୍ଷା କରି କରି ପ୍ରାଣ ପଳାଉଛି । ଅନେକ ସମୟରେ ଆବଶ୍ୟକତା ଅନୁସାରେ ଅଙ୍ଗ ନ ମିଳିବାରୁ ଅନେକଙ୍କ ମୃତ୍ୟୁ ହେଉଛି । ମଣିଷ ଶରୀରର ଅଙ୍ଗ ସହଜରେ ଉପଲବ୍ଧ ହେଉ ନଥିବା ବେଳେ ଏବେ ଏହି ସମସ୍ୟାରୁ ମୁକ୍ତି ପାଇବା ଲାଗି ଜୀବଜନ୍ତୁଙ୍କ ଅଙ୍ଗକୁ ମଣିଷ ଶରୀରରେ ପ୍ରତିରୋପଣ କରିବା ଲାଗି ପ୍ରୟାସ ହେଉଛି ।
ଡାକ୍ତରଙ୍କ ଏହି ପ୍ରୟାସକୁ ସଫଳତା ମଧ୍ୟ ମିଳିଛି । ଫ୍ରାନ୍ସ ପ୍ରେସ୍ ଖବର ଅନୁସାରେ, ନିକଟରେ ଆମେରିକାର ଡାକ୍ତର ଘୁଷୁରି କିଡନୀକୁ ମଣିଷ ଶରୀରରେ ପ୍ରତିରୋପଣ କରିଥିବା ବେଳେ ସଫଳତା ମିଳିଛି । ଡାକ୍ତରଙ୍କ କହିବା ଅନୁସାରେ, ମଣିଷ ଶରୀରରେ ପ୍ରତିରୋପଣ କରାଯାଇଥିବା ଘୁଷୁରୀ କିଡନୀ ୩୨ ଦିନ ଯାଏ ଠିକ୍ ଭାବେ କାମ କରିଛି ।
ଜଣେ ବ୍ରେନ୍ ଡେଡ୍ ଘୋଷିତ ବ୍ୟକ୍ତିଙ୍କ ଶରୀରରେ ଆମେରିକୀୟ ଡାକ୍ତର ଘୁଷୁରୀ କିଡନିକୁ ତାଙ୍କ ଜିନରେ ପରିବର୍ତ୍ତନ କରି ପ୍ରତ୍ୟାରୋପଣ କରିଥିଲେ । ୬୧ ଦିନ ପରେ ପ୍ରୟୋଗ ପରେ ମାନବ ଶରୀରରେ ଘୁଷୁରି କିଡନି ଠିକ୍ ଭାବେ କାମ କରୁଥିବା କହିଛନ୍ତି ଡାକ୍ତର । ଏହି ସଫଳତା ପରେ ଡାକ୍ତରଙ୍କ ବିଶ୍ୱାସ ଜୋନୋଟ୍ରାନ୍ସପ୍ଲାଣ୍ଟ ଉପରେ ବଢ଼ିଛି । କୌଣସି ଜନ୍ତୁଙ୍କୁ ଅଙ୍ଗ ମଣିଷ ଶରୀରରେ ପ୍ରତ୍ୟାରୋପଣ ହେଲେ ତାହାକୁ ଜୋନୋଟ୍ରାନ୍ସପ୍ଲାଣ୍ଟ କୁହାଯାଇଥାଏ ।
ଜୁଲାଇ ମାସରେ ହୋଇଥିବା ଅସ୍ତ୍ରୋପଚାରରେ ନ୍ୟୁୟର୍କ ବିଶ୍ୱବିଦ୍ୟାଳୟର ଲ୍ୟାଙ୍ଗୋନ୍ ଟ୍ରାନ୍ସପ୍ଲାଣ୍ଟ ଇନଷ୍ଟିଚ୍ୟୁଟର ନିର୍ଦ୍ଦେଶକ ରବର୍ଟ ମୋଣ୍ଟେମରି କହିଛନ୍ତି, ବିଗତ ୨ ମାସ ହେଲା ସେ ବିଶ୍ଳେଷଣରୁ ବହୁତ କିଛି ଶିଖିଛନ୍ତି । ଡାକ୍ତରୀ ଦଳର ଏହା ପଞ୍ଚମ ଜୋନୋଟ୍ରାନ୍ସପ୍ଲାଣ୍ଟ ହୋଇଥିବା ବେଳେ ୨୦୨୧ ସେପ୍ଟେମ୍ବରରେ ପ୍ରଥମ ଅସ୍ତ୍ରୋପଚାର କରିଥିଲେ ।
ଘର କାମ କରିବା ଉଭୟ ସ୍ୱାମୀ-ସ୍ତ୍ରୀଙ୍କ ସମାନ ଦାୟିତ୍ୱ: ବମ୍ବେ ହାଇକୋର୍ଟଙ୍କ ରାୟ
ଏହା ପୂର୍ବରୁ ୨୦୨୨ ଜାନୁଆରୀରେ ୟୁନିଭରସିଟି ଅଫ୍ ମେରିଲ୍ୟାଣ୍ଡ ମେଡିକାଲ୍ ଅଫ୍ ସ୍କୁଲର ଡାକ୍ତର ଜଣେ ଜୀବନ୍ତ ବ୍ୟକ୍ତିଙ୍କ ଠାରେ ଘୁଷୁରୀର ଅଙ୍ଗ ଆଣି ପ୍ରଥମଥର ପାଇଁ ପ୍ରତିରୋପଣ କରିଥିଲେ । ସେତେବେଳେ ହୃତପିଣ୍ଡ ପ୍ରତିରୋପଣ କରାଯାଇଥିଲା । ତେବେ ପ୍ରତିରୋପଣର ୨ ମାସ ପରେ ବ୍ୟକ୍ତି ଜଣଙ୍କଙ୍କ ମୃତ୍ୟୁ ହୋଇଥିଲା । ମୃତ୍ୟୁର କାରଣ ପୋର୍ସିନ୍ ସାଇଟୋମେଗାଲୋଭାଇରସ୍ ବୋଲି ଜଣାପଡ଼ିଥିଲା ।
