ମୁଜଫରପୁର, ୧୪/୦୯: ସ୍କୁଲ୍ ଛୁଆଙ୍କୁ ନେଇ ଡଙ୍ଗା ଯାଉଥିବା ବେଳେ ବଡ଼ ଅଘଟଣ ଘଟିଛି । ବିହାରର ମୁଜଫରପୁରର ବାଗମତୀ ନଦୀରେ ଓଲଟି ପଡ଼ିଛି ଡଙ୍ଗା । ଡଙ୍ଗାରେ ପ୍ରାୟ ୩୦ ଜଣ ଛାତ୍ରଛାତ୍ରୀ ଥିଲେ । ସ୍ଥାନୀୟ ଲୋକ ୨୦ ଜଣଙ୍କୁ ଉଦ୍ଧାର କରିଥିବା ବେଳେ ଆଉ ୧୦ ଜଣଙ୍କୁ ଉଦ୍ଧାର ପାଇଁ ସର୍ଚ୍ଚ ଅପରେସନ୍ ଜାରି ରହିଛି ।
ବାଗମତି ନଦୀର ମଧୁରପଟ୍ଟି ଘାଟରେ ଏହି ଅଘଟଣ ଘଟିଛି । ଗୁରୁବାର ସକାଳେ ଏକ ଡଙ୍ଗାରେ ପ୍ରାୟ ୩୦ ଛାତ୍ରଛାତ୍ରୀ ସ୍କୁଲ୍ ଯାଉଥିଲେ । ଡଙ୍ଗା ଓଲଟିବା ପରେ ସ୍ଥାନୀୟ ଲୋକଙ୍କ ସହ ଏନଡିଆରଏଫ୍ ଉଦ୍ଧାର କାର୍ଯ୍ୟରେ ଲାଗିଛି । ନଦୀ ଆରପଟେ ଥିବା ବିଦ୍ୟାଳୟକୁ ଡଙ୍ଗାରେ ଛାତ୍ରଛାତ୍ରୀ ପ୍ରତିଦିନ ଏଭଳି ଯିବା ଆସିବା କରନ୍ତି ।
ଇନ୍ଧନ ଭରିବା ପରେ ଟଙ୍କା ଦେଇ ପାରିଲାନି ପାକିସ୍ତାନ, ବିମାନ ରଖିଦେଲା ସାଉଦି ଆରବ
ଘଟଣାସ୍ଥଳରେ ଭିଡ଼ ଲାଗି ରହିଥିବା ବେଳେ ଅନେକ ଛାତ୍ରଛାତ୍ରୀଙ୍କୁ ଅଚେତ୍ ଅବସ୍ଥାରେ ଉଦ୍ଧାର କରାଯାଇଛି । ପ୍ରଭାବିତ ପରିବାରକୁ ତୁରନ୍ତ ସହାୟତା ଦେବା ଲାଗି ବିହାର ମୁଖ୍ୟମନ୍ତ୍ରୀ ନୀତିଶ କୁମାର ନିର୍ଦ୍ଦେଶ ଦେଇଛନ୍ତି । ସ୍ଥାନୀୟ ଲୋକଙ୍କ ଅନୁସାରେ, ଅଧିକ ପବନ ଯୋଗୁଁ ଡଙ୍ଗା ଓଲଟି ଯାଇଥିଲା ।
ତେବେ ସ୍ଥାନୀୟ ଏସଡିଓଙ୍କ ଅନୁସାରେ, ଡଙ୍ଗାରେ ସ୍କୁଲ୍ ଛୁଆଙ୍କ ସହ ଅନ୍ୟ ଲୋକ ଥିଲେ । ମହିଳା ଓ ବୟସ୍କ ମଧ୍ୟ ଡଙ୍ଗା ଓଲଟିବାରୁ ବୁଡ଼ି ଯାଇଛନ୍ତି । ଉକ୍ତ ସ୍ଥାନରେ ବ୍ରିଜ୍ ନିର୍ମାଣ ପାଇଁ ଲୋକେ ଅନେକ ଦିନରୁ ଦାବି କରି ଆସୁଛନ୍ତି ।
ଦେଶର ୧୦ ରାଜ୍ୟରେ ‘ନିପା’ ସଂକ୍ରମଣ, ଗ୍ରାଉଣ୍ଡ ଉପରେ ନଜର ରଖିବାକୁ ରାଜ୍ୟକୁ ବୈଜ୍ଞାନିକଙ୍କ ପରାମର୍ଶ