ଦାମ୍ୱୁଲା – ମହିଳା ଟି-୨୦ ଏସିଆ କପ୍ ୨୦୨୪ରେ ଭାରତୀୟ ଟିମ୍ ବିଜୟ ସହ ଯାତ୍ରା ଆରମ୍ଭ କରିଛି। ୧୯ ଜୁଲାଇ (ଶୁକ୍ରବାର)ରେ ରଙ୍ଗିରି ଦାମ୍ୱୁଲା ଇଣ୍ଟରନ୍ୟାସନାଲ ଷ୍ଟାଡିୟମରେ ଖେଳାଯାଇ ଥିବା ମ୍ୟାଚ୍ରେ ଭାରତ ଚିରପ୍ରତିନ୍ଦ୍ୱନ୍ଦୀ ପାକିସ୍ତାନକୁ ୭ ୱିକେଟ୍ରେ ହରାଇଛି। ଉକ୍ତ ମୁକାବିଲାରେ ଭାରତର ବିଜୟ ପାଇଁ ୧୦୯ ରନ୍ର ଟାର୍ଗେଟ୍ ମିଳି ଥିଲା, ଯାହାକୁ ସେ ୧୪.୧ ଓଭରରେ ହିଁ ହାସଲ କରି ନେଇଛି। ଭାରତୀୟ ଟିମ୍ ଏବେ ଗ୍ରୁପ୍-ଏର ନିଜର ଆଗାମୀ ମୁକାବିଲାରେ ୨୧ ଜୁଲାଇରେ ୟୁଏଇର ସାମନା କରିବେ।
ଭାରତ ପାଇଁ ଓପନର ବ୍ୟାଟର ସ୍ମୃତି ମନ୍ଧାନା ଓ ଶେଫାଳୀ ବର୍ମା ଧୂଆଁଦାର ବ୍ୟାଟିଂ କରିଥିଲେ। ସ୍ମୃତି ୩୧ଟି ବଲ୍ରେ ୪୫ ରନ୍ କରିଥିଲେ। ଯେଉଁଥିରେ ୯ଟି ଚୌକା ସାମିଲ ଅଛି। ସେପଟେ ଶେଫାଳୀ ୬ଟି ଚୌକା ଓ ଗୋଟିଏ ଛକା ସାହାଯ୍ୟରେ ୨୯ ଟି ବଲ୍ରେ ୪୦ ରନ୍ର ପାଳି ଖେଳିଛନ୍ତି।
ଉଭୟଙ୍କ ମଧ୍ୟରେ ପ୍ରଥମ ୱିକେଟ୍ ପାଇଁ ୫୭ ଟି ବଲ୍ରେ ୮୫ ରନ୍ର ପାର୍ଟନରସିପ୍ ହୋଇଛି, ଯିଏକି ଭାରତର ବିଜୟକୁ ସହଜ କରି ଦେଇ ଥିଲା। ଏହା ବ୍ୟତୀତ ଡି.ହେମଲତା ୧୪ରନ୍ କରିଛନ୍ତି। ଅନ୍ୟପଟେ ଅଧିନାୟକ ହରମନପ୍ରୀତ କୌର ୫ ଓ ଜେମିମା ରୋଡ୍ରିଗ୍ସ ୩ରନ୍ରେ ଅପରାଜେୟ ଫେରିଥିଲେ। ପାକିସ୍ତାନ ପକ୍ଷରୁ ସୈୟଦା ଅରୁବ ଶାହ ଦୁଇ ଓ ନାଶରା ସନ୍ଧୁ ଗୋଟିଏ ୱିକେଟ୍ ନେଇଥିଲେ।
