ଖଲ୍ଲିକୋଟ, ୦୩/୦୮ : ପାଣିଭାର ନେଇ ଯିବା ବେଳେ ଅଧାରାସ୍ତାରେ ଚାଲିଗଲା ଜୀବନ। କାଉଡ଼ିଆଙ୍କ ଉପରେ ମାଡ଼ିଗଲା ମାଲବାହୀ ଟ୍ରକ୍। ଗଞ୍ଜାମ ଜିଲ୍ଲା ଖଲ୍ଲିକୋଟ ଡିମିରିଆ ଛକରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି। ଘଟଣାସ୍ଥଳରେ ୨ କାଉଡ଼ିଆଙ୍କ ସମେତ ଜଣେ ପଥଚାରୀଙ୍କ ମୃତ୍ୟୁ ହୋଇଛି। 

ସୂଚନାନୁଯାୟୀ, ଋଷିକୁଲ୍ୟା ନଦୀରୁ ପାଣି ଉଠାଇ କିଛି କାଉଡ଼ିଆ ବାଲୁଗାଁ ଅଭିମୁଖେ ଯାଉଥିଲେ। ଗଞ୍ଜାମ ଜିଲ୍ଲା ଖଲ୍ଲିକୋଟ ଡିମିରିଆ ଛକରେ କାଉଡ଼ିଆଙ୍କ ଉପରେ ଏକ ମାଲବାହୀ ଟ୍ରକ୍ ଚଢି ଯାଇଛି। ଘଟଣାସ୍ଥଳରେ ୨ କାଉଡ଼ିଆଙ୍କ ସମେତ ଜଣେ ପଥଚାରୀଙ୍କ ମୃତ୍ୟୁ ହୋଇଛି। ୨ କାଉଡ଼ିଆ ବାଣପୁରର ହୋଇଥିବା ବେଳେ ବୃଦ୍ଧ ଜଣଙ୍କ ଦଲିବାଟି ଗାଁର ବୋଲି ଜଣାପଡ଼ିଛି। ଦୁର୍ଘଟଣାଗ୍ରସ୍ତ ଟ୍ରକ୍ ଆନ୍ଧ୍ରପ୍ରଦେଶରୁ ଭୁବନେଶ୍ୱର ଯାଉଥିଲା। ଦୁର୍ଘଟଣା ପରେ ଟ୍ରକ୍‌ଟି ରାସ୍ତାରେ ଓଲଟି ପଡ଼ିଛି। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି।