ଫ୍ଲୋରିଡ଼ା,୧୮/୦୬: ନେପାଳ ବିପକ୍ଷରେ ବାଂଲାଦେଶର ବିଜୟ ସହ ସୁପର-୮ ରାଉଣ୍ଡ ଚୂଡ଼ାନ୍ତ ହୋଇଛି । ଭାରତ ଏହି ରାଉଣ୍ଡ୍ରେ ଆଫଗାନିସ୍ତାନ, ଅଷ୍ଟ୍ରେଲିଆ ଓ ବାଂଲାଦେଶକୁ ଭେଟିବା ନିଶ୍ଚିତ ହୋଇଛି । ଫର୍ମାଟ୍ ଅନୁଯାୟୀ ୮ଟି ଦଳକୁ ୨ଟି ଗ୍ରୁପ୍ରେ ଭାଗ କରାଯାଇଛି । ଗ୍ରୁପ୍-୧ରେ ଭାରତ, ଅଷ୍ଟ୍ରେଲିଆ, ଆଫଗାନିସ୍ତାନ ଓ ବାଂଲାଦେଶ ରହିଛନ୍ତି । ସେହିପରି ଇଂଲଣ୍ଡ, ଦକ୍ଷିଣ ଆଫ୍ରିକା, ୟୁଏସଏ ଓ ୱେଷ୍ଟ ଇଣ୍ଡିଜ୍ ଅନ୍ୟ ଗ୍ରୁପ୍ରେ ସ୍ଥାନ ପାଇଛନ୍ତି ।
ପ୍ରାଥମିକ ଲିଗ୍ ପର୍ଯ୍ୟାୟର ପ୍ରତି ଗ୍ରୁପ୍ରୁ ୨ଟି ଶ୍ରେଷ୍ଠ ଦଳ ସୁପର-୮ ରାଉଣ୍ଡ୍କୁ ଯୋଗ୍ୟତା ଅର୍ଜନ କରିବେ । ୮ଟି ଦଳକୁ ୨ଟି ଗ୍ରୁପ୍ରେ ଭାଗ କରାଯିବ । ଟୁର୍ଣ୍ଣାମେଣ୍ଟ ପୂର୍ବରୁ ମୋଟ୍ ୮ଟି ଦଳକୁ ମାନ୍ୟତା ପ୍ରଦାନ କରାଯାଇଥିଲା । ଭାରତର ମାନ୍ୟତା ରହିଥିଲା ଏ-୧, ପାକିସ୍ତାନ ଏ-୨, ଇଂଲଣ୍ଡ ବି-୧, ଅଷ୍ଟ୍ରେଲିଆ ବି୨, ନ୍ୟୁଜିଲାଣ୍ଡ ସି-୧, ୱେଷ୍ଟ ଇଣ୍ଡିଜ ସି-୨, ଦକ୍ଷିଣ ଆଫ୍ରିକା ଡି-୧ ଓ ଶ୍ରୀଲଙ୍କା ଡି-୨ ମାନ୍ୟତା ପାଇଥିଲେ ।
ନିୟମ ଅନୁଯାୟୀ ଏମାନଙ୍କ ମଧ୍ୟରୁ ଯେଉଁ ଦଳ ପ୍ରାଥମିକ ଲିଗ୍ ପର୍ଯ୍ୟାୟରୁ ବିଦାୟ ନେବେ, ସେହି ଗ୍ରୁପ୍ର ଶୀର୍ଷ ସ୍ଥାନରେ ରହିଥିବା ଦଳ ତାଙ୍କ ମାନ୍ୟତା ପାଇବେ । ଉଦାହରଣ ସ୍ୱରୂପ ନ୍ୟୁଜିଲାଣ୍ଡ ଲିଗ୍ ପର୍ଯ୍ୟାୟରୁ ବିଦାୟ ନେବା ଫଳରେ ଉକ୍ତ ଗ୍ରୁପ୍ରେ ରହିଥିବା ଆଫଗାନିସ୍ତାନ ସି-୧ ସ୍ଥାନ କବ୍ଜା କରିଥିଲା । ପାକିସ୍ତାନ ଏ-୨ ମାନ୍ୟତା ପାଇଥିଲେ ହେଁ ଲିଗ୍ ପର୍ଯ୍ୟାୟରୁ ବିଦାୟ ନେବା ଫଳରେ ୟୁଏସଏ ଏହି ସ୍ଥାନ ପାଇଥିଲା । ଶ୍ରୀଲଙ୍କା ବାଦ ପଡ଼ିବା ଫଳରେ ବାଂଲାଦେଶ ଉକ୍ତ ସ୍ଥାନ ଦଖଲ କରିଥିଲା ।
ଇଂଲଣ୍ଡ ଗ୍ରୁପ୍-ବି ପଏଣ୍ଟ ତାଲିକାର ଦ୍ୱିତୀୟ ସ୍ଥାନ ଅଧିକାର କରିଥିଲେ ହେଁ ବି-୧ ମାନ୍ୟତା ପାଇ ସୁପର-୮ ରାଉଣ୍ଡ୍ର ଗ୍ରୁପ୍-୨ରେ ସ୍ଥାନ ପାଇଥିଲା । ଅଷ୍ଟ୍ରେଲିଆ ଏହି ଗ୍ରୁପ୍ର ଶୀର୍ଷ ସ୍ଥାନ ଦଖଲ କରିଥିଲେ ହେଁ ବି-୨ ମାନ୍ୟତା ପାଇଥିବାରୁ ଭାରତ ସମେତ ଗ୍ରୁପ୍-୧ରେ ସ୍ଥାନ ହାସଲ କରିଥିଲା ।
ସୁପର-୮ କ୍ରୀଡ଼ା ସୂଚୀ
ଗ୍ରୁପ-୧: ଆଫଗାନିସ୍ତାନ, ଅଷ୍ଟ୍ରେଲିଆ, ବାଂଲାଦେଶ, ଭାରତ
ଗ୍ରୁପ୍-୨: ଇଂଲଣ୍ଡ, ଦକ୍ଷିଣ ଆଫ୍ରିକା, ୟୁଏସଏ, ୱେଷ୍ଟ ଇଣ୍ଡିଜ
୧୯ା୬: ଦକ୍ଷିଣ ଆଫ୍ରିକା ବନାମ ୟୁଏସଏ
୨୦ା୬: ୱେଷ୍ଟ ଇଣ୍ଡିଜ ବନାମ ଇଂଲଣ୍ଡ
୨୦ା୬: ଭାରତ ବନାମ ଆଫଗାନିସ୍ତାନ
୨୧ା୬: ଅଷ୍ଟ୍ରେଲିଆ ବନାମ ବାଂଲାଦେଶ
୨୧ା୬: ଇଂଲଣ୍ଡ ବନାମ ଦକ୍ଷିଣ ଆଫ୍ରିକା
୨୨ା୬: ୟୁଏସଏ ବନାମ ୱେଷ୍ଟ ଇଣ୍ଡିଜ୍
୨୨ା୬: ଭାରତ ବନାମ ବାଂଲାଦେଶ
୨୩ା୬: ଅଷ୍ଟ୍ରେଲିଆ ବନାମ ଆଫଗାନିସ୍ତାନ
୨୩ା୬: ୟୁଏସଏ ବନାମ ଇଂଲଣ୍ଡ
୨୪ା୬: ୱେଷ୍ଟ ଇଣ୍ଡିଜ ବନାମ ଦକ୍ଷିଣ ଆଫ୍ରିକା
୨୪ା୬: ଭାରତ ବନାମ ଅଷ୍ଟ୍ରେଲିଆ
୨୫ା୬: ଆଫଗାନିସ୍ତାନ ବନାମ ବାଂଲାଦେଶ
