ନୂଆଦିଲ୍ଲୀ,୮।୮: ବିଜେପି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରରେ ନୀତୀନ ଗଡକରୀ ଏଭଳି ଜଣେ ମନ୍ତ୍ରୀ, ଯାହାଙ୍କୁ ବିରୋଧି ଦଳ  ମଧ୍ୟ ପ୍ରଶଂସା କରିବାକୁ ପଛାନ୍ତି ନାହିଁ। ତାଙ୍କର ଛବି ଜଣେ କାମ କରୁଥିବା ମନ୍ତ୍ରୀ ଭାବରେ ସମସ୍ତଙ୍କ ଭିତରେ ରହିଛି। ଗୁରୁବାର ସଂସଦରେ ବିରୋଧି ଦଳର ଜଣେ ସାଂସଦ ତାଙ୍କୁ ଖୋଲାଖୋଲି ଭାବରେ କରିଛନ୍ତି ଖୁବ୍ ପ୍ରଶଂସା। ଆଉ ଏହି ସାଂସଦ ଜଣକ ହେଲେ ଟିଏମ୍ସିର କୀର୍ତ୍ତି ଆଜାଦ୍। ସେ ସଡକ ପରିବହନ ମନ୍ତ୍ରୀ ନୀତୀନ ଗଡକରୀଙ୍କ କାର୍ଯ୍ୟକୁ ପ୍ରଶଂସା କରି ଲୋକସଭାରେ କହିଛନ୍ତି, ଯଦି ସରକାରର ସବୁ ମନ୍ତ୍ରୀ ତାଙ୍କ ଭଳି ହୋଇଯାଆନ୍ତି ତେବେ ଦେଶର ଉଦ୍ଧାର ହୋଇଯିବ। 

କୀର୍ତ୍ତି ଆଜାଦ ଗୃହର ପ୍ରଶ୍ନକାଳ ବେଳେ ସଡକ ପରିବହନ ଏବଂ ରାଜମାର୍ଗ ମନ୍ତ୍ରଣାଳୟ ସମ୍ପର୍କୀତ ପ୍ରଶ୍ନ ପଚାରିବା ବେଳେ ଗଡକରୀଙ୍କୁ ପ୍ରଶଂସା କରିଥିଲେ। ସେ କହିଥିଲେ, ଗଡକରୀଙ୍କ ଭଳି ସବୁ ମନ୍ତ୍ରୀ ହୋଇଯିବେ ତେବେ ଦେଶର ଉଦ୍ଧାର ହୋଇଯିବ। ପଶ୍ଚିମବଙ୍ଗର ବର୍ଦ୍ଧମାନ ଦୁର୍ଗାପୁରରୁ ଲୋକସଭା ସାଂସଦ ଥିବା ଆଜାଦ କହିଛନ୍ତି, ଗଡକରୀ ଯେଉଁଭଳ କାମ କରୁଛନ୍ତି, ସେଥିପାଇଁ କେବଳ ମୁଁ ନୁହେଁ ଗୃହର ସବୁ ସାଂସଦ ତାଙ୍କୁ ପ୍ରଶଂସା କରନ୍ତି। ତାଙ୍କ ଭଳି ଅନ୍ୟ ମନ୍ତ୍ରୀ ମଧ୍ୟ ଏପରି ହେବା ଉଚିତ। 

ଉଲ୍ଲେଖନୀୟ ଯେ, ଏହା ପ୍ରଥମ ଥର ନୁହେଁ, ଯେତେବେଳେ ନୀତୀନ ଗଡକରୀଙ୍କ ବିରୋଧି ଦଳ ପ୍ରଶଂସା କରିଛି। ଏହା ପୂର୍ବରୁ ବହୁବାର ତାଙ୍କର ତୁଳନା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ବହୁ ବିରୋଧି ଦଳ କରିଛନ୍ତି। ସେ ମୋଦିଙ୍କ ପରେ ବିଜେପିର ପ୍ରଧାନମନ୍ତ୍ରୀ ପଦ ପାଇଁ ସକ୍ଷମ ପ୍ରାର୍ଥୀ।