ନୀଳଗିରି,୮/୯ : କୁଳଡିହା ଅଭୟାରଣ୍ୟକୁ ଛତୁ ତୋଳିବା ପାଇଁ ଯାଇଥିବାବେଳେ ଭାଲୁ ଆକ୍ରମଣର ଶିକାର ହୋଇ ଜଣେ ଯୁବକ ଗୁରୁତର। ସୂଚନାଯୋଗ୍ୟ ଯେ, କୁଳଡିହା ଅଭୟାରଣ୍ୟ ସୀମାନ୍ତ ଔପଦା ବ୍ଲକ ଅଧିନ ହାତୀଖୁଲିଆ ଗ୍ରାମର କିଛି ଗ୍ରାମବାସୀ ଛତୁ ତୋଳିବାକୁ ଜଙ୍ଗଲକୁ ଯାଇଥିଲେ । ବୁଦାଭିତରେ ଲୁଚିଥିବା ଏକ ଭାଲୁ ଅତର୍କିତ ଆକ୍ରମଣ କରିଥିଲା।

ଫଳରେ ବାୟାଧର ସିଂ (୨୬)ନାମକ ଯୁବକ ଭାଲୁ ହାବୁଡ଼ରେ ପଡି ଯାଇଥିଲେ । ଭାଲୁଟି ତାଙ୍କୁ ଆକ୍ରମଣ କରିବାରୁ ତାଙ୍କ ମୁଣ୍ଡରେ ଗଭୀର କ୍ଷତ ସୃଷ୍ଟି ହୋଇଛି । ରକ୍ତାକ୍ତ ହୋଇ ଗୁରୁତର ଭାବେ ତଳେ ପଡି ଛଟପଟ ସେ ହେଉଥିଲେ। ପରେ ଭାଲୁଟି ଆଉ ୧୦ ଜଣଙ୍କୁ ଆକ୍ରମଣ କରିବାକୁ ଗୋଡ଼ାଇଥିଲା। ସେମାନେ ଜୀବନ ବିକଳରେ ଗଛ ଉପରକୁ ଚଢି ଜୀବନ ବଞ୍ଚାଇଥିଲେ। ଗୁରୁତର ଯୁବକଙ୍କୁ ସୋର ହସ୍ପିଟାଲରେ ଭର୍ତ୍ତି କରିବା ପରେ ସ୍ବାସ୍ଥ୍ୟ ଅବସ୍ଥା ସଙ୍କଟାପନ୍ନ ହେବାରୁ କଟକ ବଡ଼ ଡ଼ାକ୍ତରଖାନା ସ୍ଥାନାନ୍ତର ହୋଇଛି।