ଫୁଲବାଣୀ,୧୫/୧୨ : ରାସ୍ତା କଡରେ ପୋତାଯାଇଥିବା ସିମେଣ୍ଟ ପିଲରରେ ଏକ ବାଇକ ଭାରସାମ୍ୟ ହରାଇ ପିଟି ହେବାରୁ ଜଣଙ୍କର ମୃତ୍ୟୁ ଘଟିଛି। ମୃତକ ଜଣକ ହେଲେ ମୃତକ ଜଣକ ଗୋଚ୍ଛାପଡା ଥାନା କଟ୍ରିଙ୍ଗିଆ ପଞ୍ଚାୟତ ବାଡାବାଙ୍କା ଗ୍ରାମର ରାମ ଦିଗାଲ(୨୫) ।
ରାମ ରବିବାର ଅପରାହ୍ନ ପ୍ରାୟ ୫ ଟା ବେଳେ କୌଣସି କାମରେ ନିଜ ବାଇକ( ଓଡି ୦୨ ବିକେ ୮୭୧୫)ଯୋଗେ ନିଜ ଗ୍ରାମରୁ ଫୁଲବାଣୀ ଆଡକୁ ଆସୁଥିବା ବେଳେ ଭାରସାମ୍ୟ ହରାଇ ରୁଜାଙ୍ଗୀ ନିକଟରେ ରାସ୍ତା କଡରେ ପୋତା ଯାଇଥିବା ଏକ ସିମେଣ୍ଟ ପିଲରରେ ବାଡେଇ ହୋଇ ଯାଇଥିଲେ। ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ସଦର ଥାନା ଏସ ଆଇ ସମ୍ବିତ ବେହେରା ଘଟଣା ସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି।
