କାନପୁର: ବାଂଲାଦେଶ ବିପକ୍ଷ ଦ୍ବିତୀୟ ଟେଷ୍ଟ ରୋମାଞ୍ଚକର ମୋଡ ନେଇଛି । ଚତୁର୍ଥ ଦିନରେ ଭାରତୀୟ ଟିମ୍ ଏକାଧିକ ରେକର୍ଡ କରିବା ସହ ବଡ଼ ସ୍କୋର କରିଛି । ପ୍ରଥମ ଦିନ ମାତ୍ର ୩୫ ଓଭର, ଦ୍ଵିତୀୟ ଓ ତୃତୀୟ ଦିନର ଖେଳ ରଦ୍ଦ ହେବା ପରେ ବି କାନପୁର ଟେଷ୍ଟକୁ ନେଇ ଉତ୍ସାହ ବୃଦ୍ଧି ପାଇଛି । ଚତୁର୍ଥ ଦିନରେ ୧୮ ଓ୍ଵିକେଟ୍ ପତନ ଏବଂ ୪୩୭ ରନ ହୋଇଛି ।
ଚତୁର୍ଥ ଦିନରେ ବାଂଲାଦେଶ ୨୩୩ ରନରେ ଅଲଆଉଟ୍ ହେବା ପରେ ଭାରତ ବିସ୍ଫୋରକ ବ୍ୟାଟିଂ କରି ୨୮୫/୯ରେ ଇନିଂସ ସମାପ୍ତି ଘୋଷଣା କରିଥିଲା। ଆଉ ଦଳ ୫୨ ରନର ଅଗ୍ରଣୀ ହାସଲ କରିଥିଲା। ଆଜି ଖେଳ ଶେଷ ସୁଦ୍ଧା ବାଂଲାଦେଶ ଦ୍ଵିତୀୟ ଇନିଂସରେ ୨ ଓ୍ଵିକେଟ୍ ହରାଇ ୨୬ ରନ କରିଛି। ଦଳ ଏବେ ବି ଭାରତଠୁ ୨୬ ରନରେ ପଛୁଆ ରହିଛି। କ୍ରିଜରେ ଶାଦମାନ ଇସ୍ଲାମ ୭ ରନ ଓ ମୋନିମୁକ ହକ ୦ ରନ କରିବା ସହ ଅପରାଜିତ ଅଛନ୍ତି ।
