ଭୁବନେଶ୍ଵର, ୦୧/୦୮ : ଭରତପୁର ଅଞ୍ଚଳରେ ମହିଳାଙ୍କୁ ୩୩ ଥର ଛୁରି ଭୂଷି ହତ୍ୟା ଘଟଣା । ସ୍ତ୍ରୀ ହତ୍ୟାକାରୀ ସ୍ଵାମୀକୁ ଫାଶୀଦଣ୍ଡ। ଦୋଷୀ ସଞ୍ଜୀତ ଦାସକୁ ଫାଶୀ ଦଣ୍ଡ ଶୁଣାଇଲେ ଏସଡିଜେଏମ୍ କୋର୍ଟ। ଭୁବନେଶ୍ୱର ଏଡିଜେ ୨ କୋର୍ଟ ଏହି ରାୟ ପ୍ରକାଶ କରିଛନ୍ତି ।
୨୦୨୨ ଜୁନ୍ ୯ ତାରିଖରେ ଭୁବନେଶ୍ୱର ଉପକଣ୍ଠ ଭରତପୁର ଅଞ୍ଚଳରେ ହତ୍ୟାକାଣ୍ଡ ହୋଇଥିଲା। ଏହି ଅଞ୍ଚଳରେ ବାସ କରୁଥିବା ସଞ୍ଜୀବ ଦାସ ନିଜ ସ୍ତ୍ରୀଙ୍କୁ ୩୩ ଥର ଛୁରି ଭୂଷି ହତ୍ୟା କରିଥିଲେ। ନିଶା ପାଇଁ ନିଜ ସ୍ତ୍ରୀଙ୍କୁ ଅତି ବିଭତ୍ସ ଭାବେ ହତ୍ୟା କରିଥିଲେ। ମୃତକଙ୍କ ନାମ ଥିଲା ସରସ୍ୱତୀ ଦାସ। ଏହାସହିତ ନିଜ ୬ ବର୍ଷ ଝିଅର ତଣ୍ଟି କାଟି ମାରିଦେବାକୁ ଉଦ୍ୟମ କରିଥିଲା । ହେଲେ ସୌଭାଗ୍ୟବଶତଃ ବଞ୍ଚି ଯାଇଥିଲେ ଝିଅ । ଏହାପରେ ଭରତପୁର ଥାନା ପୋଲିସ ଅଭିଯୁକ୍ତ ସଞ୍ଜୀବ ଦାସଙ୍କୁ ଗିରଫ କରି ତଦନ୍ତ ଆରମ୍ଭ କରିଥିଲା । ଆଉ ଏବେ ଏହି ମାମଲାରେ ରାୟ ପ୍ରକାଶ ପାଇଛି ।
ଭୁବନେଶ୍ୱର ଏଡିଜେ ୨ କୋର୍ଟ ମାମଲାର ଶୁଣାଣି କରି ଅଭିଯୁକ୍ତ ସ୍ୱାମୀ ସଞ୍ଜୀବ ଦାସଙ୍କୁ ଫାଶୀ ଦଣ୍ଡାଦେଶ ଶୁଣାଇଛନ୍ତି। ଏହାସହିତ କୋର୍ଟ ନିଜ ରାୟରେ କହିଛନ୍ତି ଯେ, ଅଭିଯୁକ୍ତ ଜଣଙ୍କ ନିଜ ସ୍ତ୍ରୀକୁ ହତ୍ୟା କରିନାହିଁ ବରଂ ଦୁଇ ଜଣ କୋମଳ ଶିଶୁଙ୍କ ଠାରୁ ତାଙ୍କ ମାଆଙ୍କୁ ଛଡାଇ ନେଇଛି । ତେଣୁ ତାଙ୍କ ପ୍ରତି ଦୃଢ କାର୍ଯ୍ୟାନୁଷ୍ଠାନ ହେବା ଦରକାର । ଭାରତୀୟ ଆଇନ୍ ଅନୁସାରେ ତାଙ୍କୁ ଫାଶୀ ଦଣ୍ଡାଦେଶରେ ଏହି କୋର୍ଟ ଦଣ୍ଡିତ କରୁଛନ୍ତି ।
